- AGINDUA, 2009ko urtarrilaren 9koa, Hezkuntza, Unibertsitate eta Ikerketa sailburuarena, Berariazko Lanbide Heziketako Teknikari eta Goi Mailako Teknikari tituluak ateratzeko, Gaitasuna Ebaluatu eta Egiaztatzeko Egituraren bitartez egingo diren probetarako - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2009ko urtarrilaren 9koa, Hezkuntza, Unibertsitate eta Ikerketa sailburuarena, Berariazko Lanbide Heziketako Teknikari eta Goi Mailako Teknikari tituluak ateratzeko, Gaitasuna Ebaluatu eta Egiaztatzeko Egituraren bitartez egingo diren probetarako lanbide-arloak eta heziketa-zikloak zehazten dituena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Hezkuntza, Unibertsitate eta Ikerketa Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 24
- Hurrenkera-zk.: 579
- Xedapen-zk.: ---
- Xedapen-data: 2009/01/09
- Argitaratze-data: 2009/02/04
Gaikako eremua
- Gaia: Administrazioaren antolamendua; Hezkuntza
- Azpigaia: Gobernua eta herri administrazioa
Testu legala
70/2004 Dekretuak, apirilaren 27koak, Berariazko Lanbide Heziketako Teknikari eta Goi Mailako Teknikari tituluak ateratzeko probak arautzen ditu, eta bere 7. artikuluan, lanbide-gaitasuna ebaluatzeko prozedura malgu eta pertsonalizatu bat ezartzen du, Gaitasuna Ebaluatu eta Egiaztatzeko Egituraren bidezko probak izenekoa, pertsona helduei erraztearren euren lan-esperientzia eta ikaskuntza ez-formalak kapitalizatzeko aukera, Teknikari eta Goi Mailako Teknikari tituluak osatzen dituzten moduluak gainditze aldera, eta baita horiei lotutako lanbide-gaitasuna aitortzeko ere.
Abenduaren 20ko 419/2005 Dekretuak, apirilaren 27ko 70/2004 Dekretua -Berariazko Lanbide Heziketako Teknikari eta Goi Mailako Teknikari tituluak ateratzeko probak arautzen dituena- aldatu, eta bere xedapen gehigarrian xedatzen du Hezkuntza, Unibertsitate eta Ikerketa sailburuari eskumena ematen zaiola agindu bidez egokitu dezan I. eranskina, Gaitasuna Ebaluatu eta Egiaztatzeko Egituraren bitartez egingo diren probetarako lanbide-arloak eta heziketa-zikloak zehazten dituena, alegia.
Horiek horrela, honako hau
Bakarra. Agindu honen I. eranskinean ageri dira Gaitasuna Ebaluatu eta Egiaztatzeko Egituraren proben modalitatearen bitartez egiaztatuko diren lanbide-alorrak eta heziketa-zikloak. Apirilaren 27ko 70/2004 Dekretuaren 7. artikuluak ezarri du modalitate hori.
Agindu honek EHAAn argitaratu eta biharamunean hartuko du indarra.
Vitoria-Gasteiz, 2009ko urtarrilaren 9a.
Hezkuntza, Unibertsitate eta Ikerketa sailburua,
JOSÉ ANTONIO CAMPOS GRANADOS.
Lanbide-arloa Heziketa-zikloa
Fabrikazio mekanikoa Mekanizazioa
Mekanizazio bidezko Produkzioa
Soldadura eta Galdaragintza
Ibilgailu Autopropultsatuen Mantentzea Karrozeria
Ibilgailuen Elektromekanika
Ostalaritza eta Turismoa Sukaldaritza
Jatetxe Arloa
Elektrizitatea eta Elektronika Tresneria eta Instalazio Elektroteknikoak
Telekomunikazio- eta Informatika-sistemak
Erregulazio- eta kontrol-sistema automatikoak
Produkzioko Mantentze eta Zerbitzuak Makineria eta Linea-eroanbideen Instalazio eta Mantentze Elektromekanikoa
Hotz-, girotze- eta bero-instalazioak jarri eta mantentzea
Eraikuntza eta Obra Zibilak Obrak eta Planak Gauzatzea
Administrazioa Administrazioa eta Finantzak
Komunikazioa, Irudia eta Soinua Irudia
Ikus-entzunezkoen, irratiaren eta ikuskizunen produkzioa
Ikus-entzunezkoen eta ikuskizunen errealizazioa
Soinua
Informatika Informatika-sistemen administrazioa
Merkataritza eta Marketina Merkataritza-kudeaketa eta Marketina