- AGINDUA, 2015eko apirilaren 22koa, Hezkuntza, Hizkuntza Politika eta Kulturako sailburuarena, hezkuntza-ituna indarrean duten ikastetxeetan 2015-2016 ikasturterako itundu beharreko gela-kopurua zehazteko inprimaki-eskabideak, eta eskabideak aurkezteko egutegia onartzeko eta jakinarazteko dena. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2015eko apirilaren 22koa, Hezkuntza, Hizkuntza Politika eta Kulturako sailburuarena, hezkuntza-ituna indarrean duten ikastetxeetan 2015-2016 ikasturterako itundu beharreko gela-kopurua zehazteko inprimaki-eskabideak, eta eskabideak aurkezteko egutegia onartzeko eta jakinarazteko dena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Hezkuntza, Hizkuntza Politika eta Kultura Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 74
- Hurrenkera-zk.: 1810
- Xedapen-zk.: ---
- Xedapen-data: 2015/04/22
- Argitaratze-data: 2015/04/22
Gaikako eremua
- Gaia: Administrazioaren antolamendua; Hezkuntza
- Azpigaia: Gobernua eta herri administrazioa
Testu legala
Irailaren 8ko 293/1987 Dekretuaren bidez, hezkuntza-itunen erregelamendua onartu zen. Haren II. eta VI. kapituluetan ezarrita dago hezkuntza-itunak sinatu eta berritzeko prozedura.
Hezkuntza, Unibertsitate eta Ikerketako sailburuaren 2012ko maiatzaren 16ko Aginduaren bidez, 2012-2013, 2013-2014, 2014-2015 eta 2015-2016 ikasturteetarako hezkuntza-itunak sinatzeko eta berritzeko baldintzak arautzen dira (2014ko maiatzaren 21eko Aginduaren bidez aldatu zen agindu hori). Agindu horren 11. artikuluan ezartzen denez, Euskal Herriko Agintaritzaren Aldizkarian urtero argitaratuko da Hezkuntza, Hizkuntza Politika eta Kulturako sailburuaren agindu bat, zeinetan egutegiak eta eskabide-orriak zehaztuko diren.
Oinarrizko Lanbide Heziketari dagokionez, ez da deialdi honetan arautuko; izan ere, Oinarrizko Lanbide Heziketa antolatzeko eta Euskal Autonomia Erkidegoan ezartzeko Dekretua izapidetzen ari dira. Dekretu horren xedea da Euskal Autonomia Erkidegoko Oinarrizko Lanbide Heziketako irakaskuntzen alderdi espezifikoak antolatzea.
Hori dela eta, Oinarrizko Lanbide Heziketaren ituna sinatzeko deialdia eta itunduko diren unitateen zehaztapena ez da deialdi honetan egingo, irakaskuntza horiek arautzen dituen dekretu hori onartu ondoren baizik.
Hori dela eta, 2015-2016 ikasturterako itundu beharreko gelak zehaztu behar direnez, honako hau
Onartzea eta jakinaraztea hezkuntza-ituna indarrean duten ikastetxeetan 2015-2016 ikasturterako itundu beharreko gela-kopurua zehazteko inprimaki-eskabideak.
Eskabideak aurkezteko egutegia onartu eta jakinaraztea:
Hilabetekoa izango da Haur Hezkuntza (2. zikloa), Lehen Hezkuntza, Derrigorrezko Bigarren Hezkuntza eta Hezkuntza Bereziko irakaskuntzak 2015-2016 ikasturtean ituntzeko eskabideak aurkezteko epea, agindu hau Euskal Herriko Agintaritzaren Aldizkarian argitaratu eta biharamunetik aurrera.
2015eko uztailaren 6an amaituko da Batxilergoko, Erdi Mailako Heziketa Zikloetako, Goi Mailako Heziketa Zikloetako eta Hezkuntza Berezia 2 LH-ko irakaskuntzen 2015-2016 ikasturtea ituntzeko eskabideak aurkezteko epea.
Eskabideak elektronikoki aurkeztuko dira Hezkuntza Hizkuntza Politika eta Kultura Saileko hezkuntza-itunen aplikazio informatikoaren bidez.
Eskabideak aurkezteko argibideak eta deialdi honi buruzko gainontzeko izapideei buruzko argibideak Eusko Jaurlaritzaren egoitza elektronikoan daude eskuragarri: https://euskadi.eus/agrupacion_servicios/2015/itunak/y22-izapide/es
Eusko Jaurlaritzaren egoitza elektronikoan aurkezteko ezintasun tekniko edo materialik balego, ikastetxeek aurrez aurre aurkeztu ahal izango dute eskabidea. Eskabidearekin batera, honako agiri hauek aurkeztu beharko dituzte:
Aurkeztu den eskabidea osorik ez balego edo zuzentzeko moduko akatsik balego, hamar egun balioduneko epea emango zaio ikastetxe interesdunari akatsa zuzen dezan eskabidea aurkeztean aukeratutako bidetik; halaber ohartarazten zaio, hala egin ezean, eta 30/1992 Legearen 71. artikuluan ezarritakoaren araberako ebazpena eman ondoren, bere eskaeran atzera egin duela joko dela (azaroaren 26koa 30/1992 Legea, Herri Administrazioen Araubide Juridiko eta Administrazio Prozedura Erkidearena).
Era berean, behin-behineko proposamena jaso ondoren, ikastetxeek, jakinarazten den egunetik hasita hamar egun naturaleko epean, egokiak iruditzen zaizkien alegazioak aurkez ditzakete.
2012ko maiatzaren 16ko Aginduan ezarritako Batzordeek eskabideak aztertuta eta proposamenak eginda, Hezkuntza, Hizkuntza Politika eta Kulturako sailburuaren aginduaren bidez ebatziko da deialdia, sei hilabeteko epean, agindu hau indarrean sartzen denetik hasita, eta Euskal Herriko Agintaritzaren Aldizkarian (aldizkarian argitaratu eta hurrengo egunetik aurrera izango du jakinarazpen indarra) eta Eusko Jaurlaritzaren egoitza elektronikoko iragarki-taulan (https://euskadi.eus) argitaratuko da.
Matrikula egiteko ohiko epea eskabideak egiteko epea baino geroago bukatzen bada, matrikula egiteko ohiko epearen barruan matrikulatutako ikasleak hartuko dira kontuan deialdiaren ebazpenean.
AZKEN XEDAPENETATIK LEHENENGOA
Hasierako Lanbide Prestakuntzako Programak.
Hasierako Lanbide Prestakuntzako Programak direla-eta Hezkuntzaren kalitatea hobetzeko abenduaren 9ko 8/2013 Lege Organikoan ezarritakoaren arabera, ez dira itunduko 2015-2016 ikasturterako, eta irakaskuntza hori Oinarrizko Lanbide Heziketako zikloek ordeztuko dute.
AZKEN XEDAPENETATIK BIGARRENA
Agindu honetan aurreikusi gabekoetan, arau hauetan ezarritakoa aplikatuko da: Hezkuntza, Unibertsitate eta Ikerketako sailburuaren 2012ko maiatzaren 16ko Agindua, 2012-2013, 2013-2014, 2014-2015 eta 2015-2016 ikasturteetarako hezkuntza-itunak sinatzeko eta berritzeko baldintzak arautzekoa (agindu hori 2014ko maiatzaren 21eko Aginduaren bidez aldatu zen); Hezkuntza-itunen Araubidea onartzen duen irailaren 8ko 293/1987 Dekretua; eta 30/1992 Legea, Herri Administrazioen Araubide Juridikoaren eta Administrazio Prozedura Erkidearena.
AZKEN XEDAPENETATIK HIRUGARRENA
Indarrean sartzea.
Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.
Vitoria-Gasteiz, 2015eko apirilaren 22a.
Hezkuntza, Hizkuntza Politika eta Kulturako sailburua,
CRISTINA URIARTE TOLEDO.
_________________________________________________________________jaunak/andreak,___________________________ udalerriko _________________________ ikastetxe pribatuko titularra/ordezkaria izanik, 2015eko _____________aren ____ko Aginduari jarraiki, zeinen bidez onetsi eta argitara ematen baitira 2015-2016 ikasturterako ituntzeko gela-kopurua zehazteko eskatzeko inprimakiak, honako hau
ESKATZEN DU:
2015-2016 ikasturterako hezkuntza-itunak, honekin batera doazen II. eranskinen arabera.
_________________________, 2015EKO ____________AREN ___A.
TITULARRA/ORDEZKARIA
(Ikus .PDF)
Gaiarekin lotutako edukiak
Arauaren historia
- Ikus: AGINDUA, 2012ko maiatzaren 16koa, Hezkuntza, Unibertsitate eta Ikerketako sailburuarena, 2012-2013, 2013-2014, 2014-2015 eta 2015-2016 ikasturteetarako hezkuntza-itunak sinatzeko eta berritzeko, eta 2012-2013 ikasturterako unitateak zehazteko dei egiten d
- Ikus: AGINDUA, 2015eko urriaren 29koa, Hezkuntza, Hizkuntza Politika eta Kulturako sailburuarena, 2015-2016 ikasturterako Batxilergoko, Erdi Mailako Heziketa Zikloetako, Goi Mailako Heziketa Zikloetako eta Hezkuntza Berezia 2 LH-ko zer unitate itunduko diren eb
- Ikus: AGINDUA, 2015eko irailaren 10ekoa, Hezkuntza, Hizkuntza Politika eta Kulturako sailburuarena, 2015-2016ko ikasturterako itundu beharreko unitateen zehaztapena ebazten duena, Haur Hezkuntzan (2. zikloa), Lehen Hezkuntzan, Derrigorrezko Bigarren Hezkuntzan