- 1626/2026 EBAZPENA, 2026ko irailaren 23koa, Osakidetza-Euskal osasun zerbitzuko zuzendari nagusiarena, zeinaren bidez Osakidetza-Euskal osasun zerbitzuko Tolosaldeko Erakunde Sanitario Integratuaren kontratazio-mahaia aldatzen duena. - Legegunea: Euskal Herriko araudia - Eusko Jaurlaritza - Euskadi.eus
Arautegia
Inprimatu1626/2026 EBAZPENA, 2026ko irailaren 23koa, Osakidetza-Euskal osasun zerbitzuko zuzendari nagusiarena, zeinaren bidez Osakidetza-Euskal osasun zerbitzuko Tolosaldeko Erakunde Sanitario Integratuaren kontratazio-mahaia aldatzen duena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal osasun zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 195
- Hurrenkera-zk.: 4230
- Xedapen-zk.: 1626
- Xedapen-data: 2026/09/23
- Argitaratze-data: 2026/10/13
Gaikako eremua
- Gaia: Ogasun eta Ekonomía; Osasun eta kontsumoa
- Azpigaia: Ogasun
Testu legala
Azaroaren 11ko 255/1997 Dekretuak, Osakidetza-Euskal osasun zerbitzua Ente Publikoaren Estatutuak ezartzen dituenak, honako hau xedatzen du 20.4 artikuluan: «Erakundearen Zuzendaritza Nagusiak, Administrazio Kontseiluak baimena eman ondoren, beharrezkotzat jotzen diren Kontratazio Mahaiak sortuko ditu, Ente Publikoko erakundeen dimentsionamenduaren arabera eta kontratuen esleipenean kontratazio-organoari laguntzeko eginkizunak betetzeko.
Sortzen diren kontratazio-mahaiek honako kide hauek izango dituzte:
Mahaiaburua: erakundeko zuzendaritza-kargua, kontratazio-organoa ez dena.
Kontratazio-organoak izendatutako bi kide.
Mahaikide-idazkari bat, erakundeari atxikitako letraduen edo zuzenbidean lizentziatutako kudeaketa-teknikarien artetik kontratazio-organoak izendatua. Mahaiko aholkulari juridikoaren eta idazkariaren eginkizunak beteko ditu, eta hitza eta botoa izango ditu».
Mahaiaren bileretan parte hartu ahal izango dute, lehendakariaren ekimenez, kontratuaren xedearekin zerikusia duten gaietan ezagutza egiaztatua duten teknikari edo aditu independenteek, espedientean jasota utziz bertaratutako teknikari edo adituen nortasuna, haien prestakuntza eta lanbide-esperientzia. Horiek guztiek hitza izango dute, baina botorik ez.
Kontratazio-mahaiaren funtzionamenduak ez du gastu publikoa handituko, eta mahaikideek ez dute ordainsaririk jasoko kontratazio-mahaiko kide gisa dituzten eginkizunak betetzeagatik. Horien sorrera eta funtzionamendua zerbitzu-erakunde bakoitzari esleitutako giza baliabideekin, baliabide teknikoekin eta aurrekontu-baliabideekin egingo da.
Osakidetza erakunde publikoaren Administrazio Kontseiluaren 2014ko abenduaren 30eko Erabakiaren bidez, Tolosaldeko Erakunde Sanitario Integratua sortu zen Gipuzkoako Osasun Barrutiaren lurralde-eremuan.
Osakidetza-Euskal osasun zerbitzuko zuzendari nagusiaren 2015eko maiatzaren 13ko 1011/2015 Ebazpenaren bidez, Tolosaldeko Erakunde Sanitario Integratuari atxikitako Kontratazio Mahaia sortu zen.
202/2024 Ebazpenaren bidez, goian aipatutako Kontratazio Mahaiko kideen izendapenean azken aldaketa egitea erabaki zen.
Une honetan, eta plantillan izandako aldaketen ondorioz, beharrezkoa da Kontratazio Mahaia eguneratzea.
Horregatik guztiagatik, Zuzendaritza Nagusi honek, legez eman zaizkion ahalmenez baliatuz, hau
Lehenengoa. Tolosaldeko ESIari atxikitako kontratazio-mahaiaren osaera aldatzea.
Bigarrena. Kontratazio Mahaiaren osaera honako hau izango dela adieraztea:
Mahaiburua:
Titularra: Nagore Lora Laca, Tolosaldea ESIko Kudeaketa zuzendaria.
Ordezkoa: María Amparo Asenjo Martin, Kudeaketa Klinikoko Unitateko burua.
kidea:
Titularra: Xabier Unanue Larreta Ekonomiako goi-mailako teknikaria.
Ordezkoa: Arrate Loyola Irulegui Antolaketako goi-mailako teknikaria.
kidea:
Titularra: Amaya López Amiano administrazio eta erabiltzailearentzako arretako laguntzailea.
Ordezkoa: Rosa Maria Bengoetxea Palacios administrazio eta erabiltzailearentzako arretako laguntzailea.
Batzordekide idazkaria:
Titularra: Administrazio eta Kudeaketako goi-mailako teknikaria María José Pérez Bao.
Ordezkoa: Administrazio eta Kudeaketako goi-mailako teknikaria: Ignacio Aguirrezabala. Herreras.
Hirugarrena. Ebazpen hau jakinaraztea Kontratazio Mahaia osatzen duten pertsonei eta eginkizunak uzten dituztenei.
Laugarrena. Ebazpen honek sinatu eta hurrengo egunetik aurrera izango ditu ondorioak.
Administrazio Publikoen Administrazio Prozedura Erkidearen urriaren 1eko 39/2015 Legearen 112., 121. eta hurrengo artikuluetan ezarritakoaren arabera, ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkeztu ahal izango diote interesdunek Osakidetzako Administrazio Kontseiluari, hilabeteko epean, ebazpena jakinarazi eta hurrengo egunetik aurrera.
Vitoria-Gasteiz, 2026ko irailaren 23a.
Osakidetza-Euskal osasun zerbitzuko zuzendari nagusia,
MIREN LOREA BILBAO ARTECHE.