Ongi etorri Legegunea atarira

Jarduera Ekonomikoetarako Lurzorua Sortzeko eta Saltoki Handiak Antolatzeko Lurraldearen Arloko Plana, indarrean jartzen denetik, Euskal Autonomia Erkidegoaren esparru osoan izango da aplikatzekoa.

Plan honek indarraldi mugagabea du, berori aldi baterako programatu eta berrikusi edo aldatzearen kaltetan izan gabe.

Plan honetan jasotako zehaztapenen bat deuseztatu, indargabetu edo aldatzeak ez du gainerakoen baliozkotasunean eraginik izango, horietakoren bat, haiekiko erlazioa edo mendetasuna dela eta, aplikaezina suertatzen bada salbu.

Lau urtean behin, LAPa idatzi eta haren jarraipena egiteko eskumena duten Eusko Jaurlaritzako Sailek memoria bat landuko dute hura zein neurritaraino betetzen den eta lurraldearen zatiko eta arloko antolamenduan eta udal-mailako hiri-plangintzan zer eragina duen baloratzeko. Gainera, hala badagokio, antzematen diren desegokitzapenak zuzentzeko neurriak zehaztuko ditu. Memoria hori Euskal Herriko Lurralde Antolamendurako Batzordeari aurkeztuko zaio.

1. – LAParen indarraldiaren zortzi urtera, Eusko Jaurlaritzak hura berrikusteko egokitasunari buruz erabakiko du. Berrikuspen hori, aipatutako epea baino lehen ere, ondoko egoerak sortuz gero egingo da:

   • Biztanleriari, enplegu-dinamikari edo jarduera ekonomikoetarako lurzoruari buruz LAPean aurreikusitako hipotesiak nabarmen aldatzeak ezarritako antolamendu-irizpide orokorrak aldatzera behartzen duenean.

   • LAAak aldatzearen edo Lurraldearen Zatiko Planen bat onartzearen ondorioz, Lurraldea Antolatzeko Eredua nabarmen aldatzea ekartzen duten zehaztapenak ezartzen direnean.

   • Hasiera batean aurreikusi gabeko garapenen edo jarraibideen bitartez LAParen edukiak zabaltzeko beharra edo komenigarritasuna agerikoa denean.

   • Bestelako egoerak direla-eta, Eusko Jaurlaritzak arrazoituz hala erabakitzen duenean.

2. – LAParen aldaketatzat, aurreko ataleko berrikuspen-suposizioetan jasotzen ez diren haren dokumentazioaren edo zehaztapenen onar daitekeen edozein aldaketa ulertzen da, haren osotasunean edo multzoan eraginik ez badu, Lurraldea Antolatzeko Ereduan eragin puntuala izateagatik.

   Aldaketek interes orokorreko arrazoietan oinarritu beharko dute eta euren edukia eta hedadura zehatz-mehatz deskribatzea eskatuko dute, berariazko justifikazioaz gain.

3. – Eusko Jaurlaritzak, Lurralde Antolamendu eta Ingurumen Sailaren bitartez, LAP dokumentuaren informazio-baseak, jarduera ekonomikoetarako lurzoruaren arazoari buruzko datu-banku gisa, aldizka eguneratzea bermatuko du.

Jarduera Ekonomikoetarako Lurzorua eta Saltoki Handiak Sortzeko Lurraldearen Arloko Planean jasotako zehaztapenak interpretatzea Euskal Herriko Lurralde Antolamendurako Batzordeari dagokio.

Planak planteatutako zehaztapenen zerrenda sistematizatua, EAE osoan jarduera ekonomikoetarako lurzoruaren hiri-plangintzaren eta lurralde-banaketaren ereduari buruzko proposamen orokorrak antolatzeko irizpide eta helburu orokorrak alde batera utzita, honako hau da:

• Lurzoruaren kudeaketaren lurralde-egituraketa (5.2.).

• Lurzoruaren lehentasunezko kokapenerako udal-kategorizazioa (5.4.1.).

• Sustapen-politikak (5.4.2.).

• Lurzoruaren kuantifikazio orokorra (5.5.).

• Plangintza berrikusteko eta aldatzeko prozesuak (5.6.2.).

• Araudi-sistematizazioa (5.6.3.).

• Lurzoru publikoa sortzeko eragiketak (6.3.).

• Saltoki handien hirigintza-arloko arautzea (7.2.).

Administrazioaren instantzia desberdinek udalen arteko lankidetza-formula berriak eta jarduera ekonomikorako lurzoruaren eskualde-kudeaketakoak erabakitzeko asmoz, Lurraldearen Zatiko Planak onartu artean, Lurraldearen Arloko Planaren zehaztapen lotesle iragankor gisa, hauxe xedatzen da: jarduera ekonomikoetarako lurzoruen kokapen orokorra, lurzoruok eskualde-mailan kudeatzeko estrategiak eta lurzoru publiko berrien sustapena 5.2. kapituluan azaldutako lurralde-egituraren arabera arautzea.

1. – Lurraldearen Arloko Planaren zehaztapen lotesle gisa eta, dagokion LZPa onartu artean, iragankor gisa, jarduera ekonomikoetarako lurzoruaren lehentasunezko kokapena arautzeko, EAEko udalerriak kategoriatan sailkatzea xedatzen da.

   Hiru kategoria «lehentasunezko interesekoak», «hazkunde motelekoak» eta «garapen txikikoak»- mugatu dira. EAEko udalerri guztiak kategoria horiei atxikita daude eta horien gainean ezartzen dira jarduera ekonomikoetarako lurzorua antolatzeko politika orokorrak (ikus 5.4. mapa).

   1. «Lehentasunezko interesa» duten udalerrietarako, dagokien eremu funtzionalerako LZParen lurralde-ereduari jarraituz, jarduera ekonomikorako lurzoruen hirigintza-arloko antolamendu, kudeaketa sustapeneko politika ezartzen da.

      • Okupatutako lurzoru finkatuak hobetzeko oinarrizko politika.

      • Zaharkitutako industria-eremuak birmoldatzeko plan berezia, enpresak lekualdatzeko eta hutsik dauden espazioak jarduera berrietarako berreskuratzeko erraztasunak emanez.

      • Industria-kalifikazioa duten okupatu gabeko lurzoruak garatzeko plan berezia, egungo poligonoak bultzatuz, desblokeatuz eta sustatuz.

      • Planean interes estrategiko orokorrekotzat hartutako guneetan jarduera ekonomikoetarako lurzoru berrien eskaintza publikoa sortzeko politika berezia.

   2. «Hazkunde moteleko» udalerrientzako oinarrizko politika bat ezartzen da, jarduera ekonomikoetarako lurzoruen kudeaketari eta jadanik badauden eremuak eta ezarpenak finkatzeari dagokionez, egungo urbanizazioak akabatu eta hobetzeko ekintzen bidez. Udalerri hauen gainean ez da aurreikusten hazkundeko edo ezarpen berriko eragiketa publiko garrantzitsurik, eskualde-intereseko poligono txikiak bultzatuz lurzoruak sustatzeko estrategien ondoriozkoak salbuetsita. Zehazki, xedapen orokor gisa ezartzen da, udalerri guztien hiri-plangintzan, jarduera ekonomikoetarako hutsik dauden lurzoruen azalera gehienez 10 ha-koa izatea isurialde kantauriarrean eta 15 ha-koa isurialde mediterraniarrean, betiere hartzeko ahalmen nahikoa baldin badago, ingurune naturalaren gainean eragin nabarmenik sortu gabe eta horien antolamendua dagokien eremu fun-tzionaleko LZPan aurreikusitako lurralde-ereduarekin bat etorriz.

   3. «Garapen txikiko» udalerrientzat, jarduera ekonomikoak ezartzera zuzendutako lurzoruaren dimentsionamendua hiri-plangintzan mugatzea ezartzen da. Kategoria honen barruan oso mota, garrantzi demografiko eta hiri-garapen desberdinetako udalerriak biltzen direnez, jarduera ekonomikoetara zuzendutako lurzoruaren dimentsionamendua mugatzeko irizpidea ez da kasu guztietan zorroztasun berarekin aplikatu beharko. Gutxieneko hiri-garapena duten eta landa-ingurunean bete-betean kokatuta dauden udalerri batzuentzat ez du zentzurik berariaz industrialak izango diren eraikinak edo jarduerak ezartzea. Beste udalerri batzuetan, ordea, toki-esparruko lantegiak eta enpresa txikiak barne hartzeko egokiak izango diren eremu txikiak onartu ahal izango dira, hutsik dagoen lurzorurako 3 ha-ko gainazal hedadurako azalerarekin gehienez ere, betiere hartzeko ahalmen nahikoa baldin badago, ingurune naturalaren gainean eragin nabarmenik sortu gabe (LAAen 9. kapituluko 6.5 puntua) eta horien antolamendua dagokien eremu fun-tzionaleko LZPan aurreikusitako lurralde-ereduarekin bat etorriz. Lantegiak eta enpresa txikiak ezartzera zuzendutako poligono txiki horiek hiriguneei lotuta egon behar dute, hiriguneen hirigintza-egituraren osagarri gisa, ez ordea udal-mugapeari dagokion lurraldearen landagune isolatuetan. Eskualde-mailan ekonomia sustatzeko eragiketetan esku-hartze publikoak barne hartu ahal izateko lurzoru-garapen berriak baimenduko dira.

2. – Sailkapen hori LZPak aldatu ahal izango du, dagokion eremu funtzionalaren lurralde-ereduak dituen antolamendu-beharrak kontuan izanda.

LAParen zehaztapen gisa, gainbehera ekonomikoan eta/edo demografikoan dauden zonatzat hartzen diren lurraldeko puntu urrakorretan, industria-ehunaren birmoldaketako zonetan edota komunikabideekiko kokapen eszentrikoko zonetan ekintza dinamizatzaile eta sustatzaile bereziak administrazioetatik programatzea xedatzen da.

Administrazioek sustatu beharreko jarduera ekonomikoa berriak lehentasunez ezartzeko hiru motatako edo mailatako sustapen-eragiketak finkatzen dira:

• Ekonomia suspertzeko eta industria-birmoldaketa jasaten duten eremuen hirigintza leheneratzeko sustapena.

• Industria-enpleguan defizita duten eskualde-buruak dinamizatzeko sustapena.

• Landa-inguruetan industria-jarduera bultzatzeko sustapena.

  2. puntuan, Planak proposatutako «sustapen-eremu» zehatzak jasotzen dira (ikus 5.4 mapa).

1. – Lurraldearen Arloko Planaren zehaztapen lotesle gisa xedatzen da eremu funtzional edo azpieskualde bakoitzeko lurraldea antolatzeko tresnetan ezarri beharreko jarduera ekonomikoetarako lurzoruaren eskaintza osotasunean dimentsionatzea.

   Dimentsionatutako azalerak gauza izan beharko du Planean aurreikusitako lurzoru publikoa sortzeko eragiketa berriak hartzeko eta 16 urteko epean, Planaren denbora-horizonte gisa, aurreikus daitezkeen ekimen pribatuko sustapen guztiak ezartzeko, behar adinako eskaintzaren bidez, aurreikus daitekeen eskariri erantzutearren.

   Planaren 5.5 puntuan, taulan zehazki, espazio-aurreikuspen hauen kalkulua finkatzen da, planteatutako eskaintzaren behar adinako aniztasuna eta malgutasuna bermatuko duten eta lurzoru-eskari mota bakoitzerako arrazoizko soluzio alternatiboak eskainiko dituzten puzte-ratioak kontuan hartuta.

   Era berean, dimentsionamendu honen barruan, gaur egun dauden saltoki handiekin okupatutako lurzoruak eta, hala badagokio, etorkizunean saltoki berriak ezartzeko azalera libreak zenbatzen dira.

2. – Lurraldearen Zatiko Planek eta, horren ordez, Euskal Herriko Lurralde Antolamendurako Batzordeak, behin betiko onarpenaren aurreko txostenaren bitartez, dimentsionamendu-jarraibide horiek lekualdatuko dituzte, banan-banan, eremu funtzional edo azpieskualde-egitura bakoitza osatzen duten udalerrien plangintza orokorretara, eremu funtzional bakoitzean eta dagokion lurralde-esparruan 16 urteko aldirako aurreikusitako espazio-erreserben bolumen osoa denboran eta espazioan orekaz banatuz.

   Hala, eskaintza eta eskaeraren arteko maiorazio logikoa eta, udal-plangintzan, bata eta bestearen arteko hirukoitzeko erlazioa erreparatuz gero, eta jarduera ekonomikoetarako lurzoruaren guztizko dimentsionamendua 16 urteko aldirako kontuan hartuta, 8 urterako ezarri beharreko dimentsionamendua, udal-planen indarraldi gisa, guztizkoaren hiru laurdenekoa izango da.

1. – LAParen zehaztapen lotesle gisa Udal-plangintza orokorra aldatzeko prozesuak arautzeko estrategia sistematizatua aukeratzea xedatzen da, bai udal-plangintza orokorraren berrikuspen osoaren bidez bai aldaketa puntualaren bitartez egiten direnean, baldin eta proposatutako aldaketek «industria-kalifikazioa», «jarduera ekonomikoetarakoa» edo beste edozein adiera baliokide duten lurzoruetan eragina badute.

2. – Hala udal-plangintza orokorra berrikusteko prozesuetarako nola aldaketa puntualak egiteko espedienteetarako, dagokion Lurraldearen Zatiko Planak bestelakorik xedatu ezean, «industria-kalifikazioa», «jarduera ekonomikoetarakoa» edo beste edozein adiera baliokide duten lurzoruen hirigintza-arautzeari dagokionez 5.6.2. puntuan azaldutako honako alderdi hauek betetzea xedatzen da:

   • Gaur egun «industriarako» edo «jarduera ekonomikoetarako» kalifikatutako lurzoruak «bizitegirako» edo antzeko erabilerarako birkalifikatzeko prozesuak onartzea soilik aldez aurretik eta dokumentu egokien bidez justifikatzen denean ezintasun teknikoa, ekonomikoa edo hirigintza-arlokoa dagoela hautabidezko hirigintza-eragiketa bat planteatzeko, lurzoru horiek jarduera ekonomiko berriak hartzeko eremu gisa birmoldatzekoa, dagokion aparkaleku-zuzkidurarekin hornituta. Jarduera ekonomiko berrien konfigurazio tipologikoak bateragarria izan beharko du hiri-ehunaren barruan izango duten kokapen zehatzarekin.

   • «Industria-lurzoruaren» edo «jarduera ekonomikoetarako lurzoruaren» hirigintza-kalifikazioa aldatu eta «bizitegi-lurzoru» edo «zuzkidura-lurzoru» gisa kalifikatzeko prozesu berriak tramitatzeko, betiere, aldi berean udalerrian edo eremu funtzionalean hiri-plangintzari «jarduera ekonomikoetarako» lurzoru berriaren azalera baliokidea gehitzeko eskatzea.

   • Azkenik, lurzoru-eskuragarritasun txikiagoa duten Kantauriar erlaitzeko Eremu Funtzionaletan (bereziki Debabarrenean, Debagoienean, Urola-Kostan, Goierrin eta Toloserrin), industria-eremu zaharkituak birmoldatzeko burutzen diren prozesuak lehentasunez jarduera ekonomikoetarako eta zuzkidura edo bizitegi gisako eraikuntzarako eragiketa mistoetarantz bideratuko dira.

LAParen zehaztapen lotesle gisa, EAE osoan jarduera ekonomikoetarako lurzoru urbanizagarriko lurzoru-sektore berriak garatzeko nahitaez bete beharreko ratio orokor hauek finkatzea xedatzen da:

1. Sektore baten gehieneko eraikuntza-aprobetxamendua: %65eko oinplanoko gehienezko okupazio-azalera eta %95eko gehienezko sabai-azalera eraikigarria, sektorearen zatiko plangintzan lursail eraikigarri, bide-sareko elementu edo zuzkidura-zona gisa konfiguratutako sektoreko plataforma erabilgarri nabarmen horizontalen multzoaren azalera garbia erreferentziatzat hartuta, behin lur-mugimenduak egin ondoren eta, ondorioz, lur-erauzketen eta lubeten azalera kenduta.

2. Sektore baten interes publiko eta sozialeko zerbitzuetarako eraikuntzaren gutxieneko zuzkidura: gutxienez sabai-azalera eraikigarriaren %3 enpresen zerbitzurako zuzkidura-ekipamendurako erabiliko da (bulegoak, ostalaritza, enpresa laguntzaileak, zerbitzu komunak eta abar); titulartasun publiko zein pribatukoa izan daiteke.

3. Sektore baten gutxieneko aparkaleku-zuzkidura: aparkaleku-plaza bat eraikitako 100 m2 sabaiko; gutxienez plazen %20 sarbide publikoko bide-sarean ezarriko dira.

4. Gutxienez sektorearen azalera gordin osoaren %15 erreserbatzea espazio libreen eta ekipamenduen toki-zuzkidura publikoetarako.

1. – Lurzoru publikoa sortzeko eragiketak, Lurraldearen Zatiko Planak onartu artean Lurraldearen Arloko Planaren zehaztapen lotesle iragankor gisa, udal-mailako hiri-plangintzako tresnek jaso beharko dituzte dagozkion lurzoru-zuzkiduretan, eta lurzoru-zuzkidura horiek desjabetze-sistemaren bidez susta daitezkeen interes publikoko poligonotzat hartuko dira.

   Kokapenari, dimentsionamenduari eta programazioari buruzko alderdi garrantzitsuak hirigintza-arloan definitzeko, aldez aurretik, alternatibak, bideragarritasun ekonomikoa eta eskari-proiekzioak ebaluatzeko azterlanak egin behar direnean, eragiketa horiek geroago barne hartu ahal izango dira hiri-plangintzan. Halakoetan, etorkizunean eragiketa horietakoren bat barne har dezaketen lurralde-esparruak lurzoru urbanizaezineko erreserba gisa mantenduko dira.

2. – Planean proposatutako esku-hartze publikoko eragiketen multzoa ondoko espezializazio tipologikoaren arabera egituratzen da (6.2. puntua).

   • «Jarduera berritzaileen parkeen sarea»

     – Teknologi Elkartegiak.

     Zamudio, Miρao eta Miramongo Teknologi Elkartegiak. Hiruek zabaltze-prozesu aurreratua dute.

     – Enpresei zerbitzu egiteko eta jarduera aurreratuetarako parkeak.

     Industria-zerbitzu teknikoak eta hirugarren sektoreko industria-jarduerak hartuko dituzten poligonoak.

     Kasu batzuetan dagoeneko abian diren eragiketak dira (esaterako, Garaia Arrasaten), eta beste batzuetan sustapen-ekimen berriak.

   • «Garraiorako zerbitzu-plataformen sarea»

     – Plataforma logistikoak eta modalitate artekoak.

     Komunikabideen sare orokorreko modalitate arteko gune nagusietan garraioaren zerbitzurako azalera berriak.

     – Salgaien garraio eta banaketako jardueretarako poligonoak.

     Garraioaren sektoreari lotzen zaizkion jarduera-eremuak, biltegiratzeko, izakinak gordetzeko eta kargak hausteko esparruak, salgaiak banatzeko guneak eta abar.

     – Garraiorako zerbitzu-zentroak.

     Errepidean zeharreko garraioaren sektoreari zerbitzu egingo dieten berariazko instalazioak jasotzeko espezializatuta dauden espazio txikiagoko eremuak.

   • «Jarduera ekonomiko orokorreko poligonoen sarea»

     – Eskualde-mailako poligonoak.

     Euskal Autonomia Erkidegoko eskualde desberdinetako kokagune estrategikoetan lurzoru publikoko eskaintza sortzeko eragiketak.

     Poligonoaren kokapen zehatzaz gaindiko eskualde-mailako kudeaketa-esparrua. Ezarpenaren sinergiak hobetzeko eta eremu funtzionala edo azpieskualde jakin bateko udalerrietarako lurzorua eskaintzeko udalaz gaindiko dimentsioa izango du.

     – Udalaz gaindiko interesa duten industria-eragiketa zehatzak.

     Eskala handiko eragiketa orokor bat gauzatzea ahalbide dezakeen lurzorurik ez duten zenbait Eremu Funtzionaletan edo lurzoru-eskaintza zehatza duten eskualdeetan, tamaina txikiagoko industria-poligonoen sustapen publikoko eragiketa zehatzak planteatzen dira eskualde-buruetako kokagune estrategikoetan.

   • «Erreserba estrategikoen sarea»

     – Erreserba estrategikoko esparruak.

     Aukerako eragiketak jasotzeko lurzorua behar duten enpresa handiak finkatu ahal izateko lurzoru egokiko ondare publikoko erreserbak.

3. – Planean proposatutako berariazko eragiketa guztiak haren 6.3. puntuan zehazten dira, eta, bereziki eremu funtzional bakoitzerako, araudi zehaztuari eta proposamenen laburpen xehatuari buruzko antolamendu-arau hauen III. kapituluan (ikus 6.3. eta 8.3. mapak).

1. – Araudi honen ondorioetarako, Saltoki Handitzat edo Astialdiko eta Zerbitzuetako Zentrotzat hartzen da merkataritzako, astialdiko eta ostalaritzako zerbitzuen hainbat ekipamendu (elikagai-unitate handia, merkataritza-galeria, gaikako denda handiak, multizinema-konplexua, astialdiko zentroak, hotelak, jatetxeak eta kafetegiak, gasolina-zerbitzugunea eta abar) kontzentratuta metatzen dituen hirugarren sektoreko eraikuntzako hirigintza-ezarpen oro, baldin eta orokorrean, enpresa, establezimendu edo jarduera desberdinetan zatikatzen dela ere, jarraian adierazitako hirigintza-magnitude orokorretara iristen bada:

   – Plataforma zelaitu, libre eta eraikiaren azalera garbia: 15.000 m2.

   – Eraiki daitekeen sabai-azalera: 5.000 m2.

2. – Saltoki handiak hiru multzo tipologiko handitan banatzen dira, kasuan kasuko eraikuntza-ezaugarriak eta kokalekua kontuan izanda:

   a) Hiriguneetako erdialdean kokatutako eraikuntza itxiko saltokiak.

   b) Eraikuntza irekiko saltokiak, hiri-zabalguneetan kokatutakoak, eremu zaharkituak birmoldatzearen edota espazio huts interstizialak edo zuzkidurarako lursailak okupatzearen ondorioz.

   c) Herriguneen kanpoaldean kokatutako saltoki zabalak.

Euskal Autonomia Erkidegoan ezartzen diren Saltoki, Aisia eta Zerbitzu Zentro eta Hirugarren Sektoreko Plataforma handiak jarraian adierazitako araudiaren arabera arautuko dira:

1. – Eraikuntza itxiko saltoki handiak hirigintzako udal-plangintzaren arabera arautuko dira.

2. – Beste bi eredu tipologiko baliokideetako batean barne hartutako saltoki handietarako, zatiko planari edo, hala badagokio, plan bereziari dagokion dokumentazioaren bidez justifikatu beharko da jarduera ekonomikoetarako lurzoruko, edo hirugarren sektoreko lurzoruko, edo merkataritza-lurzoruko, edo zerbitzuetarako lurzoruko sektore bakoitza saltoki handi bat barne har dezakeen esparrua dela, eta plan horretako erabilera-erregimen xehatua ondoko arauetara egokitzen dela:

   a) Bere kokapena Lurraldearen Arloko Plan honen saltoki handien lurralde-arautzeari arautzeari buruzko mapan (7.2 mapa) generikoki definitutako esparru estrategikoetara mugatuko da eta, hala badagokio, eremu funtzional bakoitzerako dagokion Lurraldearen Zatiko Planean zehaztasun geografiko handiagoarekin ezartzen diren irizpideetara.

   Lurraldearen zatiko planek berariazko zehaztapenak ezarri ahal izango dituzte saltokien kokapenari buruz. Horretarako, ekipamendu-mota horiek barne hartu ahal izateko zona egokiak mugatuko dira eta, osagarri gisa, mugak ezarri ahal izango zaizkie beste hirigintza-erabilera batzuetarako gordetako esparruei edo beren balio naturalengatik bereziki babestuta dauden eremuei.

   b) Saltoki handien kokapena eta dimentsionamendua erabakitzeko, Euskal Autonomia Erkidegoko udalerrien sailkapen bat ezartzen da hainbat alderdi kontuan hartuta: komunikabideen sareekiko kokapen estrategikoa, biztanleriaren pisua, espazio-erabilgarritasuna eta mota honetako zentroak hartzeko hirigintza-egokitasuna; ondoko kategoria hauen arabera:

   • A kategoria: Zentraltasun handieneko udalerriak.

   • B kategoria: Eskualde-zentraltasuneko udalerriak.

   • C kategoria: Euskal Autonomia Erkidegoko gainerako udalerriak.

   Hiru kategorietako bakoitzari atxikitako udalerriak LAParen 7.2. kapituluan jasotako zerrendan eta mapan definitzen dira eta, eremu funtzional bakoitzerako zehazki, araudi zehaztuari buruzko 8.3. kapituluan.

   c) Saltoki berrien gehienezko dimentsionamendua kasuan-kasuan kokatzen den udalerriaren arabera araututa geratzen da, honako parametro hauekin bat etorriz:

   • A kategoria: Zentraltasun handieneko udalerriak.

   – Plataforma zelaituaren gehienezko azalera garbia: 75.000 m2.

   – Eraikitako gehienezko sabai-azalera: 25.000 m2

   • B kategoria: Eskualde-zentraltasuneko udalerriak.

   – Plataforma zelaituaren gehienezko azalera garbia: 40.000 m2

   – Eraikitako gehienezko sabai-azalera: 13.000 m2

   • C kategoria: Gainerako udalerriak.

   – Plataforma zelaituaren gehienezko azalera garbia: 15.000 m2.

   – Eraikitako gehienezko sabai-azalera: 5.000 m2

   Plataforma zelaituaren azalera garbi gisa, eraiki daitekeen lurzoruaz gain, aparkalekuak, sarbideen barne-sarea eta zerbitzu-espazio eta perimetroko berdegune guztiak zenbatuko dira. Esparru gordinari dagokionez, lur-erauzketek, lubetek eta ibilgu publikoek, hala badagokio, okupatutako zonak besterik ez dira salbuetsiko.

   Eraiki daitekeen sabai-azalera gisa, sotoko solairuan, behe-solairuan eta goiko solairuetan eraikitako azalera guztiak zenbatuko dira, hauek bereziki salmenta-azalerari nahiz beste edozein erabilera osagarriri atxikita daudela ere; aparkalekurako azalerak salbuetsita, ez baitira zenbatzen.

   d) Saltokiaren gehienezko dimentsionamenduari buruzko muga hauek, halaber, jarduera ekonomikoetarako poligono batean edo plataforma logistiko batean instala litezkeen merkataritza eta astialdiko establezimendu txikiagoen edo marka desberdinetakoen batura orokorrari aplikatuko zaizkio.

   e) Saltoki batekin bateragarriak diren erabileren eta jardueren hiri-antolamendu zuzena egiteko, petrolio-produktuak hornitzeko instalazioak aurreko artikuluaren 2. puntuko b) eta c) ataletan definitutako saltokietan soilik egon daitezkeela xedatzen da.

   Gainerako kasuetan, instalazio horiek, bai espazio-urritasunagatik, bai erabileren bateraezintasunagatik, bai bide-trafikoaren berezko disfuntzionaltasunengatik, ezin izango dira ezarri.

   f) Saltoki handiak ezarri edo, hala badagokio, zabaldu ahal izateko, hirigintza-funtzionamendu egokia ziurtatzearren, eraikitako sabaiko 100 m2 bakoitzeko 5 aparkaleku-plazako zuzkidura bermatu beharko da, aparkalekurako espaziora zuzendutako sabai eraikia zenbatu gabe.

3. – LAParen zehaztapen lotesle gisa, ondokoa xedatzen da: dagokion dokumentazioan (jarduera ekonomikoetarako lurzoru, edo hirugarren sektoreko lurzoru, edo merkataritza-lurzoru, edo zerbitzuetarako lurzoruko sektore bakoitzaren zatiko plana edo, hala badagokio, plan berezia), saltoki handi bat barne har dezakeen sektorea izatea eta zatiko plan horretan aurreikusitako erabilera-erregimen xehatua saltoki handietarako LAParen araudira egokitzen dela berariaz justifikatzea.

1. Antolamendu-irizpideak

   Azken hamarkadan Arabako Erdialdeko Eremu Funtzionalerako biztanleria osoa %5 hazi da, Euskal Autonomia Erkidegoko batez bestekoa baino 6,3 puntu gehiago, eta biztanleria aktiboa %27, Euskal Autonomia Erkidegoko batez bestekoa baino 13 puntu gehiago.

   Gaur egun, Arabako Erdialdeko Eremu Funtzionlak 5.000 industria-enpleguko superabita du bigarren sektorean lanean ari den biztanleriarekiko (2.000 enplegu Gasteizko azpieskualdean, 2.000 enplegu Gorbeia Inguruetan eta 1.000 enplegu Arabako Haranetan), eta 250 enpleguko defizita Arabako Mendialdean. Industria-lurzoru okupatuaren dentsifikazioaren indize orokorra hektareako 22 enplegukoa da. Oro har lurzoru libre kalifikatuaren eskaintza behar adinakoa da, baina antzematen den osagai exogeno garrantzitsuko eskari handia ikusita, komenigarria izan liteke kudeatutako lurzoru berriak prestatu beharra aurreikustea.

   Arabako Erdialdeko Eremu Funtzionaleko azpieskualde bakoitzerako politika bereizia gauzatuko da:

   • Gasteizko azpieskualdean lurzoru berrien garapenari eusteko politika finkatuko da, ezarpenak Agurain-Araia eta Langraiz-Erribabellosa kanpoko ardatzetarantz deszentraliza daitezen, potentzialtasun estrategiko bikaina baitute jarduera-instalazio berriak eta garraioaren zerbitzurako plataforma logistikoak hartzeko.

     Gasteizko azpieskualdean aukeratu egin behar dira garapenak, lehentasuna emanez hirugarren sektoreko jardueren eta teknologia berrien ezarpenari eta aireportuaren ingurua bultzatuz jarduera aurreratu eta logistiko berriak ezartzeko eremu estrategiko gisa.

   • Arabako Haranetako eta Arabako Lautadako azpieskualdeak dimentsio handiko lursailen eskari exogeno berriak (plataforma logistikoak, trukatzaile estrategikoak, industria-instalazio handiak, biltegiratze-zentroak, espazio-erreserbak eta abar) hartzeko bokazioa duten esparru izango dira.

   • Gorbeia Inguruetako azpieskualdeak garapen-erritmoa moteldu beharko du. Horrela, eskari endogenoa eta Debagoienetik hedatutako enpresa-soberakinetako batzuk besterik ez hartzea planteatzen da.

   • Arabako Mendialdeko azpieskualderako bigarren sektorearen garapena sustatzeko estrategia ezarriko da. Ildo horretan, industria-jardueraren jatorri izango diren eta demografia-gainbeherako prozesua geldiaraztea ahalbidetuko duten hainbat industrialde sustatzea planteatzen da.

2. Lurzoruaren kudeaketaren lurralde-egituraketa

   Araba Erdialdeko Eremu Funtzionalean, jarduera ekonomikoetarako lurzoruaren ondoko sailkapena ezarriko da:

   • Arabako Lautada

     Dulantzi, Asparren, Barrundia, Burgelu, Iruraitz-Gauna, Agurain, Donemiliaga eta Zalduondo.

   • Gasteizko azpieskualdea

     Gasteiz, Oka-Iruρa, Zigoitiko udalerriko Hegoaldea, Etxabarri-Dibinari dagokiona, eta Arratzu-Ubarrundiako Hegoaldea, Durana eta Mendibili dagokiena.

   • Gorbeia Inguruak

     Urkabustaiz, Zuia, Zigoitia (Etxabarri-Dibinako ingurua izan ezik), Legutio, Arratzu-Ubarrundia (Durana eta Mendibilgo ingurua izan ezik), Otxandio, Ubide eta Aramaioko udalerriaren mugaketaren zatia.

   • Arabako Haranak

     Aramiρon, Beranturi, Koartango, Lantaron, Erribera Goitia, Erribera Beitia, Gesaltza, Gaubea eta Zanbrana.

   • Arabako Mendialdea

     Arraia-Maeztu, Bernedo, Kanpezu, Lagran, Urizaharra eta Harana.

3. Lehentasunezko kokapenerako jarraibideak

   1. epigrafearen irizpideei jarraituz, Araba Erdialdeko Eremu Funtzionalerako udalerriak kategoria hauetan sailkatzen dira:

   • Lehentasunezko intereseko udalerriak

     Aramiρon, Asparren, Beranturi, Oka-Iruρa, Lantaron, Legutio, Erribera Beitia, Donemiliaga, Agurain, Gasteiz

   • Hazkunde moteleko udalerriak

     Dulantzi, Arraia-Maeztu, Arratzu-Ubarrundia, Kanpezu, Burgelu, Otxandio, Erribera Goitia, Gaubea, Zigoitia

   • Garapen txikiko udalerriak

     Barrundia, Bernedo, Iruraitz-Gauna, Koartango, Lagran, Urizaharra, Gesaltza, Ubide, Urkabustaiz, Harana, Zalduondo, Zanbrana, Zuia

4. Sustapen-eremuak

   Landa-inguruetan industria-jarduera bultzatzeko Araba Erdialdeko Eremu Funtzionalean proposatutako «sustapen-eremuak»:

   • Industrialdea Tuesta-Espejon (Gaubea). Arabako Haranak.

   • Industrialdea Subilana-Anuzitan (Erribera Goitia). Arabako Haranak.

   • Industrialdea Kanpezun. Arabako Mendialdea.

   • Industrialdea Maeztun (Arraia-Maeztu). Arabako Mendialdea.

5. Lurzoru publikoa sortzeko eragiketak

   Araba Erdialdeko Eremu Funtzionalean, jarduera ekonomikoetarako lurzoru publikoa sortzeko ondoko eragiketak garatuko dira:

   • Arabako Lautada

     – Aguraingo eskualde-mailako poligono berria.

     Alternatibak kokatzeko eta bideragarritasuna finkatzeko azterlana. 50 ha.

     – Asparrena-Donemiliagako erreserba estrategikoa

     Asparrena-Donemiliagako erreserba estrategikoa erreserba estrategikoko esparrutzat hartzea.

   • Gasteiz

     – Miρaoko Teknologi Elkartegia

     Teknologi Elkartegia sendotzea eta garatzea.

     – Forondako aireportuaren inguruan Enpresei zerbitzu egiteko eta jarduera aurreratuetarako parkeak.

     Kokapen estrategikoetan, hala nola Arangizen, N-622 errepidearen eta aireportuaren artean, eta Eztarronan, A-3302 errepidearen eta Aireportuaren artean, enpresa-zerbitzuetarako eta hirugarren sektoreko jardueretarako zerbitzu-eremuak sortzea. 50 ha.

     – Jundizko plataforma logistikoa eta modalitate artekoa.

     Gaur egun dagoen plataforma sendotzea eta trenbide-sare berrian barne hartzea.

     – Jundizko salgaien garraio eta banaketako jardueretarako poligonoa.

     Jundizen dagoen Gasteizko garraio-zentroaren instalazioak sendotzea eta garatzea.

     – Jundizko eskualde-mailako poligonoa.

     Gaur egun dagoen poligonoa sendotzea, garatzea eta zabaltzea. 100 ha zabaltzea.

     – Langraizko eskualde-mailako poligono berria.

     Subillabide poligonoa garatzea. 100 ha.

   • Gorbeia Inguruak

     – Legutioko eskualde-mailako poligono berria.

     Alternatibak kokatzeko eta bideragarritasuna finkatzeko azterlana. 50 ha. Kokapen estrategikotzat N-240 errepidearen eta A-627 errepidearen arteko esparrua hartu da, esparru hau Gojaingo esparruaren zabalpenerako alternatiba osagarri bihurtzen da.

   • Arabako Haranak

     – Araba Hegoaldeko zentro logistikoa.

     Modalitate arteko plataforma logistikoa, garraioaren jardueretarako poligonoa eta eskualde mailako poligonoa elkargunean, hau da, Miranda de Ebroren iparraldean, A-1 eta A-68 autopisten, N-1 eta N-124 errepideen eta Madril-Irun eta Bilbo-Bartzelona trenbideen artean.

     Erribera Beitia. Aramiρon eta Beranturi. 150/200 ha.

     – Lantarongo erreserba estrategikoa.

     Lantarongo poligonoa erreserba estrategikoko esparrutzat hartzea.

     – Gaubeako eskualde-mailako Industrialdea

     Tuesta poligonoa garatzea Espejon. Gaubea. 5/10 ha.

     – Erribera Goitiko eskualde-mailako Industrialde berria.

     Subilana eta Anuzita artean poligono berria, A-2622 errepidean eta A-68 autobidearen lotunetik hurbil. 5/10 ha.

   • Arabako Mendialdea

     – Kanpezuko eskualde-mailako Industrialdea

     Aurreikusitako poligonoaren 1. fasea garatzea. 5/10 ha.

     – Maeztuko eskualde-mailako Industrialde berria

     5/10 ha.

6. Lurzorua kuantifikatzeko jarraibideak

   A. Gaur egun jarduera ekonomikoetarako instalazioek okupatutako lurzoruen azalera.

   – Arabako Lautada: 254 ha

   – Gasteizko azpieskualdea: 1.449 ha

   – Gorbeia Inguruak: 255 ha

   – Arabako Haranak: 185 ha

   – Arabako Mendialdea: 21 ha

   – Guztizko partziala A: 2.164 ha

   B. Kalifikatutako eta eskaintza bideragarritzat hartutako lurzoru libreen azalera. Lurzoru libre guztiak eskaintza bideragarritzat hartzen dira.

   – Arabako Lautada: 173 ha

   – Gasteizko azpieskualdea: 1.136 ha

   – Gorbeia Inguruak: 71 ha

   – Arabako Haranak: 98 ha

   – Arabako Mendialdea: 47 ha

   – Guztizko partziala B: 1.525 ha

   C. Planean aurreikusitako sustapen publikoko eragiketa berrien harrera xurgatzeko beharrezkoak diren lurzoruei dagokien azalera; lurzoru hauek indarrean dagoen hiri-plangintzan aintzat hartzen ez direnez gero, birkalifikatu egin behar dira.

   – Arabako Haranak: 200/300 ha

   – Guztizko partziala C: 200/300 ha

   D. Planaren horizontean aurreikus daitekeen eskariari erantzuteko beharrezko lurzoru berrien azalera.

   – Arabako Lautada: 100/200 ha

   – Gasteizko azpieskualdea: 100/200 ha

   – Gorbeia Inguruak: 50/100 ha

   – Arabako Haranak: 100/200 ha

   – Arabako Mendialdea: 10/20 ha

   – Guztizko partziala D: 360/720 ha

   – Kuantifikazio orokorra (A+B+C+D)

   – Arabako Lautada: 530/610 ha

   – Gasteizko azpieskualdea: 2.700/2.780 ha

   – Gorbeia Inguruak: 380/420 ha

   – Arabako Haranak: 600/750 ha

   – Arabako Mendialdea: 80/90 ha

   – Arabako Erdialdeko Eremu 4.300/4.650 ha

   Funtzionala guztira:

7. Saltoki handien arautzea

   2. epigrafearen argudioaren arabera, Araba Erdialdeko Eremu Funtzionalerako udalerriak honela sailkatzen dira:

      • Zentraltasun handieneko udalerriak (A kategoria)

        Oka-Iruρa, Gasteiz eta Zigoitia.

      • Eskualde-zentraltasuneko udalerriak (B kategoria)

        Aramiρon, Beranturi, Erribera Beitia eta Agurain.

      • Gainerako udalerriak (C kategoria)

        Dulantzi, Arraia-Maeztu, Arrazua-Ubarrundia, Asparrena, Barrundia, Bernedo, Kanpezu, Burgelu, Iruraiz-Gauna, Kuartango, Lagran, Lantaron, Legutio, Otxandio, Urizaharra, Erribera Goitia, Gesaltza, Donemiliaga, Ubide, Urkabustaiz, Gaubea, Harana, Zalduondo, Zanbrana, Zuia.

1. Antolamendu-irizpideak

   Azken hamarkadan Aiarako Eremu Funtzionaleko biztanleria %2, 3 murriztu da, Euskal Autonomia Erkidegoko batez bestekoa baino puntu bat gutxiago, eta biztanleria aktiboa %17 handitu da, Euskal Autonomia Erkidegoko batez bestekoa baino 3 puntu gehiago. Bigarren sektorean lanean ari den biztanleriaren portzentajea %63tik %51ra jaitsi da, Euskal Autonomia Erkidegoko batez bestekoa baino 3,5 portzentaje-puntu gehiago.

   Gaur egun, Aiarako Eremu Funtzionalak saldo orekatua du bigarren sektorean lanean ari den biztanleriaren eta enplegu-kopuruaren artean. Industria-lurzoru okupatuaren dentsifikazioaren indizea hektareako 27 enplegukoa da. Laudioko kasuan izan ezik, udalerrietan lurzoru libre planifikatuaren eskaintza behar adinakoa da.

   Batik bat eskari endogenoa aseko dela bermatzera zuzendutako lurzoru-politika gauzatuko da, lurzoru-eskaintza pixka bat handituz Bilbo Metropolitarreko Eremu Funtzionaletik eragindako eskari exogenoaren zati bat hartu ahal izateko. Biztanleriaren eta enpleguaren arteko egoera orekatuta dagoenez gero, ez da lehentasunez sustatzeko ekintza berezirik proposatzen.

   Laudioko udalerrian, berariazko hirigintza-politika kudeatuko da, industria-eremu zaharkituak birmoldatzeko prozesuak sustatzeko asmoz.

2. Lurzoruaren kudeaketaren lurralde-egituraketa

   Amurrio, Arakaldo, Artziniega, Aiara, Laudio, Okondo, Urduρa eta Orozkoko udalerriek osatzen duten Aiarako Eremu Funtzional jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Aiarako Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Amurrio, Aiara, Laudio

   • Hazkunde moteleko udalerriak

     Arakaldo, Artziniega, Urduρa, Orozko

   • Garapen txikiko udalerriak

     Okondo

4. Sustapen-eremuak

   Ekonomia suspertzeko eta industria-birmoldaketa jasaten duten eremuen hirigintza leheneratzeko Aiarako Eremu Funtzionalean proposatutako «sustapen-eremuak»:

   • Laudio ingurua

5. Lurzoru publikoa sortzeko eragiketak

   Aiarako Eremu Funtzionalean, jarduera ekonomikoetarako lurzoru publikoa sortzeko ondoko eragiketak garatuko dira:

   • Amurrio/Aiarako eskualde-mailako poligono berria.

     Alternatibak kokatzeko eta bideragarritasuna finkatzeko azterlana. 25/50 ha. Kokapen estrategikotzat Luxaondo eta Amurrio Iparraldea/Aiara arteko esparrua hartzen da.

   • Laudioko eskualde-mailako Industrialde berria

     Alternatibak kokatzeko eta bideragarritasuna finkatzeko azterlana. 10/25 ha.

6. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 321 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre kalifikatuaren

   gainean 0,75eko minorazio-faktorea

   aplikatzen da 85 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu

   egin behar dira 40/60 ha

   D. Planaren horizontean aurreikus

   daitekeen eskariari erantzuteko

   beharrezko lurzoru berrien azalera 40/80 ha

   – Aiarako Eremu Funtzionalerako

   kuantifikazio orokorra

   (A+B+C+D) 490/540 ha

7. Saltoki handien arautzea

   2. epigrafearen argudioaren arabera, Aiarako Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Amurrio, Aiara eta Laudio.

      • Gainerako udalerriak (C kategoria)

        Arakaldo, Artziniega, Okondo, Urduρa eta Orozko.

1. Antolamendu-irizpideak

   Azken hamarkadan Arabako Errioxako Eremu Funtzionaleko biztanleria %1,5 hazi da, Euskal Autonomia Erkidegoko batez bestekoa baino 3 puntu gehiago, eta biztanleria aktiboa %26, Euskal Autonomia Erkidegoko batez bestekoa baino 12 puntu gehiago. Bigarren sektorean lanean ari den biztanleriaren portzentajea %34tik %32ra baino ez da jaitsi, Euskal Autonomia Erkidegoko batez bestekoa baino 6 portzentaje-puntu gutxiago.

   Gaur egun, Arabako Errioxako Eremu Funtzionalak 1.300 industria-enpleguko superabita du bigarren sektorean lanean ari den biztanleriarekiko (Logroρon bizi den biztanleriari dagokio). Industria-lurzoru okupatuaren dentsifikazioaren indizea hektareako 16 enplegukoa da. Ez dago lurzoru libre kalifikatuaren erreserba handirik, lurzorua mahasti gisa ustiatzeko alternatibaren lehia garrantzitsua dela-eta.

   Hirigune nagusietan industrialdeen tipologiako poligono txikiak sustatuko dira, eskari endogenoa asetzeko. Alabaina, Logroρoren presentziak eragindako eskari exogenoaren potentziala eta ardogintza-instalazio handi berriak ezar litezkeela kontuan izanik, Oion eta Biasteri-Casablanca-Lantziego inguruan lurzoru berriak aurreikustea komeni da.

   Biasteriko hirigunean, eskualde-mailako industrialde bat sustatuko da, industria-ezarpen endogenoen garapena bultzatzeko.

2. Lurzoruaren kudeaketaren lurralde-egituraketa

   Mainueta, Eltziego, Bilar, Kripan, Bastida, Biasteri, Lantziego, La Puebla de Labarka, Leza, Moreta, Nabaridas, Oion, Samaniego, Uriona eta Ekora udalerriek osatzen duten Arabako Errioxako Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Arabako Errioxako Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Biasteri, Oion

   • Hazkunde moteleko udalerriak

     Eltziego, Bastida, Lantziego

   • Garapen txikiko udalerriak

     Mainueta, Bilar, Kripan, La Puebla de Labarka, Leza, Moreta, Nabaridas, Samaniego, Uriona, Ekora.

4. Sustapen-eremuak

   Arabako Errioxako Eremu Funtzionalean landaguneetako industria-jarduerarako proposatutako sustapen-eremuak:

   • Industrialdea Biasteriko hirigunean.

5. Lurzoru publikoa sortzeko eragiketak

   Arabako Errioxako Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Oion edo Biasteri - Lantziegoko eskualde mailako poligono berria

     Logroρoren eragin-esparruan alternatibak kokatzeko eta bideragarritasuna finkatzeko azterlana. Biasteri eta Lantziegoko udalerrietan Malpica - El Carrascal eremua proposatzen da Casablanca poligonoaren balizko zabaltze-eremu gisa. 50/75 ha.

   • Biasteriko eskualde-mailako Industrialde berria.

     Alternatibak kokatzeko eta bideragarritasuna finkatzeko azterlana. 5/10 ha.

6. Lurzorua kuantifikatzeko jarraibideak

   A Jarduera ekonomikoetarako uneko

   instalazioek okupatutako lurzoruen

   azalera 171 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Mahastiaren lehia-faktorea

   baloratzeko, lurzoru kalifikatuen eta

   okupatu gabeen gainean 0,5eko

   minorazio-faktorea aplikatzen da 65 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu egin

   behar dira 25/50 ha

   D. Planaren horizontean aurreikus

   daitekeen eskariari erantzuteko

   beharrezko lurzoru berrien azalera ..65/130 ha

   – Arabako Errioxako Eremu

   Funtzionalaren kuantifikazio

   orokorra (A+B+C+D) 350/400 ha

7. Saltoki handien arautzea

   2. epigrafearen argudioaren arabera, Araba Errioxako Eremu Funtzionaleko udalerriak honela sailkatzen dira:

      • Zentraltasun handieneko udalerriak (A kategoria)

        Oion.

      • Eskualde-zentraltasuneko udalerriak (B kategoria)

        Biasteri.

      • Gainerako udalerriak (C kategoria)

        Mainueta, Eltziego, Bilar, Kripan, La Puebla de Labarka, Bastida, Biasteri, Lantziego, Leza, Moreta, Nabaridas, Samaniego, Uriona eta Ekora.

1. Antolamendu-irizpideak

   Azken hamarkadan Arratiako Eremu Funtzionaleko biztanleria %4,8 murriztu da, 3,5 puntu Euskal Autonomia Erkidegoko batez bestekoaren azpitik, eta biztanleria aktiboa %50etik gora handitu da. Bigarren sektorean lanean ari den biztanleriaren portzentajea %53tik %48ra baino ez da jaitsi, Euskal Autonomia Erkidegoko batez bestekoa baino 3 portzentaje-puntu gutxiago.

   Gaur egun, Arratiako Eremu Funtzionalak 1.800 industria-enpleguko superabita du bigarren sektorean lanean ari den biztanleriarekiko. Industria-lurzoru okupatuaren dentsifikazioaren indizea hektareako 40 enplegukoa da. Eskualdeak eskuragarri dagoen lurzoru kalifikatuko erreserba adierazgarriak ditu Artea-Arantzazun eta Diman.

   Arratiako Eremu Funtzionalean, jarduera ekonomikoetarako lurzorua kudeatzeko helburua eskari endogenoa asetzea besterik ez da, eta ez da administrazio publikotik esku hartzeko premia handirik antzematen.

2. Lurzoruaren kudeaketaren lurralde-egituraketa

   Arantzazu, Areatza, Artea, Bedia, Dima, Igorre, Lemoa eta Zeanuri udalerriek osatzen duten Arratiako Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Arratiako Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Bedia, Igorre, Lemoa

   • Garapen moteleko udalerriak

     Artea

   • Garapen txikiko udalerriak

     Arantzazu, Areatza, Dima, Zeanuri

4. Lurzoru publikoa sortzeko eragiketak

   Arratiako Eremu Funtzionalean, jarduera ekonomikoetarako lurzoru publikoa sortzeko ondoko eragiketa gauzatuko da:

   • Arratiako haraneko eskualde-mailako Industrialde berria

     Alternatibak kokatzeko eta bideragarritasuna finkatzeko azterlana. Artean aurreikusten den poligonoa aukeretako bat izan daiteke.

5. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 105 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre kalifikatuaren

   gainean 0,75eko minorazio-faktorea

   aplikatzen da 40 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu

   egin behar dira --- ha

   D. Planaren horizontean aurreikus

   daitekeen eskariari erantzuteko beharrezko

   lurzoru berrien azalera 20/40 ha

   – Arratiako Eremu Funtzionalerako

   kuantifikazio orokorra 165/185 ha

6. Saltoki handien arautzea

   2. epigrafearen argudioaren arabera, Arratiako Eremu Funtzionaleko udalerriak honela sailkatzen dira:

      • Gainerako udalerriak (C kategoria)

        Arantzazu, Areatza, Artea, Bedia, Dima, Igorre, Lemoa eta Zeanuri.

1. Antolamendu-irizpideak

   Azken hamarkadan Bilbo Metropolitarreko Eremu Funtzionaleko biztanleria osoa %2,9 murriztu da, 1,4 puntu Euskal Autonomia Erkidegoko batez bestekoaren azpitik. Biztanleria aktiboa %11 hazi da, Euskal Autonomia Erkidegoko batez bestekoa baino 3 puntu gutxiago. Bigarren sektorean lanean ari den biztanleriaren portzentajea %46tik %38ra jaitsi da, Euskal Autonomia Erkidegoko batez bestekoaren antzeko proportzioan.

   Gaur egun, Bilbo Metropolitarreko Eremu Funtzionalak desoreka handiak ditu bere azpieskualdeetan industria-enpleguen kopuruaren eta bigarren sektorean lanean ari den biztanleriaren artean. 13.200 industria-enpleguko defizita antzematen da Ezkerraldean eta 6.500 industria-enplegukoa Plentzia-Leioa iraganbidean; Txorierrin, ordea, 9.800 industria-enpleguko superabita dago eta 1.400ekoa Nerbioi Beherean. Eremu Funtzionaleko industria-lurzoru okupatuaren dentsifikazioaren batez besteko indizea hektareako 48 enplegukoa da. Bilbo Metropolitarrean ez dago lurzoru libre erabilgarriaren benetako eskaintza adierazgarririk, itsasadarreko industria-espazio handiak birmoldatzeko prozesuek hainbat eragozpenekin egiten baitute topo: hirugarren sektorerako edo bizitegitarako birkalifikatzeko higiezinen arloko presioa, aurri ugari eta poluitutako lurzoruak, espekulazio ikaragarria lurzoruaren prezioan...

   Bilbo Metropolitarreko Eremu Funtzionaleko azpieskualde bakoitzerako politika bereizia gauzatuko da:

   • Kanpoko portuko espazio-eskaintza hurbileko plataforma logistiko berriekin osatzeko premia.

   • Ezkerraldeko etengabeko industria-deskalifikazioko prozesua geldiarazteko premia, hirugarren sektorerako eta bizitegitarako birkalifikazioak zorrozki murriztuz.

   • Ezkerraldean jarduera ekonomikoetako poligono berriak sustatzea zona honek duen industria-enpleguen defizit handia arintzeko eta Kanpoko portuak sortuko duen erakartze-ahalmena kapitalizatzeko.

   • Itsasadarraren kanpoaldeko ertzetan hirugarren sektorerako lurzoru berriak sustatzea.

   • Leioa-Plentzia iraganbidean zona horren bizitegi-izaerarekin bateragarriak diren jarduera ekonomikoetarako lurzoru berriak sustatzea. Horren osagarri gisa, hirugarren sektoreko jardueretarako eremu berriak eta enpresentzako zerbitzuetakoak sustatzea.

   • Txorierrin industria-garapen berriei eustea, eremu hori hirugarren sektoreko eta bizitegiko hazkunde berriekin pixkanaka berrorekatzeko. Ildo horretatik, Teknologi Elkartegia aireportutik gertu dagoenez, interes orokorraren ikuspegitik, ez da lehentasunezkotzat hartzen hirugarren sektoreko jardueretarako gainazal gehiago sortzea aireportuaren eraginpeko eremuan; jakina, aireportu-sistema orokorraren barruan terminalaren beraren zuzkidurak berezkoak dituen laguntza-instalazio osagarriak salbuetsita. Nolanahi ere, ingururako litezkeen hirigintza-garapen sinergiko gisa, lehentasunez, Txorierriko eremuaren aniztasun funtzionala sustatzeko bizitegi-eragiketak sustatzea proposatzen dira.

   • Asuako Haranaren hego-ekialdean Txorierriko iraganbidearen jarraipenari zuzenean lotutako plataforma logistiko handi bat lehentasunez sortzea, Bilbotik hurbil dagoen salgaiak banatzeko zentro berri gisa.

   • Nerbioi Behereko zonan, espazio-erreserbak oso urriak direnez gero, jarduera ekonomikoetarako lurzoruen kalifikazioa bere horretan uztea komeni da, industria-enplegua suntsi ez dadin, eta horrenbestez, bizitegitarako birkalifikazio berririk ez egitea planteatzen da.

   • Bilboko udalerrian dauden industria-enklabe urriak pixkanaka hirugarren sektoreko jardueretarako eremu gisa birmoldatzea bultzatu beharko da, bizitegitarako birkalifikatzea saihestuz.

2. Lurzoruaren kudeaketaren lurralde-egituraketa

   Bilbo Metropolitarreko Eremu Funtzionalean, jarduera ekonomikoetarako lurzorua kudeatzeko ondoko lurralde-banaketa ezarriko da:

   • Kanpoko portua

     Bilboko Portu Autonomoari dagokion kanpoko portuaren esparrua.

   • Itsasadarra eta Ezkerraldea

     Abanto-Zierbena, Alonsotegi, Barakaldo, Erandio (Udondo, Atzaga eta Asuako ibarrak), Muskiz, Urtuella, Portugalete, Santurtzi, Sestao, Trapaga eta Zierbena.

   • Bilbo

     Bilboko udalerria, bere problematikaren berariazkotasuna dela-eta, kudeaketa-eremu independente gisa bereizten da.

   • Leioa-Plentzia iraganbidea edo Eskuinaldea

     Barrika, Berango, Getxo, Gorliz, Leioa, Lemoiz, Plentzia, Sopelana, Urduliz eta Erandioko udal-mugapearen iparraldea.

   • Txorierri

     Derio, Larrabetzu, Lezama, Loiu, Sondika eta Zamudio.

   • Nerbioi Beherea

     Arrankudiaga, Arrigorriaga, Basauri, Etxebarri, Galdakao, Ugao, Zaratamo eta Zeberio.

3. Lehentasunezko kokapenerako jarraibideak

   1. epigrafearen irizpideei jarraituz, Bilbo Metropolitarreko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Abanto-Zierbena, Alonsotegi, Arrankudiaga, Arrigorriaga, Barakaldo, Basauri, Bilbo, Derio, Erandio, Etxebarri, Galdakao, Leioa, Lezama, Loiu, Muskiz, Urtuella, Portugalete, Santurtzi, Sestao, Sondika, Trapaga, Ugao, Zamudio, Zaratamo, Zierbena

   • Hazkunde moteleko udalerriak

     Berango, Getxo, Larrabetzu, Sopela, Urduliz

   • Garapen txikiko udalerriak

     Barrika, Gorliz, Lemoiz, Plentzia, Zeberio

4. Sustapen-eremuak

   Ekonomia suspertzeko eta industria-birmoldaketa jasaten duten eremuen hirigintza leheneratzeko «sustapen-eremuak»:

   • Ezkerraldea eta Bilbo eta Erandioko udalerriak Bilbo Metropolitarreko Eremu Funtzinalean.

5. Lurzoru publikoa sortzeko eragiketak

   Bilbo Metropolitarreko Eremu Funtzinalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Kanpoko Portua

   • Kanpoko Portuko plataforma logistikoak eta modalitate artekoak eta Salgaien garraio eta banaketako jardueretarako poligonoak.

     Sailkapen-geltokiaren eta edukiontzien geltokiaren laguntzarako plataformak. Edukiontzien eta ibilgailuen terminalak. Edukiontzi-kaietarako eta erabilera askotariko kaietarako plataformak. Industria-plantak. Biltegiratzeko zabalguneak Garraioaren Hiria El Calero eremuan eta abar: 280 ha.

   • Itsasadarra eta Ezkerraldea

   • Desiertoko (Barakaldo) eta Ansio Ibarreko (Barakaldo) enpresei zerbitzu egiteko eta jarduera aurreratuetarako parkeak.

     Desiertoko (Barakaldo) Urban eragiketa, Lutxana-Burceρa-Barakaldoko enpresa-parkea eta Ansio ibarreko erakustazoka, hirugarren sektoreko jarduera ekonomikoetarako eremu gisa garatzea.

   • Serantesko zentro logistikoa.

     Kanpoko Portuaren zabaltze-azalera gisa konfiguratutako errepidean zeharreko garraiorako zerbitzura dauden plataforma logistikoak, A-8 autobidearen eta Serantes mendiaren artean kokatuak. 75/100 ha.

   • Trapagako salgaien garraio eta banaketako jardueretarako poligonoa.

     Aparcavisa garraio-zentroa sendotzea eta zabaltzea. 15/30 ha.

   • Ezkerraldeko eskualde-mailako poligono berriak.

     Sestaon, Abanton eta Urtuellan (Acerνa Compacta, El Campillo, Abra Industrial, Granada) garatzen ari diren poligono eta instalazio berriak sendotzea eta Sestaoko (Altos Hornos, Aurrera eta La Naval), Barakaldoko (Sefanitro), Trapagako (Babcock Wilcox, General Elιctrica eta Ballonti) eta Portugaleteko (Ballonti) industria-birmoldaketako eremuen gainean ezarpen-eremu publiko berriak sortzea.

   • Erandioko enpresei zerbitzu egiteko eta jarduera aurreratuetarako parkea.

     Ibaiaren eskuinaldeko industrialde zaharkituak eraldatzeko ekintzak, hirugarren sektoreko jardueretarako poligonoak sortuta.

     Udondoko ibarra, Axpeko urbazterrak, Altzagako ibarra, Lutxanako San Jose eta Asuaren mozketa. 10/25 ha.

   • Muskizko eskualde-mailako industrialde berria.

     Santelices-Petronila sektorearen garapena. 10/15 ha.

   • Bilbo

   • Zorrozako enpresei zerbitzu egiteko eta jarduera aurreratuetarako parkea.

     Zorrozako penintsulan hirugarren sektoreko jarduera ekonomikoak ezartzea. 25/50 ha.

   • Plentzia-Leioa iraganbidea

   • Getxo-Berangoko enpresei zerbitzu egiteko eta jarduera aurreratuetarako parkea.

     Alternatibak kokatzeko eta bideragarritasuna finkatzeko azterlana. 25 ha.

   • Sopelana-Urdulizko eskualde-mailako Industrialde berria.

     Lanpostuko espazio-okupazio txikia duten industria-jarduera arinak sortzea. Alternatibak kokatzeko eta bideragarritasuna finkatzeko azterlanak. 25/50 ha.

   • Txorierri

   • Zamudioko Teknologi Elkartegia.

     Teknologi Elkartegia sendotzea eta garatzea. Zamudio eta Derio. 125/150 ha. Ildo horretatik, Teknologi Elkartegia aireportutik gertu dagoenez, interes orokorraren ikuspegitik, ez da lehentasunezkotzat hartzen hirugarren sektoreko jardueretarako gainazal gehiago sortzea aireportuaren eraginpeko eremuan; jakina, aireportu-sistema orokorraren barruan terminalaren beraren zuzkidurak berezkoak dituen laguntza-instalazio osagarriak salbuetsita. Nolanahi ere, ingururako litezkeen hirigintza-garapen sinergiko gisa, lehentasunez, Txorierriko eremuaren aniztasun funtzionala sustatzeko bizitegi-eragiketak sustatzea proposatzen dira.

   • Txorierriko iraganbideko salgaien garraio eta banaketako jardueretarako poligono berria.

     Txorierriko iraganbidearen 2. faseari lotzen zaizkion alternatibak kokatzeko eta bideragarritasuna finkatzeko azterlana. Lezama/Larrabetzu. 25/50 ha.

   • Nerbioi Beherea

   • Nerbioi Behereko eskualde-mailako industrialde berria.

     Alternatiba berriak kokatzeko eta bideragarritasuna finkatzeko azterlanak. Industria-instalazio zaharkituak husteari lotzen zaizkion eragiketak. 25/50 ha.

6. Lurzorua kuantifikatzeko jarraibideak

1. Gaur egun jarduera ekonomikoetarako instalazioek okupatutako lurzoruen azalera.

   – Kanpoko Portua: 121 ha

   – Itsasadarra eta Ezkerraldea: 938 ha

   – Bilbo: 89 ha

   – Plentzia-Leioa iraganbidea: 158 ha

   – Txorierri: 369 ha

   – Nerbioi Beherea: 479 ha

   – Guztizko partziala A: 2.154 ha

2. Kalifikatutako eta eskaintza bideragarritzat hartutako lurzoru libreen azalera. Parentesi artean, eskaintza bideragarria ebaluatzeko inbentarioan jasotako lurzoru libre kalifikatuaren gainean azpieskualde bakoitzari aplikatutako minorazio-koefizientea adierazten da.

   – Kanpoko Portua (1,00): 280 ha

   – Itsasadarra eta Ezkerraldea (0,50 ): 160 ha

   – Bilbo: 10 ha

   – Plentzia-Leioa iraganbidea (0,50): 60 ha

   – Txorierri (0,75): 70 ha

   – Nerbioi Behera (0,50): 20 ha

   – Guztizko partziala B: 600 ha

3. Planean aurreikusitako sustapen publikoko eragiketa berrien harrera xurgatzeko beharrezkoak diren lurzoruei dagokien azalera; lurzoru hauek indarrean dagoen hiri-plangintzan aintzat hartzen ez direnez gero, birkalifikatu egin behar dira.

   – Itsasadarra eta Ezkerraldea: 125/200 ha

   – Plentzia-Leioa iraganbidea: 25/50 ha

   – Txorierri: 25/50 ha

   – Nerbioi Beherea: 25/50 ha

   – Guztizko partziala D: 200/350 ha

4. Planaren horizontean aurreikus daitekeen eskariari erantzuteko beharrezko lurzoru berrien azalera

   – Itsasadarra eta Ezkerraldea: 50/100 ha

   – Bilbo: 25/50 ha

   – Plentzia-Leioa iraganbidea: 50/100 ha

   – Txorierri: 25/50 ha

   – Nerbioi Beherea: 25/50 ha

   – Guztizko partziala D: 175/350 ha

   – Kuantifikazio orokorra (A+B+C+D)

   – Kanpoko Portua: 400 ha

   – Itsasadarra eta Ezkerraldea: 1.270/1.400 ha

   – Bilbo: 130/145 ha

   – Plentzia-Leioa iraganbidea: 300/360 ha

   – Txorierri: 470/520 ha

   – Nerbioi Beherea: 550/600 ha

   – Bilbo Metropolitarreko

   Eremu Funtzinala guztira: 3.200/3.400 ha

6. Saltoki handien arautzea

   2. epigrafearen argudioaren arabera, Bilbo Metropolitarreko Eremu Funtzinaleko udalerriak honela sailkatzen dira:

      • Zentraltasun handieneko udalerriak (A kategoria)

        Abanto-Zierbena, Barakaldo, Basauri, Berango, Bilbo, Derio, Erandio, Etxebarri, Galdakao, Getxo, Larrabetzu, Leioa, Lezama, Loiu, Urtuella, Portugalete, Santurtzi, Sestao, Sondika, Sopela, Trapaga, Urduliz eta Zamudio.

      • Gainerako udalerriak (C kategoria)

        Alonsotegi, Arrankudiaga, Arrigorriaga, Muskiz, Ugao-Miraballes, Zaratamo, Zeberio eta Zierbena.

1. Antolamendu-irizpideak

   Azken hamarkadan Durangaldeko Eremu Fun-tzionaleko biztanleria %1,7 hazi da, 3,5 puntu Euskal Autonomia Erkidegoko batez bestekoaren gainetik. Biztanleria aktiboa, aldiz, %6 baino ez da hazi, 8 portzentaje-puntu Euskal Autonomia Erkidegoko batez bestekoaren azpitik.

   Gaur egun, Durangaldeko Eremu Funtzionalak 2.850 industria-enpleguko superabita du bigarren sektorean lanean ari den biztanleriarekiko. Industria-lurzoruaren okupazio-indizea hektareako 35 enplegukoa da. Eskualdeak lurzoru libre kalifikatuaren erreserben bolumen handia dauka, batez ere Zornotzan, Boroa poligono handian. Alabaina, Durango eta Iurretan dauden erreserbak ez dira hain operatiboak benetan erabilgarri dagoen eskaintza gisa, baserri ugari baitaude sakabanatuta.

   Eskualdeak etorkizunean garatzeko itxaropen handiak ditu, bi faktore biltzen baitira bertan: alde batetik, espazio librea izatea eta, bestetik, gaur egun oso aseta dauden bi zonaren artean Bilbo Metropolitarra eta Gipuzkoako Debako eskualdeak estrategikoki kokatuta egotea. Beasain-Durango iraganbidearen eraikuntzarekin eta abiadura handiko trenaren trazadurarekin Durangaldea Euskal Autonomia Erkidegoko komunikabideen puntu estrategiko bihurtuko da. Beraz, Durangaldea etorkizunean salgaien garraio eta banaketari lotutako plataforma logistikoak kokatzeko zona apropos gisa eta lehentasunezko garapen-zona gisa konfiguratzen da, erakartze-ahalmen handia baitu Bilbo Metropolitarreko eta Debako Haraneko enpresentzat.

   Durangaldeko Eremu Funtzionalean, komunikabide-ardatz handiekiko (A-8 autobidea, Beasain-Durango iraganbidea, Euskotren trenbide-linea, abiadura handiko etorkizuneko linea eta abar) zuzeneko lotura bermatuko duten kokalekuetan ezarritako plataforma logistiko berriak eta eskualde-mailako poligonoak aurreikusteko politika gauzatuko da.

   Industria-hazkunde endogenoaren garapena bermatzeko eta Boroa poligonoa espazio-erreserba handi gisa finkatzeko beharrezkoak diren lurzoru-aurreikuspenez gain, eskualdez gaindiko plataforma logistikoak eta industria-poligonoak eta salgaiak banatzekoak eskaintzeko eragiketa publiko gisa gara daitezkeen kokaleku estrategiko berriak bilatuko dira.

2. Lurzoruaren kudeaketaren lurralde-egituraketa

   Abadiρo, Zornotza, Atxondo, Berriz, Durango, Elorrio, Garai, Iurreta, Izurtza, Maρaria eta Zaldibarko udalerriek osatzen duten Durangaldeko Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Durangaldeko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Abadiρo, Zornotza, Atxondo, Berriz, Durango, Elorrio, Iurreta, Izurtza

   • Hazkunde moteleko udalerriak

     Zaldibar

   • Garapen txikiko udalerriak

     Garai, Maρaria

4. Lurzoru publikoa sortzeko eragiketak

   Durangaldeko Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Durango inguruko salgaien garraio eta banaketako jardueretarako poligono berria.

     A-8 autobideak, N-634 errepideak eta Beasain-Durango ardatzak bat egiten duten gunean oinarrituko den garraiorako zerbitzu egingo duen poligono baten alternatibak kokatzeko eta bideragarritasuna finkatzeko azterlana. 25/50 ha.

   • Durango inguruko eskualde-mailako poligono berria.

     Alternatibak kokatzeko eta bideragarritasuna finkatzeko azterlana. 25/50 ha.

   • Amorebieta inguruko eskualde-mailako poligono berria.

     Alternatibak kokatzeko eta bideragarritasuna finkatzeko azterlana. 25/50 ha.

   • Boroako erreserba estrategikoa

     Boroako poligonoa erreserba estrategikoko esparrutzat hartzea.

5. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 510 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre kalifikatuaren

   gainean 0,75eko minorazio-faktorea

   aplikatzen da 185 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu

   egin behar dira 100/150 ha

   D. Planaren horizontean aurreikus

   daitekeen eskariari erantzuteko

   beharrezko lurzoru berrien

   azalera 100/200 ha

   • Durangaldeko Eremu Funtzionaleko

     kuantifikazio orokorra

     (A+B+C+D) 900/1.000 ha

6. Saltoki handien arautzea

   2. epigrafearen argudioaren arabera, Durangaldeko Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Abadiρo, Zornotza, Durango eta Iurreta.

      • Gainerako udalerriak (C kategoria)

        Atxondo, Berriz, Elorrio, Garai, Izurtza, Maρaria eta Zaldibar.

1. Antolamendu-irizpideak

   Azken hamarkadan Enkartazioko Eremu Funtzio-naleko biztanleria %2 murriztu da, ia puntu bat Euskal Autonomia Erkidegoko batez bestekoaren azpitik. Biztanleria aktiboa %11 hazi da, 3 portzentaje-puntu Euskal Autonomia Erkidegoko batez bestekoaren azpitik.

   1999an Enkartazioko Eremu Funtzionalak 2.000 industria-enpleguko defizita du bigarren sektorean lanean ari den biztanleriarekiko; beraz, lanean ari den biztanleriaren erdia baino gehiago kanpora joaten da egunero lanera. Industria-lurzoru okupatuaren dentsifikazioaren indize orokorra hektareako 21 enplegukoa da. Oro har lurzoru libre kalifikatuaren eskaintza behar adinakoa da, eta bere garapenik eza eskariaren ahuleriaren ondorio dela uste da.

   Eskualdean oro har demografia geldiarazi egin dela eta ekonomia-bultzadarik ez dagoela antzematen da eta horren adierazgarri dira desagertu diren enpresak eta inbertsio alternatiborik eza. Horretan eragin handia du komunikabideen arloan duen defizitak, izan ere BI-636 errepidearen ardatza oso mugatuta baitago gaur egun.

   Sustapen aktiboko politika gauzatuko da, ekimen publikoko eskualde-poligono bat sortuz. Komenigarritzat jotzen da eskualdearen ekialdean kokatzea, Sodupe eta Guenes artean, eskualdearen eta Bilbo Metropolitarraren arteko jardueren erakargune gisa jardun dezan. Eskualdea dinamizatzeko guztiz positiboa izango litzateke Kadaguako autobia eraikitzea, Sodupe eta A-8 autobidearen arteko lehen lotura-tartea.

2. Lurzoruaren kudeaketaren lurralde-egituraketa

   Artzentales, Balmaseda, Karrantza, Galdames, Gordexola, Guenes, Lanestosa, Sopuerta, Turtzioz eta Zallako udalerriek osatzen duten Enkartazioetako Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Enkartazioetako Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Gόeρes, Zalla

   • Hazkunde moteleko udalerriak

     Balmaseda

   • Garapen txikiko udalerriak

     Artzentales, Karrantza, Galdames, Gordexola, Lanestosa, Sopuerta, Turtzioz

4. Sustapen-eremuak

   Industria-enpleguan defizita duten eskualde-buruak dinamizatzeko «sustapen-eremuak».

   • Zalla-Gόeρesko zona.

5. Lurzoru publikoa sortzeko eragiketak

   Enkartazioetako Eremu Funtzionalean, jarduera ekonomikoetarako lurzoru publikoa sortzeko ondoko eragiketa gauzatuko da:

   • Gόeρesko eskualde-mailako poligono berria.

     Alternatibak kokatzeko eta bideragarritasuna finkatzeko azterlana. 25/50 ha.

     Sodupe eta Gόeρes arteko haranaren tartea hartzen da kokapen estrategikotzat.

6. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 85 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre

   kalifikatuaren gainean 0,75eko

   minorazio-faktorea aplikatzen da 60 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu

   egin behar dira 25/50 ha

   D. Planaren horizontean aurreikus

   daitekeen eskariari erantzuteko

   beharrezko lurzoru berrien azalera...25/50 ha

   • Enkartazioetako kuantifikazio

     orokorra (A+B+C+D) 200/250 ha

7. Saltoki handien arautzea

   2. epigrafearen argudioaren arabera, Enkartazioetako Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Balmaseda, Gόeρes eta Zalla.

      • Gainerako udalerriak (C kategoria)

        Artzentales, Karrantza, Galdames, Gordexola, Lanestosa, Sopuerta eta Turtzioz.

1. Antolamendu-irizpideak

   Azken hamarkadan Busturialdea-Artibaiko Eremu Funtzionaleko biztanleria osoa %3 murriztu da, Euskal Autonomia Erkidegoko batez bestekoa baino ia bi portzentaje-puntu gutxiago. Denbora-tarte honetan biztanleria aktiboa %9 hazi den arren, igoera hau Euskal Autonomia Erkidegoko batez bestekoa baino 5 portzentaje-puntu txikiagoa da.

   Gaur egun, Busturialdea-Artibaiko Eremu Funtzionalak 3.000 industria-enpleguko defizita du bigarren sektorean lanean ari den biztanleriarekiko (1.850 Urdaibain eta 1.150 Lea-Artibain); beraz, industrian lanean ari den biztanleriaren laurdena kanpora joaten da egunero lanera, nahiz eta komunikabideak txarrak izan. Industria-lurzoru okupatuaren dentsifikazioaren indizea hektareako 47 enplegukoa da (hektareako 42 enplegu Urdaibain eta hektareako 54 enplegu 1.150 Lea-Artibain). Eremu Funtzional honek ez du lurzoru libre kalifikatuaren eskaintza adierazgarririk. Bermeo eta Ondarroako kostaldeko portuetan egoera hori larriki nabarmentzen da, espaziorik ez dagoenez gero ezin baitira sortutako eskariak ase. Bi kasuetan poligono txikiak sustatu dira mugakide dituzten Mundaka eta Mutrikuko udalerrietan, hurrenez hurren, baina espazio-mugak konponezinak dira.

   Eskualdean oro har demografia nolabait ere geldiarazi egin dela eta ekonomia-dinamismorik ez dagoela antzematen da, irisgarritasun-baldintza txarren eta komunikabide-sistema eskasaren ondorioz. Bermeo eta Ondarroako portuen posizio eszentrikoa eta haien garapenerako espazio fisikorik eza, kanpoaldearekiko komunikabideak pixkanaka hobetzen ari diren arren, azpiegitura hauek abiapuntutzat hartuta jarduera ekonomikoa handiagoa sortzeko ahalmena nabarmenki mugatzen duen faktore erabakigarria da.

   Urdaibain sustapen aktiboko politika gauzatuko da, ekimen publikoko eskualde-poligono bat sortuz. Komenigarritzat jotzen da eskualdearen hegoaldean kokatzea, Gernika eta Zornotza artean, inbertsioen erakargune gisa eta A-8 autobidearen eta eskualdearen arteko bitarteko lotune gisa jardun dezan. Hala, Gernikan dauden jarduera ekonomikoko eremu zaharkituen hirigintza-suspertzea sustatzea komeni da. LAParen proposamenak erabakitzeko, Urdaibaiko biosferaren erreserbaren gizarte- eta jarduera ekonomikoak amortizatu eta garatzeko programa bereziki kontuan hartu da.

   Lea-Artibaiko azpieskualdean sustapen-politika toki-mailako jarduera txikietan banatzea komeni da, herri bakoitzaren berariazko eskariak eta espazio-erabilgarritasunak kontuan hartuta.

2. Lurzoruaren kudeaketaren lurralde-egituraketa

   Busturialdea-Artibaiko Eremu Funtzionalean, jarduera ekonomikoetarako lurzorua kudeatzeko ondoko lurralde-banaketa ezartzen da:

   • Urdaibai

     Ajangiz, Arratzu, Bermeo, Busturia, Ea, Elantxobe, Ereρo, Errigoiti, Forua, Gautegiz-Arteaga, Gernika-Lumo, Ibarrangelu, Kortezubi, Mendata, Morga, Mundaka, Murueta, Muxika, Nabarniz eta Sukarrieta.

   • Lea-Artibai

     Amoroto, Aulesti, Berriatua, Etxebarri, Gizaburuaga, Ipazter, Lekeitio, Markina-Xemein, Mendexa, Munitibar, Ondarroa eta Mutrikuko udalerriko Mijoa ingurua.

3. Lehentasunezko kokapenerako jarraibideak

   1. epigrafearen irizpideei jarraituz, Busturialdea-Artibaiko EEremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Bermeo, Gernika-Lumo, Ondarroa

   • Hazkunde moteleko udalerriak

     Ajangiz, Berriatua, Etxebarri, Markina-Xemein, Mundaka, Muxika

   • Garapen txikiko udalerriak

     Amoroto, Aulesti, Arratzu, Busturia, Ea, Elantxobe, Ereρo, Errigoiti, Forua, Gautegiz-Arteaga, Gizaburuaga, Ibarrangelu, Ipazter, Kortezubi, Lekeitio, Mendata, Mendexa, Morga, Munitibar, Murueta, Nabarniz, Sukarrieta

4. Sustapen-eremuak

   Industria-enpleguan defizita duten eskualde-buruak dinamizatzeko «sustapen-eremuak»:

   • Gernikako hegoaldea (Gernika-Mujika-Ajangiz) Urdaibaiko azpieskualdean.

   • Markinako zona Lea-Artibaiko azpieskualdean.

5. Lurzoru publikoa sortzeko eragiketak

   Busturialdea-Artibaiko Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Urdaibai

     – Urdaibaiko eskualde-mailako poligono berria

     Alternatibak kokatzeko eta bideragarritasuna finkatzeko azterlana. Gernikako hegoaldean kokatzea, Ajangiz edo Muxikako udal-mugarteetan, eta BI-638 errepidetik sarbidea izatea gomendatzen da. 25/50 ha.

     – Bermeoko Portuko eskualde-mailako industrialde berria

     Bermeo-Mundaka inguruko alternatiba berriak kokatzeko eta bideragarritasuna finkatzeko azterlana. 5/10 ha.

   • Lea-Artibai

   • Artibaiko eskualde-mailako industrialde berria

     Alternatibak kokatzeko eta bideragarritasuna finkatzeko azterlanak. 10/15 ha.

6. Lurzorua kuantifikatzeko jarraibideak

   A. Jarduera ekonomikoetarako uneko instalazioek okupatutako lurzoruen azalera.

   – Urdaibai: 117 ha

   – Lea-Artibai: 73 ha

   – Guztizko partziala A: 190 ha

   B. Kalifikatutako eta eskaintza bideragarritzat hartutako lurzoru libreen azalera. Lurzoru libre kalifikatuaren gainean 0,50eko minorazio-faktorea aplikatzen da.

   – Urdaibai: 20 ha

   – Lea-Artibai: 15 ha

   – Guztizko partziala B: 35 ha

   C. Planean aurreikusitako sustapen publikoko eragiketa berrien harrera xurgatzeko beharrezkoak diren lurzoruei dagokien azalera; lurzoru hauek indarrean dagoen hiri-plangintzan aintzat hartzen ez direnez gero, birkalifikatu egin behar dira.

   – Urdaibai: 40/60 ha

   – Lea-Artibai: 10/15 ha

   – Guztizko partziala C: 50/75 ha

   D. Planaren horizontean aurreikus daitekeen eskariari erantzuteko beharrezko lurzoru berrien azalera.

   – Urdaibai: 25/50 ha

   – Lea-Artibai: 10/20 ha

   – Guztizko partziala D: 35/70 ha

   – Kuantifikazio orokorra (A+B+C+D)

   – Urdaibai: 210/240 ha

   – Lea-Artibai: 110/120 ha

   – Busturialdea-Artibaiko 320/360 ha.

   Eremu Funtzionala guztira:

7. Saltoki handien arautzea

   2. epigrafearen argudioaren arabera, Busturialdea-Artibaiko Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Ajangiz eta Gernika-Lumo.

      • Gainerako udalerriak (C kategoria)

        Amoroto, Arratzu, Aulesti, Bermeo, Berriatua, Busturia, Ea, Elantxobe, Ereρo, Errigoiti, Etxebarria, Forua, Gautegiz-Arteaga, Gizaburuaga, Ibarrangelua, Ipazter, Kortezubi, Lekeitio, Markina-Xemein, Mendata, Mendexa, Morga, Mundaka, Munitibar-Abartzegi-Gerrikaitz, Murueta, Muxika, Nabarniz, Ondarroa eta Sukarrieta.

1. Antolamendu-irizpideak

   Azken hamarkadan Mungiako Eremu Funtzionaleko biztanleria osoa %14 inguru hazi da, 15 puntu Euskal Autonomia Erkidegoko batez bestekoaren gainetik, eta biztanleria aktiboa %30, 16 puntu Euskal Autonomia Erkidegoko batez bestekoaren gainetik.

   Gaur egun, Mungiako Eremu Funtzionalak 1.200 industria-enpleguko superabita du bigarren sektorean lanean ari den biztanleriarekiko. Industria-lurzoru okupatuaren dentsifikazioaren indize orokorra hektareako 43 enplegukoa da. Oro har lurzoru libre kalifikatuaren eskaintza behar adinakoa da, baina erreserbak etengabe asetzearen eta Bilbo Metropolitarreko lurzoru garestien ondorioz antzematen den eskari handiak lurzoruak birkalifikatzeko presioak eragin ditzake Mungian eta honen inguruko landa-zonetan.

   Eremu Funtzionalak demografia-hazkunde handiko eta ekonomia-hedapeneko panorama erakusten du Bilbo Metropolitarraren presioaren ondorioz.

   Mungiako saihesbidearen eraikuntzarekin eta Sollubeko errepidearen etengabeko hobekuntzarekin BI-631 errepidean sostengu hartuko duen ardatza finkatuko da, non Mungiak espazioa arintzeko eginkizuna beteko baitu, bai Bilbo Metropolitarrarentzat bai Bermeoko portuarentzat.

   Lehentasunez sustapen-eragiketetan baino eskariaren dinamika arautzeko eginkizunean oinarrituko den lurraldea antolatzeko politika gauzatuko da. Kontrol-tresna gisa, industria-lurzoruaren merkatuaren inflazio-tentsioak erregulatzeko eta biztanlegune landatar txikietan lurzoruak birkalifikatzeko toki-ekimenak ugaritzea saihesteko balioko duen sustapen publikoko eskualde-poligono bat sortzea proposatzen da. Nolanahi ere, hazkunde endogenoaren eskariak behar bezala asetzean oinarritu beharko da lurraldea antolatzeko lehentasunezko irizpidea.

2. Lurzoruaren kudeaketaren lurralde-egituraketa

   Arrieta, Bakio, Fruiz, Gamiz-Fika, Gatika, Laukiz, Maruri, Meρaka eta Mungiako udalerriek osatzen duten Mungiako Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Mungiako Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Mungia

   • Garapen txikiko udalerriak

     Arrieta, Bakio, Fruiz, Gamiz-Fika, Gatika, Laukiz, Jatabe, Meρaka

4. Lurzoru publikoa sortzeko eragiketak

   Mungiako Eremu Funtzionalean, jarduera ekonomikoetarako lurzoru publikoa sortzeko ondoko eragiketa gauzatuko da:

   • Mungiako eskualde-mailako Industrialde berria

     Alternatibak kokatzeko eta bideragarritasuna finkatzeko azterlana. 10/25 ha.

5. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 102 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre

   kalifikatuaren gainean 0,50eko

   minorazio-faktorea aplikatzen da 30 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu egin

   behar dira 20/30 ha

   D. Planaren horizontean aurreikus

   daitekeen eskariari erantzuteko beharrezko

   lurzoru berrien azalera 20/40 ha

   • Mungiako Eremu Funtzionaleko

     kuantifikazio orokorra

     (A+B+C+D) 170/200 ha

6. Saltoki handien arautzea

   2. epigrafearen argudioaren arabera, Mungiako Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Mungia.

      • Gainerako udalerriak (C kategoria)

        Arrieta, Bakio, Fruiz, Gamiz-Fika, Gatika, Laukiz, Maruri eta Meρaka.

1. Antolamendu-irizpideak

   Azken hamarkadan Debagoieneko Eremu Funtzio-naleko biztanleria osoa %2,5 murriztu da, Euskal Autonomia Erkidegoko batez bestekoa baino 1,2 puntu gehiago. Biztanleria aktiboa, ordea, %10 hazi da, 2 portzentaje-puntu Euskal Autonomia Erkidegoko batez bestekoaren gainetik.

   Ekonomia-dinamika handia duen baina espazio-ahalmenik ezaren ondorioz hedapen kuantitatiboko prozesuan muga jotzen ari den eskualdeari dagozkio ratio horiek. Bere jarduera ekonomikoen eboluzioaren alderdi kualitatiboetan zehaztu beharko dira eskualde honen garapen-erronka berriak.

   Gaur egun, Debagoieneko Eremu Funtzionalak 3.700 industria-enpleguko superabita du bigarren sektorean lanean ari den biztanleriarekiko. Industria-lurzoru okupatuaren dentsifikazioaren indize orokorra hektareako 53 enplegukoa da. Jarduera ekonomikoetarako lurzoru kalifikatu eta librearen erreserbak urriak dira, Arrasaten izan ezik, eta garatzeko eragozpen larriak dituzte, bertako orografia zaila dela eta.

   Irizpide orokor gisa, Eremu Funtzionaleko espazio-erreserben urritasuna kontuan izanik, jarduera ekonomikoetarako lurzoru guztien kalifikazioa bere horretan uztea komeni da eta, horrenbestez, bizitegitarako birmoldaketa sistematikoari ez ekitea planteatzen da. Honela, eskualdeko jarduera ekonomikoen euskarri den lurzorua suntsi dadin saihestea lortu nahi da.

   Eskari endogenoari ere erantzuteko Eremu Funtzionaleko espazio-eskasiaren aurrean, mantendu beharreko jarduera ekonomikoak pixkanaka hautatu beharko dira, balio erantsi handienekoak mantenduz, hots, teknologia berriei dagozkienak eta enpresentzako hirugarren sektoreko zerbitzuetakoak, eta espazio handia behar duten jarduerak kanporantz bideratuz.

   Industria-lurzoruaren urritasunarekiko aukera osagarri gisa, azpiegitura handien eraikuntza (Eibar-Gasteiz autobidea, abiadura handiko trena) aprobetxatuz, haranaren goialdeko zonetako puntu jakin batzuetan betelanak eginez plataforma handiak antolatu eta lurzoru berriak sortzeko aukerak aztertu beharko dira. Plataforma hauek jarduera ekonomikoetarako poligono gisa aprobetxa litezke sare orokorretik bertara sartzeko bideak eta azpiegitura-hartuneak ebazten badira.

2. Lurzoruaren kudeaketaren lurralde-egituraketa

   Antzuola, Aramaio (mugaketaren ingurua izan ezik) Aretxabaleta, Arrasate, Bergara, Elgeta (Iburerreka ingurua izan ezik), Eskoriatza, Leintz-Gatzaga eta Oρatiko udalerriek osatzen duten Debagoieneko Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Debagoieneko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Antzuola, Aretxabaleta, Arrasate, Bergara, Elgeta, Eskoriatza, Oρati

   • Garapen txikiko udalerriak

     Aramaio, Leintz-Gatzaga

4. Lurzoru publikoa sortzeko eragiketak

   Debagoieneko Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Deba Goieneko enpresei zerbitzu egiteko eta jarduera aurreratuetarako parke berria.

     Alternatibak kokatzeko eta bideragarritasuna finkatzeko azterlana.

     Garaia eragiketa, garapen-fasean. 25/50 ha.

   • Zaldunbideko garraiorako zerbitzu-zentroa.

     Autobidearen eta Beasain-Durango ardatzaren arteko lotunearekin lotzen den eremu logistikoa. Elkoromuρoko zabortegia erabil daiteke. 5/10 ha.

   • Deba Ertaineko eskualde-mailako poligono berria.

     Bergarako eremu garaietan, haranetako hondoetako kanpoko eremuetan alternatibak kokatzeko eta bideragarritasuna finkatzeko azterlana, Autobidea eraikitzeko obren jardun osagarri gisa. 10/25 ha.

   • Debagoieneko eskualde-mailako poligono berria.

     Arrasateko eremu garaietan, haranetako hondoetako kanpoko eremuetan alternatiba kokatzeko eta bideragarritasuna finkatzeko azterlana, Autobidea eraikitzeko obren jardun osagarri gisa. 10/25 ha.

5. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 404 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre kalifikatuaren

   gainean 0,75eko minorazio-faktorea

   aplikatzen da 135 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu egin

   behar dira. 40/60 ha

   D. Planaren horizontean aurreikus

   daitekeen eskariari erantzuteko

   beharrezko lurzoru berrien

   azalera 75/125 ha

   • Debagoieneko Eremu Funtzionalaren

     kuantifikazio orokorra

     (A+B+C+D) 660/730 ha

6. Saltoki handien arautzea

   2. epigrafearen argudioaren arabera, Debagoieneko Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Aretxabaleta, Arrasate eta Bergara.

      • Gainerako udalerriak (C kategoria)

        Antzuola, Aramaio, Elgeta, Eskoriatza, Leintz-Gatzaga eta Oρati.

1. Antolamendu-irizpideak

   Azken hamarkadan Debabarreneko Eremu Funtzio-naleko biztanleria osoa %7,3 murriztu da, Euskal Autonomia Erkidegoko batez bestekoa baino 6 puntu gehiago. Denbora-tarte berean biztanleria aktiboa %1 baino ez da hazi, Euskal Autonomia Erkidegoko batez besteko hazkundea baino 13 portzentaje-puntu gutxiago beraz.

   Mende-erdialdean izandako demografia- eta industria-hazkundeak xurgatzeko espazio-ezintasunaren ondorioz eskualdea jasaten ari den halabeharrezko zuzenketa-dinamika nabarmentzen dute ratio hauek.

   Gaur egun, Debabarreneko Eremu Funtzionalak 2.450 industria-enpleguko superabita du bigarren sektorean lanean ari den biztanleriarekiko. Industria-lurzoru okupatuaren dentsifikazioaren indize orokorra hektareako 56 enplegukoa da. Itziar poligonoaren kasu berezia eta sustatzen ari diren Elgoibar eta Mallabiko sorrera publikoko poligono berriek sortutako itxaropenak kenduta, ia ez dago jarduera ekonomikoetarako lurzoru kalifikatu eta librearen erreserbarik.

   Espazio-urritasun larria kontuan izanik, jarduera ekonomikoetarako lurzoru guztien kalifikazioa bere horretan utziko da eta, horrenbestez, salbuespenak salbuespen, bizitegitarako birkalifikazio berririk ez da egingo. Honela, eskualdeko jarduera ekonomikoen euskarri ordezkaezina den lurzorua suntsi dadin saihestea lortu nahi da.

   Debabarreneko Eremu Funtzionalak ez du bere eskari endogenoari ere erantzuteko espazio-ahalmenik eta, hori dela-eta, jarduera ekonomikoetara zuzendutako lurzoru guztiak kontserbatzea gomendatzen da. Hori dela-eta, behar-beharrezkoa da jarduera ekonomikoetara zuzendutako lurzoru guztiak kontserbatzea. Kontserbatu beharreko jarduerak pixkanaka hautatu beharko dira, balio erantsi handienekoak mantenduz, hots, teknologia berriei dagozkienak eta enpresentzako hirugarren sektoreko zerbitzuetakoak, eta espazio handia behar duten jarduerak kanporantz bideratuz.

2. Lurzoruaren kudeaketaren lurralde-egituraketa

   Deba, Eibar, Elgoibar, Ermua, Mallabia, Mendaro, Mutriku (Mijoa ingurua izan ezik) eta Soraluzeko udalerriek eta Ego ibaiaren arroari dagozkion Elgeta eta Zaldibarko udalerrien zatiek osatzen duten Debabarreneko Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Debabarreneko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Deba, Eibar, Elgoibar, Ermua, Mallabia, Mendaro, Mutriku, Soraluze

4. Sustapen-eremuak

   Debabarreneko Eremu Funtzionalean landaguneetako industria-jarduerarako proposatutako sustapen-eremuak:

   • Eibar-Ermua ingurua

5. Lurzoru publikoa sortzeko eragiketak

   Debabarreneko Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Albitxuriko eskualde-mailako Industrialde berria

     Elgoibarren aurreikusten den poligonoaren garapena.

   • Mutrikuko eskualdeko Industrialdea zabaltzea.

     Mijoa poligonoa zabaltzea, Ondarroako portuari laguntzeko jarduna. 5 ha.

   • Itziarko eskualde-mailako industrialde berria.

     Itziarko poligonoan hutsik dauden lurzoruak eskualde-mailako industrialde gisa garatzea. Deba. 5 ha.

   • Eremu Funtzionalaren mendebaldean (Ermua-Mallabia) eskualde-mailako industrialde berria. 10/15 ha.

6. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 282 ha

   B. Kalifikatutako eta eskaintza bideragarritzat

   hartutako lurzoru libreen azalera.

   Lurzoru libre kalifikatuaren guztizko

   eskaintzaren gainean 0,50eko

   minorazio-faktorea aplikatzen da 50 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu

   egin behar dira 10/15 ha

   D. Planaren horizontean aurreikus

   daitekeen eskariari erantzuteko

   beharrezko lurzoru berrien

   azalera 35/70 ha

   • Debabarreneko Eremu Funtzionalaren

     kuantifikazio orokorra

     (A+B+C+D) 375/410 ha

7. Saltoki handien arautzea

   2. epigrafearen argudioaren arabera, Debabarreneko Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Eibar eta Elgoibar.

      • Gainerako udalerriak (C kategoria)

        Deba, Ermua, Mallabia, Mendaro, Mutriku eta Soraluze.

1. Okupazio-irizpideak

   Azken hamarkadan Donostia-Beterriko Eremu Funtzionaleko biztanleria osoa zertxobait murriztu da, %0,6, Euskal Autonomia Erkidegoko batez besteko joerarekin bat etorriz. Biztanleria aktiboa, ordea, %19 hazi da, 5 puntu Euskal Autonomia Erkidegoko batez bestekoaren gainetik.

   Adierazleak azpieskualdeka bananduz, Bidasoa Behereko eta Donostialdeko hego-mendebaldeko azpieskualdeetan demografia-hazkunde txikiak izan dira, Donostiako udalerriak eutsi egin dio biztanleriari eta Oarsoaldeko azpieskualdean, berriz, biztanleriak %6 egin du behera.

   Lanean ari den biztanleriari dagokionez, Oarsoaldean oraindik ere langabezia-indize handia dagoela egiazta daiteke. Arazo honek eraginda, administrazioak sustapen publikoko berariazko programa bat abiarazi du Pasaiako Badian industria-birmoldaketako prozesua bizkortzeko.

   Gaur egun, Donostia-Beterriko Eremu Funtzionalak desoreka handiak ditu bere azpieskualdeetan industria-enpleguen kopuruaren eta bigarren sektorean lanean ari den biztanleriaren artean. 1.500 enpleguko defizita antzematen da Bidasoa Beherean eta 1.250 enplegukoa Oarsoaldean; Donostialdeko hego-mendebaldean, ordea, 2.150 industria-enpleguko superabita dago. Azken urteotan industria-poligono berrien sustapenari esker lurzoru-eskaintza nabarmenki handitu den arren, eskariak xurgatu egin ditu eta aise gainditu ditu aurreikuspenak eta behar-beharrezkoa da garapen berriei ekitea jarduera ekonomikoetarako espazioen premiei aurre egiteko.

   Argi eta garbi erantzun gabeko eskarietako bat garraioaren, komunikabideen eta salgai-banaketaren sektorearen zerbitzurako poligonoei dagokiena da. Jarduera honek, batez ere sektorearen tradiziozko gune nagusi izan diren Bidasoa Behereko eta Oarsoaldeko azpieskualdeetan, interes estrategiko nabarmena du bi azpieskualde hauen eta Donostia-Beterriko Eremu Funtzional osoaren etorkizunerako.

   Lursail horizontal zabalak edukitzeko premia zailtasun osagarria da topografia malkartsuko zona batean. Hala eta guztiz ere, espazioak, garraioaren zerbitzurako poligonoak eta modalitate arteko plataforma logistikoak lortzea ezinbestean konpondu beharreko gainditu gabeko irakasgaitzat hartu behar da, inbertsioak erakartzeko ahalmen handiko jarduera-sektore bat galdu nahi ez bada.

   Eremu Funtzionaleko beste arazo garrantzitsu bat Pasaiako Portua bere portu-funtzionaltasuneko alderdietan zein bere hirigintza-inguruaren birkualifikazioari dagozkionetan birmoldatzeko prozesuari buruzkoa da. Kanpoko portu bat eraikitzeko aukeraren bideragarritasunari buruzko egiten hasiak diren azterlanak alde batera utzita, prozesu honen barruan garrantzizko elementu bat Lezo-Gaintxurizketa iraganbidea portuari lotutako jarduera logistikoak garatzeko esparru gisa bultzatzean datza.

   Donostia-Beterriko Eremu Funtzionaleko azpieskualde bakoitzerako politika bereizia gauzatuko da:

   • Bidasoa Behereko azpieskualdean garraioaren zerbitzurako plataforma logistikoak sortzeko politika proposatzen da, baita Zubietan jarduera berritzaileen enpresa-parke berri bat sortzekoa ere, okupazio-maila aurreratuan dauden Donostian kokatutakoen (Miramon eta Zuatsu) eskaintza osagarri gisa.

   • Oarsoaldeko azpieskualdean esku hartzeko estrategia bikoitza kudeatuko da:

     • Errenteria, Pasaia eta Donostiako ekialdeko industria-ehun zaharkituak birmoldatzeko politikak, kanpoko sostengu gisako poligonoren bat sortuz (Landarro esate baterako) eta epe ertainera hirugarren sektoreko jardueretako poligono berri bat sustatuz Pasaiako Portuko Herrerako kaian.

     • Ekonomia Jardueren Garapen Berrietako Erakargunea eta Garraio-sektoreari laguntzekoa sortzea Gaintxurizketako iraganbidean (Lezo-Oiartzun).

     Garapen-esparru berri hauek Pasaiako Porturako hedapen-eremu logistikoen eginkizuna bete ahal izango dute, kanpoko portuaren bideragarritasuna alde batera utzita. Gaintxurizketako iraganbidean trenbide/errepide modalitate arteko plataforma baten bideragarritasuna ustiatu beharko da.

   • Donostialdeko Hego-mendebaldeko eskualdean gero eta mugatuagoak diren espazio-baliabideen aprobetxamendua optimizatuko da, errepide-sare orokorraren konfigurazio berriarekin koordinatuta (2. ingurabidea eta Urumeako autobia).

     Industria-poligonoak, garraioaren zerbitzurako plataforma estrategikoak eta salgaiak banatzeko poligonoak komunikabideen sare orokorrari zuzenean lotuta sortzea proposatzen da.

   • Donostiako udalerriaren erdialdean, barneko industria-enklabe urriak pixkanaka hirugarren sektoreko jardueretarako eremu gisa birmoldatzea bultzatu beharko da, sistematikoki bizitegi-lurzoru gisa birkalifikatzea saihestuz.

     Aldi berean, Miramon eta Zuatsuko enpresa-parkeen garapenak aurrera jarraituko du.

2. Lurzoruaren kudeaketaren lurralde-egituraketa

   Donostia-Beterriko Eremu Funtzionalean, jarduera ekonomikoetarako lurzorua kudeatzeko ondoko lurralde-banaketa ezartzen da:

   • Bidasoa Beherea

     Hondarribia eta Irun.

   • Oarsoaldea.

     Errenteria, Lezo, Oiartzun, Pasaia eta Donostiako udal-mugapearen ekialdea.

   • Donostia

     Donostiako udalerria, bere problematikaren berariazkotasuna dela-eta, kudeaketa-eremu independente gisa bereizten da. Hala eta guztiz ere, esparru jakin batzuk beste kudeaketa-azpieremu batzuei esleitzen zaizkie (udalerriaren ekialdea eta Zubietako kokalekua).

   • Donostialdeko hego-mendebaldea

     Andoain (Adunako ibarrari atxiki dakiokeen Balastrain-Matxinea poligonoa izan ezik), Astigarraga, Hernani, Lasarte-Oria, Urnieta, Usurbil eta Donostian dagoen udalerriko Zubietako kokalekua.

3. Lehentasunezko kokapenerako jarraibideak

   1. epigrafearen irizpideei jarraituz, Donostia-Beterriko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Andoain, Astigarraga, Donostia, Errenteria, Hernani, Irun, Lasarte-Oria, Lezo, Oiartzun, Pasaia, Urnieta, Usurbil

   • Hazkunde moteleko udalerriak

     Hondarribia

4. Sustapen-eremuak

   Industria-birmoldaketa jasaten duten eremuen ekonomia suspertzeko eta hirigintza leheneratzeko sustapen-eremuak:

   • Oarsoaldeko azpieskualdea

5. Lurzoru publikoa sortzeko eragiketak

   Donostia-Beterriko Eremu Funtzionalean, Planaren esparruan, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Bidasoa Beherea

     – Zubietako enpresei zerbitzu egiteko eta jarduera aurreratuetarako parkea.

     Zubietako finka eta bere ingurunea enpresa-parke gisa garatzea. Hondarribia-Irun. 25/40 ha.

     – Irungo modalitate arteko plataforma logistikoak.

     Trenbide-errepide trukerako modalitate arteko instalazio publikoak sortzea.

     Alternatibak kokatzeko eta bideragarritasuna finkatzeko azterlana. Trenbide-instalazio zaharkituak erabat berrantolatzea.

     – Irungo salgaien garraio eta banaketako jardueretarako poligonoak.

     Zaisako garraio-zentroa zabaltze berriekin garatzea. 25/40 ha.

     – Irungo eskualde-mailako poligono berria.

     Arretxe-Ugalde eta Arasoko alternatibak garatzea. 25/40 ha.

   • Oarsoaldea

     – Herrerako Kaiko enpresei zerbitzu egiteko eta jarduera aurreratuetarako parkea.

     Herrerako Kaiko industria-poligonoa hirugarren sektoreko eremu gisa birmoldatzea. 5/10 ha.

     – Pasaiako Portua-Gaintxurizketa iraganbideko plataforma logistikoak eta modalitate artekoak.

     Alternatibak kokatzeko eta ebaluatzeko azterlana (Lezoko triangelua, Kanpoko Portua). 25/50 ha.

     – Pasaiako Portua-Gaintxurizketa iraganbideko Salgaien garraio eta banaketako jardueretarako poligonoak.

     Alternatibak kokatzeko eta ebaluatzeko azterlana (Lanbarren, Lezoko triangelua, Lintzirin, Lezo Mendebaldea eta abar). 50/70 ha.

     – Oarsoaldeko eskualde-mailako poligono berriak.

     Alternatibak kokatzeko eta bideragarritasuna finkatzeko azterlana Pasaia eta Errenteriako hegoaldean. (Landarro, Egiburu eta abar) 25 ha.

   • Donostia

     – Miramongo Teknologi Elkartegia.

     Teknologi Elkartegia sendotzea eta garatzea.

     – Zuatsuko enpresei zerbitzu egiteko eta jarduera aurreratuetarako parkea.

     Teknologi Elkartegia sendotzea eta garatzea.

   • Donostialdeko Hego-Mendebaldea

     – Zubieta-Oriako garraiorako zerbitzu-zentroa.

     N-1 errepidean aurreikusten den garraio-zentroaren garapena. 15/20 ha.

     – Urumeako iraganbideko eskualde-mailako poligono berria.

     Astigarraga-Hernani-Urnieta-Andoain ardatzean poligono berri bat garatzeko alternatibak kokatzeko eta bideragarritasuna finkatzeko azterlanak. 25 ha.

     – Oria Behereko eskualde-mailako poligono berria.

     Usurbil-Lasarte-Oria-Zubieta esparruan poligono berri bat garatzeko alternatibak kokatzeko eta bideragarritasuna finkatzeko azterlanak. 25 ha.

6. Lurzorua kuantifikatzeko jarraibideak

   A. Jarduera ekonomikoetarako uneko instalazioek okupatutako lurzoruen azalera.

   – Bidasoa Beherea: 204 ha

   – Oarsoaldea: 267 ha

   – Donostia: 177 ha

   – Donostialdeko hego-mendebaldea: 360 ha

   – Guztizko partziala A: 1.008 ha

   B. Kalifikatutako eta eskaintza bideragarritzat hartutako lurzoru libreen azalera. Parentesi artean, eskaintza bideragarria ebaluatzeko inbentarioan jasotako lurzoru libre kalifikatuaren gainean azpieskualde bakoitzari aplikatutako minorazio-koefizientea adierazten da.

   – Bidasoa Beherea (0,75): 90 ha

   – Oarsoaldea (0,75): 80 ha

   – Donostia (0,75): 70 ha

   – Donostialdeko hego-mendebaldea:

   (0,75) 75 ha

   – Guztizko partziala B: 315 ha

   C. Planean aurreikusitako sustapen publikoko eragiketa berrien harrera xurgatzeko beharrezkoak diren lurzoruei dagokien azalera; lurzoru hauek indarrean dagoen hiri-plangintzan aintzat hartzen ez direnez gero, birkalifikatu egin behar dira.

   – Bidasoa Beherea: 25/50 ha

   – Oarsoaldea: 50/75 ha

   – Donostia: 10/15 ha

   – Donostialdeko

   hego-mendebaldea: 25/50 ha

   – Guztizko partziala C: 100/175 ha

   D. Planaren horizontean aurreikus daitekeen eskariari erantzuteko beharrezko lurzoru berrien azalera.

   – Bidasoa Beherea: 40/80 ha

   – Oarsoaldea: 40/80 ha

   – Donostia: 40/80 ha

   – Donostialdeko

   hego-mendebaldea: 40/80 ha

   – Guztizko partziala D: 150/300 ha

   – Kuantifikazio orokorra (A+B+C+D)

   – Bidasoa Beherea: 370/420 ha

   – Oarsoaldea: 440/490 ha

   – Donostia: 265/285 ha

   – Donostialdeko

   hego-mendebaldea: 520/550 ha

   – Donostia-Beterriko Eremu

   Funtzionala guztira: 1.600/1.730 ha

7. Saltoki handien arautzea

   2. epigrafearen argudioaren arabera, Donostia-Beterriko Eremu Funtzionaleko udalerriak honela sailkatzen dira:

      • Zentraltasun handieneko udalerriak (A kategoria)

        Andoain, Astigarraga, Donostia, Errenteria, Hernani, Hondarribia, Irun, Lasarte-Oria, Lezo, Oiartzun, Pasaia, Urnieta eta Usurbil.

1. Antolamendu-irizpideak

   Azken hamarkadan Goierriko Eremu Funtzionaleko biztanleria osoa %4,4 murriztu da, Euskal Autonomia Erkidegoko batez bestekoa baino 3 portzentaje-puntu gehiago. Denbora-tarte honetan biztanleria aktiboa %2 hazi den arren, igoera hau Euskal Autonomia Erkidegoko batez bestekoa baino 6 puntu txikiagoa da.

   Gaur egun, Goierriko Eremu Funtzionalak egoera argi eta garbi bereizia du bi azpieskualdeen artean. Oria Garaiak 800 industria-enpleguko superabita du bigarren sektorean lanean ari den biztanleriarekiko eta Urola Garaiak, aldiz, 1.600 enpleguko defizita du atal horretan bertan. Saldo orokorra negatiboa da Eremu Funtzional osorako, 800 industria-enplegukoa hain zuzen. Industria-lurzoru okupatuaren dentsifikazioaren indize orokorra hektareako 37 enplegukoa da.

   Lurzoru libre kalifikatuaren erreserbei dagokienez, oro har oso txikiak direla adierazi beharra dago. Urola Garaiko azpieskualdean ia erreserbarik ez dagoela esan genezake, aurreikusitako erreserba bakarrek, Elbarrena-Legazpi eta Oiaun-Zumarraga poligonoek, ez baitute hirigintza- eta ekonomia-bideragarritasun handirik. Oria Garaiko hiri-plangintzan aurreikusitako garapen berriak, halaber, aukera aski problematikoak dira, salbuespenak salbuespen.

   Goierriko Eremu Funtzionalean, jarduera ekonomikoetarako lurzorua antolatzeko jarraibideak hauek dira:

   • Jarduera ekonomikoak hartzeko lurzoru egokia urria denez gero, gaur egun dauden industria-lurzoru guztien kalifikazioa bere horretan utziko da eta, horrenbestez, bizitegitarako birkalifikazio sistematikorik ez da egingo. Honela, eskualdeko jarduera ekonomikoen oinarrizko euskarria suntsi dadin saihestea lortu nahi da.

   • Finkatu beharreko jarduera ekonomikoak pixkanaka hautatuko dira, balio erantsi handienekoak mantenduz, hots, teknologia berriei dagozkienak eta enpresentzako hirugarren sektoreko zerbitzuetakoak, eta espazio handia behar duten jarduerak pixkanaka kanporantz bideratuz.

   • Urola Garaiko azpieskualderako, bere industria-jarduerak sortutako lurzoru-eskari endogenoa asetzeko espazio-ahalmenik ere ez duenez gero, Beasain-Zumarraga iraganbidearen inguruetan eskualde-mailako poligono berriak sustatuko dira.

   • Era berean, Oriako haranean, erabilgarri dauden erreserben garapenaren osagarri gisa, haranaren hondoaz kanpoko puntuetan N-1 errepideari zuzenean lotutako udalaz gaindiko poligonoak sustatzeko aukerak aztertu beharko dira. Baliabide alternatibo gisa, haranaren goi-tartean, Segurako hirigunearen inguruan erabilgarri dauden espazio-erreserben garapenen bat egitea kontuan har liteke.

   • Garraiorako zerbitzu-plataforma logistikoren bat ere sortuko da.

2. Lurzoruaren kudeaketaren lurralde-egituraketa

   Goierriko Eremu Funtzionalean, jarduera ekonomikoetarako lurzorua kudeatzeko ondoko lurralde-banaketa ezartzen da:

   • Oria Garaia

     Altzaga, Arama, Ataun, Beasain, Gabiria (Alegiako Santa Lutziko ibarra izan ezik), Gaintza, Idiazabal, Itsasondo, Lazkao, Legorreta, Mutiloa, Olaberria, Ordizia, Ormaiztegi, Segura, Zaldibia, Zegama eta Zerain.

   • Urola Garaia

     Ezkio-Itsaso, Legazpi, Urretxu, Zumarraga eta Gabiriako udalerriari dagokion Alegiako Santa Lutziko ibarra.

3. Lehentasunezko kokapenerako jarraibideak

   1. epigrafearen irizpideei jarraituz, Donostia-Beterriko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Arama, Beasain, Ezkio-Itsaso, Idiazabal, Itsasondo, Lazkao, Legazpi, Legorreta, Olaberria, Ordizia, Ormaiztegi, Urretxu, Zaldibia, Zumarraga

   • Hazkunde moteleko udalerriak

     Gabiria, Segura, Zegama

   • Garapen txikiko udalerriak

     Altzaga, Ataun, Gaintza, Mutiloa, Zerain

4. Lurzoru publikoa sortzeko eragiketak

   Goierriko Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Beasain-Zumarraga iraganbideko eskualde-mailako poligono berria

     Poligono bat garatzeko alternatibak kokatzeko eta bideragarritasuna finkatzeko azterlanak. 25/50 ha.

   • Goierriko garraiorako zerbitzu-zentroa

     N-1 eta GI-632 errepide-sare nagusiari lotutako eremu logistikorako alternatibak kokatzeko eta bideragarritasuna finkatzeko azterlanak. 5/15 ha.

   • Oria Garaia

     – Oriaren haraneko eskualde-mailako industrialde berria

     Alternatibak kokatzeko eta bideragarritasuna finkatzeko azterlanak. 10/25 ha.

   • Urola Garaia

     – Urola Garaiko eskualde-mailako Industrialdea berria

     Alternatibak kokatzeko eta bideragarritasuna finkatzeko azterlanak. 5/10 ha.

5. Lurzorua kuantifikatzeko jarraibideak

   A. Jarduera ekonomikoetarako uneko instalazioek okupatutako lurzoruen azalera.

   – Oria Garaia: 269 ha

   – Urola Garaia: 115 ha

   – Guztizko partziala A: 384 ha

   B. Kalifikatutako eta eskaintza bideragarritzat hartutako lurzoru libreen azalera. Parentesi artean, eskaintza bideragarria ebaluatzeko inbentarioan jasotako lurzoru libre kalifikatuaren gainean azpieskualde bakoitzari aplikatutako minorazio-koefizientea adierazten da.

   – Oria Garaia: 50 ha

   – Urola Garaia: 25 ha

   – Guztizko partziala B: 75 ha

   C. Planean aurreikusitako sustapen publikoko eragiketa berrien harrera xurgatzeko beharrezkoak diren lurzoruei dagokien azalera; lurzoru hauek indarrean dagoen hiri-plangintzan aintzat hartzen ez direnez gero, birkalifikatu egin behar dira.

   – Oria Garaia: 25/40 ha

   – Urola Garaia: 10/15 ha

   – Guztizko partziala C: 35/50 ha

   E. Planaren horizontean aurreikus daitekeen eskariari erantzuteko beharrezko lurzoru berrien azalera.

   – Oria Garaia: 30/60 ha

   – Urola Garaia: 10/20 ha

   – Guztizko partziala D: 40/80 ha

   – Kuantifikazio orokorra (A+B+C+D)

   – Oria Garaia: 375/415 ha

   – Urola Garaia: 160/175 ha

   – Goierriko Eremu Funtzionala

   guztira: 540/590 ha

6. Saltoki handien arautzea

   2. epigrafearen argudioaren arabera, Goierriko Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Arama, Beasain, Ezkio-Itsaso, Gabiria, Lazkao, Legazpi, Olaberria, Ordizia, Ormaiztegi, Urretxu eta Zumarraga.

      • Gainerako udalerriak (C kategoria)

        Altzaga, Ataun, Gaintza, Idiazabal, Itsasondo, Legorreta, Mutiloa, Segura, Zaldibia, Zegama eta Zerain.

1. Antolamendu-irizpideak

   Azken hamarkadan Toloserriko Eremu Funtzio-naleko biztanleria osoa %2,4 murriztu da, Euskal Autonomia Erkidegoko batez bestekoa baino portzentaje-puntu bat gehiago, eta biztanleria aktiboa %14 hazi da, Euskal Autonomia Erkidegoko batez bestekoa bezalaxe.

   Gaur egun, Toloserriko Eremu Funtzionalak 150 industria-enpleguko defizita du bigarren sektorean lanean ari den biztanleriarekiko. Industria-lurzoru okupatuaren dentsifikazioaren indize orokorra hektareako 45 enplegukoa da.

   Datu orokor hauek, alabaina, bi egoera oso desberdin ezkutatzen dituzte eskualdearen barruan. Iparraldeak (Adunako ibarra, Zizurkil, Asteasu, Billabona, Irura) nolabaiteko industria-garapena izan du, Donostialdetik hurbil egoteak eraginda, baina hegoaldean (Tolosa, Ibarra) industria-gainbehera handiko panorama antzeman daiteke, papergintza-sektorearen krisialdiaren ondorioz.

   Apattako poligonoa salbuetsita, Toloserriko Eremu Funtzionalean jarduera ekonomikoetarako lurzoru kalifikatu eta librearen erreserbarik ia ez dagoela esan daiteke, lurraldean zehar sakabanatuta dauden eta hirigintza-kudeaketako arazo handiak dituzten hondar-eremu txikiei baitagozkie.

   Eremu Funtzional osorako sustapen aktiboko politika gauzatuko da Tolosako erakargunearen inguruan, ekimen publikoko eskualde-poligonoa sortuz Apattan, Ibarra, Leaburu eta Tolosako udalerrien elkargunean.

   Neurri osagarri gisa, Adunako ibarreko zona estrategikoa garatuko da. Gune honetan industrialde bat ezar daiteke Andoain-Billabonako eragin-eremuan eta garraioaren zerbitzurako poligono bat antolatu N-1 errepideari eta Nafarroako autobiari zuzenean lotuta.

   Epe ertainean, etorkizunean eskualdean jarduera ekonomikorako lurzoru berriak garatzeko alternatibak aztertuko dira.

2. Lurzoruaren kudeaketaren lurralde-egituraketa

   Abaltzisketa, Aduna, Albiztur, Alegia, Alkiza, Altzo, Amezketa, Anoeta, Asteasu, Baliarrain, Belauntza, Berastegi, Berrobi, Bidegoian, Elduain, Gaztelu, Hernialde, Ibarra, Ikaztegieta, Irura, Larraul, Leaburu-Txarama, Lizartza, Orendain, Orexa, Tolosa, Billabona, Zizurkilgo udalerriek eta Andoaingo udal-mugapeko Balastrain-Matxinea poligonoak osatzen duten Toloserriko Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Toloserriko Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Aduna, Alegia, Anoeta, Asteasu, Ibarra, Ikaztegieta, Irura, Leaburu, Tolosa, Billabona, Zizurkil

   • Hazkunde moteleko udalerriak

     Altzo, Amezketa, Belauntza, Lizartza

   • Garapen txikiko udalerriak

     Abaltzisketa, Albiztur, Alkiza, Baliarrain, Berastegi, Berrobi, Bidegoian, Elduain, Gaztelu, Hernialde, Larraul, Orendain, Orexa

4. Sustapen-eremuak

   Toloserriko Eremu Funtzionalean landaguneetako industria-jarduerarako proposatutako sustapen-eremuak:

   • Tolosa-Ibarra ingurua

5. Lurzoru publikoa sortzeko eragiketak

   Toloserriko Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Apattako eskualde-mailako poligonoa.

     Ibarra, Leaburu eta Tolosan aurreikusitako poligonoa garatzea.

   • Adunako ibarreko eskualdeko poligono berria.

     Adunako ibarreko lurzoru libreak garatzea, 15/25 ha.

   • Tolosaldeko eskualde-mailako Industrialde berria.

     Alternatibak kokatzeko eta bideragarritasuna finkatzeko azterlanak. 15/25 ha.

6. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 189 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre kalifikatuaren

   guztizko eskaintzaren gainean 0,50eko

   minorazio-faktorea aplikatzen da 55 ha

   C. Planean aurreikusitako sustapen

   publikoko eragiketa berrien harrera

   xurgatzeko beharrezkoak diren lurzoruei

   dagokien azalera; lurzoru hauek indarrean

   dagoen hiri-plangintzan aintzat hartzen

   ez direnez gero, birkalifikatu egin

   behar dira 30/45 ha

   D. Planaren horizontean aurreikus daitekeen

   eskariari erantzuteko beharrezko lurzoru

   berrien azalera 35/70 ha

   • Toloserriko Eremu Funtzionalaren

     kuantifikazio orokorra

     (A+B+C+D) 310/350 ha

7. Saltoki handien arautzea

   2. epigrafearen argudioaren arabera, Toloserriko Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Aduna, Anoeta, Ibarra, Irura, Tolosa eta Billabona.

      • Gainerako udalerriak (C kategoria)

        Abaltzisketa, Albiztur, Alegia, Alkiza, Altzo, Amezketa, Asteasu, Baliarrain, Belauntza, Berastegi, Berrobi, Bidegoian, Elduain, Gaztelu, Hernialde, Ikaztegieta, Larraul, Leaburu-Txarama, Lizartza, Orendain, Orexa eta Zizurkil.

1. Antolamendu-irizpideak

   Azken hamarkadan Urola-Kostako Eremu Funtzio-naleko biztanleria osoa %5,2 hazi da, 6,5 portzentaje-puntu Euskal Autonomia Erkidegoko batez bestekoaren gainetik, eta biztanleria aktiboa %36 hazi da, 28 portzentaje-puntu Euskal Autonomia Erkidegoko batez bestekoaren gainetik. Industria-lurzoru okupatuaren dentsifikazioaren indize orokorra hektareako 40 enplegukoa da. Hiri-plangintzan jarduera ekonomikoetarako kalifikazioa duten lurzoru libreak badirela egiaztatzen den arren, hirigintza-kudeaketako arazoak, urbanizatzeko baldintza txarrak eta lurzoruaren prezio garestia direla medio, lurzoru erabilgarriaren eskaintza urria da benetan.

   Gaur egun, Urola-Kostako Eremu Funtzionalak 500 industria-enpleguko superabita du bigarren sektorean lanean ari den biztanleriarekiko. Defizit hau oso-osorik kokatzen da eremu funtzionalaren ekialdeko muturrean (Zarautz, Orio), Urola ibaiaren arroak eta, batez ere Urola erdialdekoak (Azpeitia, Azkoitia), industria-enpleguen superabit adierazgarriak dituzte-eta.

   Urola-Kostako Eremu Funtzionala oso zatikatuta dagoen eta kohesio txikia duen esparru geografiko bati dagokio; berezko maila eta espezifikotasuna duten hainbat hirigune daude Orio, Zarautz, Getaria, Zumaia, Zestoa, Azpeitia, Azkoitia, eremu funtzionala udalaz gaindiko logika batean txertatzea eragozten dutenak.

   Testuinguru honetan, Zarautz eta Azkoitiko udalerrietan garatu diren toki-mailako ekimen publikoak eta orain Azpeitian gauzatzen ari den ekimen txikiagoa eta udal-ekimenez garatu diren poligonoez gain, administrazio publikoa, Sprilur aitzindari dela, Sansinenea poligonoaren sustapena garatzen ari da Arroa-Zestoan, eskualde-mailako lurzoru-zuzkidura estrategiko gisa.

   Eremu Funtzionalean jarduera ekonomikoetarako lurzorua antolatzeko jarraibide orokor gisa, Sansinenea poligonoa sortuko da eremu funtzional osorako eskala orokorreko lurzoru-zuzkidura gisa; horren osagarri gisa, biztanlegune nagusietan eskala txikiagoko poligonoak sustatuko dira: Zarautzen, Orio-Aia-Zarautz-Getaria eremurako, eta Azpeitian, Azpeitia-Azkoitia-Errezil-Beizama eremurako.

   Horrez gain, Sansinenea poligonoari enpresa handi bat ezartzeko aukera moduko erreserbako lursail handi gisa esleitutako hirigintza-bokazioa berriro aztertuko da. Lurraldearen Arloko Planaren ikuspegi integratutik, estrategia hau ez da egokientzat jotzen ez Urola-Kostako Eremu Funtzionalerako, ez Gipuzkoako lurralde historikorako, egun dauden espazio-erabilgarritasunak kontuan izanik balio ikaragarria duten lurzoru-baliabideak geldiaraztera behartzen baitu; gainera, lurzoru-baliabide hauek epe laburrera zona honetan industria-ehun dibertsifikatuagoa eta balio erantsi handiagokoa hartzera zuzen litezke. Komenigarriagoa dirudi epe ertain-luzerako erreserba estrategiko moduko zuzkidura espazio-erabilgarritasun handiagoa duen eta inbertsio hipotetiko honek sor dezakeen efektu «eragilea» balia dezakeen Euskal Autonomia Erkidegoko beste esparru batera desbideratzea.

   Planteamendu alternatibo gisa, erreserba garrantzitsu honen zati bat Zumaia-Aizarnazabal-Zestoa eremuaren zerbitzurako Industrialde bat sortzeko erabiliko da, gainerako lursailak eskualde-mailako industria-poligono gisa erreserbatuz.

   Zuzkidura osagarri gisa, Eremu Funtzionalean, erabaki beharreko kokaleku batean, garraiorako zerbitzu-plataforma bat sortuko da, bide-sare orokorretik irisgarritasun egokia izango duena.

   Epe ertain-laburrera, Iraetako meandroaren esparruak duen ahalmena aztertuko da, jarduera ekonomikoak ezartzeko etorkizuneko harreragune gisa.

2. Lurzoruaren kudeaketaren lurralde-egituraketa

   Aia, Aizarnazabal, Azkoitia, Azpeitia, Beizama, Errezil, Getaria, Orio, Zarautz, Zestoa eta Zumaiako udalerriek osatzen duten Urola-Kostako Eremu Funtzionala jarduera ekonomikoetarako lurzoruaren kudeaketa integraturako eskualde-unitate gisa konfiguratzen da.

3. Lehentasunezko kokapenerako jarraibideak

   1. epigrafearen irizpideei jarraituz, Urola-Kostako Eremu Funtzionaleko udalerriak ondoko kategorietan sailkatzen dira:

   • Lehentasunezko intereseko udalerriak

     Azkoitia, Azpeitia, Zarautz, Zestoa, Zumaia

   • Hazkunde moteleko udalerriak

     Aia, Aizarnazabal, Getaria, Orio

   • Garapen txikiko udalerriak

     Beizama, Errezil

4. Lurzoru publikoa sortzeko eragiketak

   Urola-Kostako Eremu Funtzionalean, jarduera ekonomikoetarako lurzoru publikoa sortzeko ondoko eragiketak gauzatuko dira:

   • Arroa Behekoko eskualde-mailako poligonoa.

     Sansinenea-Errekan aurreikusten den poligonoa garatzea. Zestoa.

   • Zarautz inguruko eskualde-mailako Industrialde berria.

     Alternatibak kokatzeko eta bideragarritasuna finkatzeko azterlanak. Aia, Getaria, Orio eta Zarautz. 15/25 ha.

   • Urola ertaineko eskualde-mailako Industrialde berria.

     Alternatibak kokatzeko eta bideragarritasuna finkatzeko azterlanak. Azkoitia eta Azpeitia. 15/25 ha.

   • Urolako garraiorako zerbitzu-zentroa.

     Errepide-sare nagusiari lotutako eremu logistikorako alternatibak kokatzeko eta bideragarritasuna finkatzeko azterlanak. 5/15 ha.

5. Lurzorua kuantifikatzeko jarraibideak

   A. Jarduera ekonomikoetarako uneko

   instalazioek okupatutako lurzoruen

   azalera 324 ha

   B. Kalifikatutako eta eskaintza

   bideragarritzat hartutako lurzoru

   libreen azalera. Lurzoru libre

   kalifikatuaren gainean 0,75eko

   minorazio-faktorea aplikatzen da 120 ha

   C. Planean aurreikusitako sustapen publikoko

   eragiketa berrien harrera xurgatzeko

   beharrezkoak diren lurzoruei dagokien

   azalera; lurzoru hauek indarrean dagoen

   hiri-plangintzan aintzat hartzen ez direnez

   gero, birkalifikatu egin behar dira...30/45 ha

   D. Planaren horizontean aurreikus daitekeen

   eskariari erantzuteko beharrezko lurzoru

   berrien azalera 35/70 ha

   • Urola-Kostako Eremu Funtzionalaren

     kuantifikazio orokorra

     (A+B+C+D) 500/540 ha

6. Saltoki handien arautzea

   2. epigrafearen argudioaren arabera, Urola-Kostako Eremu Funtzionaleko udalerriak honela sailkatzen dira:

      • Eskualde-zentraltasuneko udalerriak (B kategoria)

        Aizarnazabal, Azkoitia, Azpeitia, Zarautz, Zestoa eta Zumaia.

      • Gainerako udalerriak (C kategoria)

        Aia, Beizama, Errezil, Getaria eta Orio.