Ongi etorri Legegunea atarira

Euskaldunek Amerikaren Aurkikuntzan izandako partaidetza ez zen itsasgizon eta gizon ekintsuetara bakarrik mugatu. ..X.. Erlijiosoak, lege-gizonak eta letra-gizonak ere badira giza-eskubideak defendatzen eta Nazioarteko Zuzenbidea sortzen saiatu zirenen artean. Amerika Aurkitu zeneko V. Mendeurrenaren 1992.eko ospakizunetan «Euskaldunak eta Amerika» Batzordeak parte-hartzea baliagarria izango da, eginkizun hartan euskaldun ospe haundikoek izandako aportazioak gogorarazteko, historian zehar Amerikak Euskadirekiko izan duen elkartasuna eskertzeko eta, halaber, amerikar herriekin lankidetza-harreman hestuak finkatzeko. Hori horrela, Kultura eta Turismo Sailburuaren proposamenez, Jaurlaritza Kontseiluak 1988.eko Martxoaren 1ean egindako bileran eztabaidatu eta onartu ondoren, zera XEDATZEN DUT: Lehenengo artikulua.- Aurkikuntzaren V. Mendeurrena ospatzeko sortzen da «Amerika eta Euskaldunak» Batzordea, horrek, bere helburu, egitura, iharduera eta akordioak hartzeko erregimenari dagozkionetan, Dekretu honetako xedapenak izango dituela arau. Bigarren artikulua.- 1.- V. Mendeurrena ospatzeko Euskal Batzordearen helburuak, honako hauek izango dira: a) Euskal Herriak V. Mendeurrenean izango duen parte-hartzea tajutzea, antolatzea, koordinatzea eta pizkortzea. b) Era guztietako aportazioak aztertzea, ikertzea eta kaleratzea; eta bereziki, euskaldun ospe haundikoek, aurkikuntza garaian, giza-eskubideen defentsan egindako lanarekin zerikusirik zuten alorrarekikoak. c) Ekintza propioak, helburu beraz sortutako gainontzeko Batzordeek burutu ditzaten ekintzekin koordinatzea. d) Amerikar herriekin eta, euskaldun gehien dauden herriekin batik bat, lankidetza-proiektuak gertatzea, koordinatzea, suztatzea eta bultzatzea. 2. Euskal Batzordeak behar-hainbateko baliabideak izango ditu bere helburuak betetzeko. Hirugarren artikulua.- Dituen helburuak egokiro betetzeko, honako organu hauetan egituratuko da Euskal Batzordea: a) Batzorde Gorena b) Batzorde Betearazlea Laugarren artikulua.- Batzorde Gorenaren buru Lehendakaria izango da eta honako Batzordekide hauek osatuko ditu: a) Kultura eta Turismoko Sailburua. b) Hezkuntza, Unibertsitate eta Ikerketako Sailburua. c) Industria eta Merkataritzako Sailburua. d) Lehendakaritza, Zuzentza eta Autonomia-Garapen Sailburua. e) Eusko Legebiltzarrean eratutako Legebiltzar-Talde bakoitzeko ordezkari bat, dagokion Alderdi Politikoaren proposamenez Lehendakariak izendatua. f) Diputatu maila izango duen ordezkari bat Autonomia Elkarteko Foru-Diputazio bakoitzetik, dagokion Diputatu Nagusiaren proposamenez Lehendakariak izendatua. Bosgarren arlikulua.- Honako egiteko hauek dagozkio Batzorde Gorenari: a) Amerika Aurkitu zeneko V. Mendeurrenaren ospakizunetarako Egitasmo Orokorra onartzea. b) Euskal Batzordearen aurrekontuen aurreproiektua onartzea. c) Batzorde Betearazlearen ihardutze-jarraibideak finkatzea eta horrek burutu ditzan ekintzak gainbegiratzea. Seigarren artikulua.- 1.- Batzorde Gorenak ohizko bilera egingo du lau hilabeterik behin. 2. Batzorde Gorena, bere Lehendakariak bidezko deritzonean edo bere kideetatik herenak hala eska dezanean, ezohizko izaeraz ere batzar daiteke. 3. Bi kasu horietan, deialdia Lehendakariak egin beharko du, gutxienez 10 egun lehenago, eta Gai-Zerrenda erantsi beharko dio. 4. Dekretuak xedatutakoaren barne sartzen ez direnetan, Administrazio Prozedura Legeko I Izenpuruko II Atalburuan xedatutakoaz arautuko da Batzorde Gorenaren funtzionamendua. Zazpigarren artikulua.- Batzorde Betearazleak honako kide hauek izango ditu: a) Kultura eta Turismo Sailburua, edo horren ordeazkoa, Batzorde-buru izango dela. b) Kulturako Sailburuordea edo horren ordeazkoa. c) Merkataritzako Sailburuordea edo horren ordeazkoa. d) Unibertsitate Sailburuordea edo horren ordeazkoa. e) Kultura eta Turismo Saileko hiru ordezkari, Sailburuak izendatuak. g) Euskal Herriko Unibertsitateko ordezkari bat. h) Deustuko Unibertsitateko ordezkari bat. i) «Real Sociedad Bascongada de Amigos del Pais» delakoaren ordezkari bat. j) Eusko Ikaskuntzako ordezkari bat. k) «Sociedad Bolivariana del Pais Vascoo delakoaren ordezkari bat. 1) «Instituto Juan de Garay» delakoaren ordezkari bat. m) Araba, Gipuzkoa eta Bizkaiko Merkataritza, Industria eta Itsasketa Ganbaretako, «Fundación Banco de Vizcayar» delakoko eta Aurrezki Kutxen Federazioetako ordezkari bat. n) «CEVA» delakoaren ordezkari bat. Ñ) «NABO» delakoaren ordezkari bat. o) Kulturaren Sorpen eta Zabalkunderako Zuzendaritzako Teknikari bat, Idazkari izango dena. Zortzigarren artikulua.- Batzorde Betearazleari, V. Mendeurrenaren ospakizunekin zerrikusirik duten ekintzekiko kudeaketa ohizkoa dagokio eta, zehazki, honako eskurantza hauek iratxikitzen zaizkio: a) Ospakizunaren Egitasmo Orokorra gertatzea, Batzorde Gorenak onar dezan. b) Aurrekontuen aurreproiektua gertatzea, Batzorde Gorenak onar dezan. c) Ospakizunerako ihardutze-egitarauen proposamena egitea Batzorde Gorenari. d) Batzorde Gorenak emandako jarraibideak betearaztea. Bederatzigarren artikulua.- Batzorde Betearazleak bere Barru Erregimeneko Araudia gertatuko du, horretan, funtzionamendu-arauak eta akordioak hartzea erregula dezaten erregelak jasoko direla. AZKEN XEDAPENA Dekretu hau Euskal Herriko Aldizkari ofizialean argitara dadin egunean sartuko da indarrean. Gasteiz, 1988.eko Martxoak 1. Lehendaria, JOSE ANTONIO ARDANZA GARRO. Kultura eta Turismoko Sailburua, JOSEBA ARREGI ARANBURU.Jokabide honetan, herritarren kontsumorako ur edangarrien fluoreztatzeko neurriak hartu beharra dago Euskal Herriko Autonomia-Elkartearen lurraldean, agin-txantxarrei aurrehartzeko moduan, Osasunerako Munduko Erakundeak 1975.eko Maiatzeko 28garren Batzarreko Erabakian ematen ziren artezpideei jarraituz, bertan txantxarrari aurre hartzeko bide egokiak erabiltzea eskatzen bait zaie Estatuei eta, honetarako, herritarren kontsumorako uraren fluoreztatze egokia gomendatzen ere. Gai honen garrantziagatik eta Autonomia-Elkarte honek, Konstituzioaren 148.1.21 eta Autonomia-Estatutoaren 18.1 atalen arauera, horri buruzko agintepidea duenez gero, beharrezko da dagozkion arauak ematea. Horren xedez, herritarren kontsumorako ur edangarriak fluoreztatu beharra ezartzen da Dekreto honen bidez. Behar horrek 30.000 biztan'etik gorako biztanlegoaren ur-horniketa eta/edo banaketa egiten duten enpresei daragie, beti ere aren fluor-mailaren erakuskariak eta biztanlegoaren agin-osasunarenak Osasunerako Munduko Erakundeak gomendatzen dituenetara heltzen ez badira. Horren ondorioz, Osasunketa eta Kontsumo-Sailburuaren saloz, Jaurlaritza-Batzarrak 1988.eko Martxoaren leko bilkuran aztertu eta onartu ondoren, honako hau ERABAKITZEN DUT: Lehenengo Atala.- Herritarren kontsumorako ur edangarriak fluoreztatu beharra ezartzen da Euskal Autonomia-Elkartearen lurraldean. Honetarako, horniketa eta banaketazko enpresa eta erakundeek Dekreto honetan ematen diren aginduak beteko dituzte, eta bai horiek egiteratzeko eman daitezen manu guztiak ere. Bigarren Atala.- Herritarren kontsumorako ur edangarrien horniketa eta banaketa-enpresa eta erakundeetatik, ur-bilketa, garbiketa, garraio eta banaketan dihardutenei daragie Dekreto honek. Dekreto honetatik kanpo geratzen dira herritarren kontsumorako ur-horniketa edo banaketan, lorrontzi, upa edo patin garraiagarrien bitartez, dihawdutenak. Hirugarren Atala.- Herritarren kontsumorako ur edangarriak fluoreztatzea ur horien fluoruro ionaren berezko maila gehitzeari eritziko zaio, mailarik egokiena lortzeraino alegia. Maila hau ez da inolaz ere 1,2 mg/1-tik gorakoa izango, bezeroaren txorrotatik hartutako edateko ur-apurretan neurtuta. Laugarren Atala.- 1) Ur-fluoreztatzeari ekin baino lehen, horniketa eta/edo banaketa-empresa bakoitzak zuzkitzen duen herritarren kontsumorako ur edangarrian dagoen batazbesteko fluoruro ionaren heina jakin beharko da, eta bai zuzkiketaren gai den biztanlegoaren agin-osasunaren ezagukariak hainbatu ere, Osasunerako Munduko Erakundearen gomendioen arauera. 2) Aurreko idazatian esandakoetarako, ur edangarrien horniketa eta/edo banaketa enpresa eta erakundeek banatzen duten uraren fluoruro-ionaren mailei buruzko azterlan bat egin beharko dute, Dekreto hau indarrean sartu eta hiru hilabeteko gehienezko epearen barruan. Azterlan horren emaitzak jakinarazi egingo zaizkio Osasunketa eta Kontsumo-Sailari, arauz jarri dadin moduan. 3) Osasunketa eta Kontsumo-Sailak beharrezko izurri-azterlanak egingo ditu, hamabi urtekoen «CAO» ezagukaria antzemateko moduan, OME-ren arauera biztanlegoaren agin-osasunaren ezagukaria, alegia. Bosgarren Atala.- Laugarren atalean adierazten diren azterlanak egin ondoren, herritarren kontsumorako ur edangarrien horniketa eta/edo banaketan diharduten enpresa eta erakundeek berehala ekin beharko diote urak fluoreztatzeari, Dekreto hau egiteratzeko arauetan adierazi daitezen eskakizun eta biderapenei jarraituz. Seigarren Atala.- 1) Herritarren kontsumorako ur edangarriak fluoreztatzea betebeharrekoa izango da jarraian adierazten diren baldintzak betetzen dituzten horniketa eta/edo banaketa-enpresa eta erakundeentzat: a. 30.000 biztanle baino gehiagoren ur-horniketa egitea, udal batetan edo batzutan bilduta. b. Banatzen den uraren bataz-besteko fluoruro-ionaren heina 0,7 mg/1-tik beherakoa izatea. c. Zuzkiketaren gai den biztanlegoaren agin-osasunaren ezagukaria 4.c) atalean aipatzen diren mailetara ez iristea. 2) 30.000 biztanle baino gutxiagoren ur-horniketa egin eta 0,7 mg/1-tik beherako fluoruro-ionaren bataz-besteko heineko ura banatzen duten enpresa eta erakundei baimena emango zaie, hala badagokio, bere ur edangarriak fluoreztatzeko, arauz zehaztu dadin moduaren arauera. AZKEN ERABAKIAK Lehenengoa.- Esku ematen zaio Osasunketa eta Kontsumo-Sailburuari arau hau garatzeko eta egiteratzeko beharrezko izan daitezen erabaki guztiak hartzeko. Bigarrena.- Dekreto hau Euskal Herriko Agintaritzaren Aldizkarian argitara dadin egunean bertan sartuko da indarrean. Gasteizen, 1988.eko Martxoak 1. Lehendakaria, JOSE ANTONIO ARDANZA. GARRO. Osasunketa eta Kontsumo-Sailburua, JOSE MANUEL FREIE CAMPO.