- EBAZPENA, 2017ko uztailaren 4koa, Merkataritza eta Turismoko sailburuordearena, zeinaren bidez jendaurrean jartzen baita Merkataritzako bulego teknikoetarako laguntzak emateko deialdia 2017ko ekitaldirako. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuEBAZPENA, 2017ko uztailaren 4koa, Merkataritza eta Turismoko sailburuordearena, zeinaren bidez jendaurrean jartzen baita Merkataritzako bulego teknikoetarako laguntzak emateko deialdia 2017ko ekitaldirako.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Turismo, Merkataritza eta Kontsumo Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 135
- Hurrenkera-zk.: 3588
- Xedapen-zk.: ---
- Xedapen-data: 2017/07/04
- Argitaratze-data: 2017/07/17
Gaikako eremua
- Gaia: Administrazioaren antolamendua; Ogasun eta Ekonomía; Ekonomi Jarduerak
- Azpigaia: Gobernua eta herri administrazioa; Ekonomia; Merkataritza eta turismoa
Testu legala
Industria, Berrikuntza, Merkataritza eta Turismoko sailburuaren 2010eko urriaren 20ko Aginduan daude ezarrita eta araututa Merkataritzako bulego teknikoetarako laguntzak EAEko Administrazio Orokorrak ematekoak (2010eko urriaren 25eko EHAA, 205. zk.). Agindu hori Industria, Berrikuntza, Merkataritza eta Turismoko sailburuaren beste zenbait aginduren bidez aldatu da partez: 2014ko ekainaren 26koa (2014ko uztailaren 11ko EHAA, 131. zk.), 2015eko uztailaren 28koa (2015eko abuztuaren 12ko EHAA, 151. zk.), eta 2016ko uztailaren 1ekoa.
Aipatutako agindu arautzailearen 8. artikuluan ezarritakoaren arabera, deialdia egin behar da araututako diru-laguntzak emateko, 2017ko ekitaldirako, eta, horretarako, behar diren arauak eman.
Horiek horrela, aipatutako aginduan ezarritako eskumenen indarrez, hau
Ebazpen honen helburua da 2017ko ekitaldirako deialdia egitea Industria, Berrikuntza, Merkataritza eta Turismoko sailburuaren 2010eko urriaren 20ko Aginduan Merkataritzako bulego-teknikoetarako aurreikusitako laguntzak emateko.
Gehien jota, Merkataritzako 38 bulego teknikok jasoko dute laguntza, honelaxe banatuta:
Agindu arautzailearen I. eranskinean ezarritako eremuetariko bakoitzari bulego 1 dagokio, 4., 5. eta 15. eremuei izan ezik; izan ere, azken eremu horietariko bakoitzari 2 bulego dagozkio, eta, 26. eta 27. eremuetariko bakoitzari 3 bulego.
Helburu hori betetzeko, 1.463.000,00 euro bideratuko dira, Euskal Autonomia Erkidegoaren Aurrekontu Orokorretan berariaz arlo horretarako izendatutako aurrekontu-kredituaren arabera.
Zenbateko hori aldatu ahalko da, betiere diru-laguntzei buruz ebazpena eman aurretik, eskatutako laguntzak guztira zenbatekoak diren ikusi ondoren, eta, baldin eta Industria, Merkataritza eta Turismo Sailak beste programa batzuk burututakoan aurrekontuko diru-kopururik ahitu gabe geratzen bada.
Euskadi.net/comercio egoitza elektronikoaren bidez bakarrik eskuratu eta bete ahal izango da eskabidea. Eskabide-eredua egoitza elektroniko horretan egongo da eskura.
Eskabidearekin batera, erakunde eskatzailea ordezkatzeko jarduteko gaitasun legala duen pertsona edo erakundearen sinadura elektronikoa ez ezik, harekin batera aurkeztu beharreko agiri guztiak eta Administrazio Elektronikoari buruzko otsailaren 21eko 21/2012 Dekretuak xedatu bezala Administrazioak eska litzakeen guztiak ere aurkeztu beharko dira.
Eskabideak aurkezteko epea ebazpen hau Euskal Herriko Agintaritzaren Aldizkarian argitaratu eta biharamunean hasiko da, 09:00etan; amaitu, berriz, 2017ko irailaren 20ko 12:00etan amaituko da.
AZKEN XEDAPENETATIK LEHENENGOA
Deialdi-ebazpen honek Euskal Herriko Agintaritzaren Aldizkarian argitaratu eta biharamunetik aurrera izango ditu ondorioak.
AZKEN XEDAPENETATIK BIGARRENA
Ebazpen honen aurka, gora jotzeko errekurtsoa aurkeztu ahal izango zaio Eusko Jaurlaritzako Turismo, Merkataritza eta Kontsumoko sailburuari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik hasita.
Vitoria-Gasteiz, 2017ko uztailaren 4a.
Turismo eta Merkataritzako sailburuordea,
ISABEL MUELA LÓPEZ.
Gaiarekin lotutako edukiak
Arauaren historia (5)
- Ikus: AGINDUA, 2016ko uztailaren 1ekoa, Ekonomiaren Garapen eta Lehiakortasuneko sailburuarena, zeinaren bidez aldatzen baita, hirugarrenez, 2010eko urriaren 20ko Agindua, Industria, Berrikuntza, Merkataritza eta Turismoko sailburuarena, Merkataritza Dinamizatz
- Ikus: EBAZPENA, 2018ko martxoaren 20koa, Merkataritzako zuzendariarena, zeinaren bidez argitaratzen baita, 2016ko eta 2017ko ekitaldietan, Industria, Berrikuntza, Merkataritza eta Turismoko sailburuordearen 2010eko urriaren 20ko Aginduan arautu ziren diru-lagun
- Ikus: AGINDUA, 2015eko uztailaren 28koa, Ekonomiaren Garapen eta Lehiakortasuneko sailburuarena, zeinen bidez bigarren aldiz aldatzen baita merkataritza dinamizatzeko bulegoetarako laguntzak ezartzen eta arautzen dituen agindua.
- Ikus: AGINDUA, 2014ko ekainaren 26koa, Ekonomiaren Garapen eta Lehiakortasuneko sailburuarena, zeinarekin honako agindu hau aldatzen baita: Agindua, 2010eko urriaren 20koa, Industria, Berrikuntza, Merkataritza eta Turismoko sailburuarena, merkataritza dinamizat
- Ikus: AGINDUA, 2010eko urriaren 20koa, Industria, Berrikuntza, Merkataritza eta Turismoko sailburuarena, merkataritza dinamizatzeko bulegoetarako laguntzak ezartzen eta arautzen dituena.