Legesarea Euskadi

Euskadi.eusen sartu

Hemen zaude:
  1. Hasiera
  2. 68/2018 DEKRETUA, maiatzaren 8koa, zeinaren bidez aldatzen baita Euskal Autonomi...
 

Araudia

Euskal Autonomia Erkidegoan indarrean dauden eta aplikagarriak diren lege eta arau multzoa.

Zergei buruzko araudia

Euskal Herriko hiru lurralde historikoetako zerga arloko araudia

 

Eskumenak eta transferentziak

Eduki-mota honek Euskal Herriaren Autonomia Estatutuan aitortutako eskumenak hartzen ditu baita Autonomia Erkidegorako transferentzien egoera ere.

 

Garrantzi juridikoko dokumentazioa

Garrantzi juridikoko dokumentazioari buruzko edukiak EAE ko legedia ulertu eta interpretatzeko laguntza dira, baita Eusko Jaurlaritzaren administrazio-egintza eta -jarduera jakin batzuen berri izateko laguntza ere.

Arautegia

Inprimatu

68/2018 DEKRETUA, maiatzaren 8koa, zeinaren bidez aldatzen baita Euskal Autonomia Erkidegoko Administrazioko sailetako eta erakunde autonomoetako lanpostuen zerrendak onartu zituen Dekretua.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Gobernantza Publiko eta Autogobernu Saila
  • Jadanekotasuna-egoera: Indarrean

Aldizkari ofiziala

  • Aldizkari ofiziala: EHAA (Euskal Herria)
  • Aldizkari-zk.: 90
  • Hurrenkera-zk.: 2519
  • Xedapen-zk.: 68
  • Xedapen-data: 2018/05/08
  • Argitaratze-data: 2018/05/11

Gaikako eremua

  • Gaia: Administrazioaren antolamendua
  • Azpigaia: Funtzio publikoa

Testu legala

Urriaren 14ko 226/1997 Dekretuaren bidez, karrerako funtzionarioei eta langile lan-kontratudunentzat gordetako lanpostuen zerrendak onartu ziren.

Lanpostuen zerrendak administrazioko barne-egiturak antolatzeko baliabideak dira. Beraz, indarrean dauden prozeduren arabera izapidetu ondoren, aldeko ebazpena jaso duten aldaketak lanpostuen zerrendetan sartu behar dira aldian-aldian, Euskal Funtzio Publikoari buruzko uztailaren 6ko 6/1989 Legearen 18. artikuluan agindutakoa betetzeko.

Hainbat epaik erabaki dute EustatEuskal Estatistika Erakundea erakunde autonomoari atxikitako langileak aldizkako lan-kontratu mugagabekoak direla, «Inkestatzailea» eta «Ikuskatzailea» kategoriekin, eta «Ikuskatzailea» kategoriako langile baten kasuan, lan-kontratu mugagabe jarraitukoa dela.

2011ko otsailaren 17ko «Administrazio Orokorreko aldizkako mugagabetzat deklaratutako langile Eustaten zerbitzukoei deitzeko akordio arauemailea» delakoan oinarritzen da aldizkako lan-kontratu mugagabedun langileek Eustatekin duten harremana.

Epai horiek behar bezala egikaritzeko, lanpostuen zerrenda aldatu behar da Euskal Autonomia Erkidegoko Administrazio Orokorreko eta haren erakunde autonomoetako lanpostuen zerrenda arautzen duen apirilaren 12ko 78/2005 Dekretuaren 5. artikuluan aurreikusitako prozeduraren arabera; horrela, epai horien eraginpeko langileak Inkestatzailearen (3601 kodea) eta Ikuskatzailearen (3600 kodea) lanpostuei atxikiko zaizkie, egun zerbitzuak ematean dituzten baldintza beretan.

Horren ondorioz, Gobernantza Publiko eta Autogobernuko sailburuaren proposamenez, eta Gobernu Kontseiluak 2018ko maiatzaren 8an egindako bilkuran proposamena aztertu eta onartu ondoren, hau

Eustat Erakunde Autonomoko langile lan-kontratudunak, epaiz aldizkako mugagabetzat deklaratuak, Inkestatzailearen (3601 kodea) eta Ikuskatzailearen (3600 kodea) lanpostuen dotazio bakoitzari atxikitzeak ez dakar inongo aldaketarik 2011ko otsailaren 17ko «Administrazio Orokorreko aldizkako mugagabetzat deklaratutako langile Eustaten zerbitzukoei deitzeko akordio arauemailea» delakoaren aplikazioan, eta langile horien ordezkapenak egiteko baldintzak zehaztuko ditu.

AZKEN XEDAPENETATIK LEHENENGOA. Errekurtsoak.

Dekretu honek amaiera ematen dio administrazio-bideari, eta, beraren aurka, aukerako berraztertzeko errekurtsoa aurkez dakioke Gobernu Kontseiluari, hilabeteko epean, dekretua argitaratu eta biharamunetik hasita; edo, bestela, administrazioarekiko auzi-errekurtsoa aurkez daiteke Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hileko epean, dekretua argitaratu eta biharamunetik hasita.

AZKEN XEDAPENETATIK BIGARRENA. Indarrean jartzea.

Dekretu honek Euskal Herriko Agintaritzaren Aldizkarian argitaratu eta biharamunetik aurrera izango ditu ondorioak.

Vitoria-Gasteizen, 2018ko maiatzaren 8an.

Lehendakaria,

IÑIGO URKULLU RENTERIA.

Gobernantza Publiko eta Autogobernuko sailburua,

JOSU IÑAKI ERKOREKA GERVASIO.

(Ikus .PDF)

Gaiarekin lotutako edukiak.


Arauaren historia

Ez dago lotutako edukirik

Eskumenak eta transferentziak

Ez dago lotutako edukirik

Garrantzi juridikoko dokumentazioa

Ez dago lotutako edukirik
Euskadi, auzolana