Ongi etorri Legegunea atarira

2026ko uztailaren 7an eskabide bat sartu da Gobernantza, Administrazio Digital eta Autogobernu Sailean, Fundación Colegio Oficial de Médicos de Gipuzkoa-Gipuzkoako Sendagileen Elkargo Ofizialeko Fundazioa izeneko fundazioaren estatutuen aldaketa Euskal Autonomia Erkidegoko Fundazioen Erregistroan inskribatzeko.

Eskabidearekin batera espedientean dagoen dokumentazioa aurkeztu da.

2026ko maiatzaren 20an, fundazioaren patronatuak erabaki zuen fundazioaren estatutuetako artikulu hauek aldatzea:

10. artikulua (Patronatuaren osaera eta iraupena): patronatuko kideak berritzeko sistema aldatzen da.

    Erabaki hau publiko egin da, 2026ko uztailaren 6an, Jose Gabrial González Botías notarioaren aurrean (protokolo-zenbakia: 1544).

    Fundazioen Erregistroak, 2026ko uztailaren 28ko idazkiaren bidez, igorritako dokumentazioan antzemandako akatsak zuzentzeko eskatu zion Fundazioari, hau da, aldaketaren ondoriozko estatutuen testu bategina, Euskal Autonomia Erkidegoko Fundazioen Babeslaritzaren eta Erregistroaren Erregelamendua onartzen duen uztailaren 23ko 115/2019 Dekretuaren 42.4 artikuluan xedatutakoaren arabera.

    2026ko uztailaren 30ean, eta adierazitako akatsa zuzentzeko, espedientean jasotako dokumentazioa sartu zen Gobernantza, Administrazio Digital eta Autogobernu Sailaren Erregistroan, hau da, estatutuen testu bategina.

    Gobernantza, Administrazio Digital eta Autogobernuko sailburuari dagokio estatutuak aldatzeko espediente hau Agindu bidez ebaztea, hauekin bat etorriz: Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 3.1.a) artikulua; Euskal Autonomia Erkidegoaren Administrazioko sailak sortu, ezabatu eta aldatzen dituen eta horien eginkizunak eta jardun-arloak zehazten dituen lehendakariaren ekainaren 23ko 18/2024 Dekretuaren 9.1.n) artikulua.

    Espedienteari funtsezkotzat jotzen diren datu eta dokumentu guztiak erantsi zaizkio, eta bereziki bete dira Euskal Autonomia Erkidegoko Fundazioei buruzko ekainaren 2ko 9/2016 Legearen 37. eta 51.2 artikuluetan; eta Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duen uztailaren 23ko 115/2019 Dekretuaren 42. artikuluan aurreikusitako baldintzak.

    Fundazioaren estatutuen testu bategina, 2026ko uztailaren 6ko eskritura publikoarekin batera aurkeztutakoa (protokolo-zenbakia: 1544), Euskal Autonomia Erkidegoko Fundazioen Erregistroak kontuan hartu beharreko azken bertsio balioduna izango da inskribatzeko ondorioetarako.

    Horrenbestez, estatutuen aldaketa bat dator aplikagarriak diren lege eta erregelamenduetan ezarritakoarekin.

    Hori guztia kontuan hartuta,