- AGINDUA, 2026ko ekainaren 29koa, Gobernantza, Administrazio Digital eta Autogobernuko sailburuarena, zeinaren bidez Euskal Autonomia Erkidegoko Fundazioen Erregistroan inskribatzen baita Fundación Juan de los Toyos izeneko fundazioaren estatutuen aldaketa. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2026ko ekainaren 29koa, Gobernantza, Administrazio Digital eta Autogobernuko sailburuarena, zeinaren bidez Euskal Autonomia Erkidegoko Fundazioen Erregistroan inskribatzen baita Fundación Juan de los Toyos izeneko fundazioaren estatutuen aldaketa.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Gobernantza, Administrazio Digital eta Autogobernuaren Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 193
- Hurrenkera-zk.: 4163
- Xedapen-zk.: ---
- Xedapen-data: 2026/06/29
- Argitaratze-data: 2026/10/08
Gaikako eremua
- Gaia: Administrazioaren antolamendua; Ogasun eta Ekonomía
- Azpigaia: Gobernua eta Administrazio Publikoa; Ekonomia
Testu legala
2025eko abenduaren 19an, patronatuak fundazioaren estatutuak aldatzea erabaki zuen.
Akordioa jendaurrean jarri zen, Bilbon, 2026ko martxoaren 25ean, Jaime Fernández Ostolaza notarioaren aurrean (protokolo-zenbakia: 426).
2026ko apirilaren 21ean eskabide bat sartu zen Gobernantza, Administrazio Digital eta Autogobernu Sailean, Fundación Juan de los Toyos izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzeko.
Eskabidearekin batera espedientean dagoen dokumentazioa aurkeztu da.
Fundazioaren estatutuen aldaketaren azterketa juridikoa egin ondoren, Euskal Autonomia Erkidegoko Fundazioen Erregistroko aholkularitza juridikoak, 2026ko ekainaren 5ean, estatutu-testu berriaren zenbait alderdi zuzentzeko errekerimendua jakinarazi zion Fundazioari.
2026ko ekainaren 18an, adierazitako akatsak zuzentzeko, fundazioak 2026ko ekainaren 17ko eskritura osagarria aurkeztu zuen, Jaime Fernandez Ostolaza Bilboko notarioaren aurrean publikoa izan zena (protokolo-zenbakia: 854). Eskritura horretan fundazioaren estatutuak jasotzen dira, eskatutako moduan zuzenduta.
Gobernantza, Administrazio Digital eta Autogobernuko sailburuari dagokio estatutuak aldatzeko espediente hau agindu bidez ebaztea, hauekin bat etorriz: Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; eta Euskal Autonomia Erkidegoaren Administrazioko sailak sortu, ezabatu eta aldatzen dituen eta horien eginkizunak eta jardun-arloak zehazten dituen lehendakariaren ekainaren 23ko 18/2024 Dekretuaren 9.1.n) artikulua.
Espedienteari funtsezkotzat jotzen diren datu eta dokumentu guztiak erantsi zaizkio, eta bereziki bete dira Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan eta Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan aurreikusitako baldintzak.
Fundazioaren estatutuen testu bategina, zeina egiletsitako eskritura publikoarekin batera aurkeztu baitzen, 2026ko martxoaren 25ean, Bilboko Jaime Fernández Ostolaza notarioaren aurrean (protokolo-zenbakia: 426), eta, ondoren, 2026ko ekainaren 17an, notario beraren aurrean (protokolo-zenbakia: 854), Euskal Autonomia Erkidegoko Fundazioen Erregistroak kontuan hartu beharreko azken bertsio balioduna izango da inskripzioaren ondorioetarako.
Horrenbestez, estatutuen aldaketa bat dator aplikagarriak diren lege eta erregelamenduetan ezarritakoarekin.
Hori guztia kontuan hartuta,
Lehenengoa. Euskal Autonomia Erkidegoko Fundazioen Erregistroan inskribatzea Fundación Juan de los Toyos fundazioaren estatutuen aldaketa, agindu honen datarekin eta Bilboko notario Jaime Fernández Ostolazaren aurrean 2026ko martxoaren 25ean egiletsitako eskritura publikoko zehaztapenekin bat etorriz (protokolo-zenbakia: 426). Eskritura hori, ondoren, notario beraren aurrean osatu zen 2026ko ekainaren 17an (protokolo-zenbakia: 854).
Bigarrena. Agindu hau Euskal Herriko Agintaritzaren Aldizkarian argitaratzea eta interesdunei jakinaraztea.
Agindu honek amaiera ematen dio administrazio-bideari, eta, ondorioz, honen aurka aukerako berraztertze-errekurtsoa aurkez daiteke Gobernantza, Administrazio Digital eta Autogobernuko sailburu honen aurrean, agindua jakinarazi eta hurrengo egunetik aurrera, hilabeteko epean; bestela, Administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusiko Administrazioarekiko Auzien Salan, bi hileko epean, agindua jakinarazi eta hurrengo egunetik aurrera.
Vitoria-Gasteiz, 2026ko ekainaren 29a.
Gobernantza, Administrazio Digital eta Autogobernuko sailburua,
MARÍA UBARRECHENA CID.