- AGINDUA, 2025eko uztailaren 8koa, Hezkuntzako sailburuarena, Legazpin (Gipuzkoa) dagoen «Olazabal» Bigarren Hezkuntzako Ikastetxearen izen espezifikoaren aldaketa onartzeko dena. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2025eko uztailaren 8koa, Hezkuntzako sailburuarena, Legazpin (Gipuzkoa) dagoen «Olazabal» Bigarren Hezkuntzako Ikastetxearen izen espezifikoaren aldaketa onartzeko dena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 168
- Hurrenkera-zk.: 3762
- Xedapen-zk.: ---
- Xedapen-data: 2025/07/08
- Argitaratze-data: 2025/09/05
Gaikako eremua
- Gaia: Administrazioaren antolamendua; Hezkuntza
- Azpigaia: Gobernua eta Administrazio Publikoa
Testu legala
Hezkuntzari buruzko maiatzaren 3ko 2/2006 Lege Organikoaren 111. artikuluan eta Euskal Autonomia Erkidegoko ikastetxeen izen generikoa eguneratzen duen Hezkuntza, Hizkuntza Politika eta Kulturako sailburuaren 2016ko otsailaren 4ko Aginduaren I. eranskinean ezarritakoaren arabera, derrigorrezko bigarren hezkuntza, batxilergoa eta lanbide-heziketa eskaintzen dituzten ikastetxe publikoak Bigarren Hezkuntzako Institutu deituko dira.
Hezkuntzarako Eskubidea arautzen duen uztailaren 3ko 8/1985 Lege Organikoaren 13. artikuluan ezartzen denez, ematen dituzten irakaskuntzei dagokien izen orokorraz gain, ikastetxeek izen espezifiko bat izan behar dute.
Legazpiko (Gipuzkoa) «Olazabal» Bigarren Hezkuntzako Ikastetxearen izen espezifikoa aldatzeko eskabidea aztertu da. Ikastetxearen Ordezkaritza Organo Gorenak erabaki zuen hori 2025eko maiatzaren 21ean, ikastetxearen autonomia-eremuko azken arduraduna den aldetik, Euskal Eskola Publikoari buruzko otsailaren 19ko 1/1993 Legearen 31. artikuluan ezarritakoarekin bat.
Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta horretan eskumena duen Hezkuntzako Ikuskaritzak aldeko txostena egin du, Jaurlaritzari buruzko ekainaren 30eko 7/1981 Legearen 26. artikuluak eta Hezkuntza Sailaren egitura organikoa eta funtzionala ezartzen dituen azaroaren 19ko 381/2024 Dekretuaren 4. artikuluak esleitutako eskumenak baliatuz.
Ikastetxearen kodeak: 012117 (EAE) eta 20007680 (unibertsala).
Izen orokorra: Bigarren Hezkuntzako Ikastetxea.
Izen espezifikoa: «Olamendi».
Helbidea: San Martin auzoa 16.
Udalerria: Legazpi.
Lurralde Historikoa: Gipuzkoa.
Agindu honen aurka aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2025eko uztailaren 8a.
Hezkuntzako sailburua,
MARÍA BEGOÑA PEDROSA LOBATO.