Ongi etorri Legegunea atarira

Alde batetik, Denis Itxaso González jauna, Eusko Jaurlaritzako Etxebizitza eta Hiri Agendako sailburua.

Eta bestetik, Andoni Álvarez Lete jauna, Andoaingo alkate-udalburua.

AGERTU DIRA:

Lehenengoa, Eusko Jaurlaritzako Etxebizitza eta Hiri Agendako sailburua den aldetik eta Euskal Autonomia Erkidegoko Administrazio Orokorraren ordezkari gisa, Gobernu Kontseiluak 2026ko uztailaren 28an egindako bileran hartutako erabakiaren bidez egintza honetarako baimendua.

Eta bigarrena, Andoaingo Udaleko alkate-udalburua den aldetik, haren ordezkari gisa, toki-korporazio horretako osoko bilkurak 2026ko uztailaren 16an egindako bileran hartutako erabakiaren bidez egintza honetarako baimendua.

Bi alderdiek elkarri aitortzen diote hitzarmen hau izenpetzeko beharrezkoa den legezko gaitasun nahikoa dutela, eta, horretarako, honako hau

ADIERAZI DUTE:

Lehenengoa. 2023ko martxoaren 30ean, Euskal Autonomia Erkidegoko Administrazio Orokorrak eta Andoaingo Udalak hitzarmen bat sinatu zuten Andoaingo udal-mugarteko Etxeberrieta, Ama Kandida eta Agirialai eremuetan babes sozialeko etxebizitzak sustatu ahal izateko.

Bigarrena. Ondoren, 2025eko apirilaren 9an, Hitzarmenaren Jarraipenerako Batzorde Mistoak bilera egin zuen, eta hainbat puntu adostu zituen.

Jaso behar zen puntuetako bat hitzarmenean Etxeberrietako eremuarekiko hartutako konpromiso guztiak bertan behera geratu izana zen. Hitzarmena sinatu ondoren erori ziren konpromiso horiek, izan ere Residencial Etxeberrieta S.L. enpresak Andoaingo Udalari jakinarazi zion Etxeberrieta eremuaren jabeekin sinatutako erosketa-hitzarmen pribatu ugari zituela, haren sustatzaile gisa jarduteko xedez titulartasunen gehiengo nahikoa lortzea ahalbidetuko zioketenak.

Horren ondorioz, hitzarmena sinatu dutenek zuhurtziazko epe bat itxarotea erabaki zuten Residencial Etxeberrieta S.L.k eremuan beharrezkoa den hirigintza gauzatzeari ekin arte, zeina gertatu baitzen Udalean aurkeztean Andoaingo Hiri Antolamenduko Plan Orokorraren Hiri Antolamenduko testu bategineko AI.15.6.1, 15.6.2 eta AD.15.4 azpieremuen Hiri antolamenduko Plan Berezia eta Etxeberrietako 9., 11. eta 13. eraikinak aurri-egoeran deklaratzeko eskaera. Andoaingo Udalak horren berri eman zion Eusko Jaurlaritzari.

Hirugarrena. Era berean, akta horretan adostu zen 2023ko martxoaren 30eko hitzarmenaren eranskin bat sinatzea, honako puntu hauek formalizatzeko:

Etxeberrietako eremuari dagokionez hartutako konpromiso guztiei beren-beregi uko egiteko izapideak egitea, aurreko apartatuan aipatutako arrazoiengatik.

HIE 5 Ama Kandida eremuari buruzko jarraipen-aktan jasotako akordio osagarriak, lokalei eta garajeei buruzkoak, jasotzea.

Laugarrena. 2026ko urtarrilaren 28an, beste bilera bat egin zuen jarraipenerako batzorde mistoak. Aktan jasotzen denez, 2023ko hitzarmenaren eranskina egitea erabaki zenetik denbora asko igaro den arren, hau da, 2025eko apiriletik, alderdiek ez dute adostu eranskin horrek izan beharko lukeen testua.

Lehen esandakoagatik, eta adostasunik ez dagoenez, Andoaingo Udalak hitzarmen berri bat formalizatzeko proposamena egin du, baina soilik AIU 5 Ama Kandida eremurako, izan ere, Etxeberrietako konpromisoak bigarren azalpenean azaldu den bezala bertan behera geratu dira, eta Agirialaiko eremuari dagokionez, aldiz, beste biak baino txikiagoa denez eta gauzatzeko epeak oso luzeak ditu; beraz, hitzarmena Ama Kandida eremurako bakarrik izatea komeni da.

Etxebizitza eta Hiri Agenda Sailak onartu egin du proposamen hori, baina hitzarmen berria Andoaingo Udalaren eta VISESAren artean zuzenean bideratzea proposatu du, operazioa bizkorragoa izan dadin.

Bosgarrena. Hitzarmenaren Jarraipenerako Batzorde Mistoaren 2026ko urtarrilaren 28ko bileran adostutako konpromisoak formalizatzeko, eta kontuan izanik hemendik aurrera Visesa izango dela Andoaingo Udalarekin hitzarmen berri bat izapidetuko duena, akordio honen bidez EAEko Administrazio Orokorrak eta Andoaingo Udalak 2023ko martxoaren 30eko Hitzarmenean izenpetutako konpromiso guztiak bertan behera uzten dira, AIU 5 Ama Kandida eremuari eta Etxeberrieta eta Agirialai eremuei dagozkienak.

Seigarrena. Sektore Publikoaren Araubide Juridikoaren urriaren 1eko 40/2015 Legearen 51. artikuluaren arabera, beren xede diren jarduketak betetzean edo suntsiarazteko arrazoiak gertatzean azkentzen dira hitzarmenak, eta arrazoi horien artean dago sinatzaile guztien ahobatezko erabakia.

Bi aldeek uste dute lortutako akordioa formalizatu behar dela, eta, horretarako, dokumentu hau sinatzen dute, eta