Eduki-mota honek Euskal Herriaren Autonomia Estatutuan aitortutako eskumenak hartzen ditu baita Autonomia Erkidegorako transferentzien egoera ere.
Garrantzi juridikoko dokumentazioari buruzko edukiak EAEko legedia ulertu eta interpretatzeko laguntza dira, baita Eusko Jaurlaritzaren administrazio-egintza eta -jarduera jakin batzuen berri izateko laguntza ere.
Legegunea proiektua Eusko Jaurlaritzako Herri Administrazio eta Justizia Sailak bultzatutako euskadi.eus-eko edukien kalitatea hobetzeko estrategia batetik sortu da eta herritarren eskura jarri nahi ditu gure autogobernu sistematik sortutako euskal eskumen-arlokoak diren eduki arauemaileak baita, Estatuko arlokoak izanik, horiek gaitzen dituzten edo aplikagarriak diren beste batzuk ere.
Zer aurki dezaket Legegunean ?
Legeguneak web-orri bakar batean biltzen ditu Eusko Jaurlaritzaren garrantzi juridikoko eduki guztiak, herritarrei modu ordenatu batean eskaintzeko, sarbide erraz eta argi batzuen bitartez.
Legegunea informazioa zehaztasun osoz eskaintzen al da ?
Legegunearen xedea ez da datu-base komertzialekin lehiatzea, baizik eta Eusko Jaurlaritzak duen informazioa biltzea eta herritarrei eskaintzea.
Zer dira legegintzako txostenak ?
Arauen “bildumak”dira. Eusko Jaurlaritzako teknikariek gai zehatz baten inguruan dauden arau aplikagarriak aztertu dituzte aldez aurretik, eta lan hori aprobetxatzen da bildumak egiteko.
