AGINDUA, 2015eko azaroaren 12koa, Ogasun eta Finantzetako sailburuarena, 2015eko apirilaren 13ko Zor Publikoko jaulkipenaren zenbatekoari ehun milioi euro gehitzeko dena.

AGINDUA, 2015eko azaroaren 12koa, Ogasun eta Finantzetako sailburuarena, 2015eko apirilaren 13ko Zor Publikoko jaulkipenaren zenbatekoari ehun milioi euro gehitzeko dena. - Legegunea: Euskal Herriko araudia - Eusko Jaurlaritza - Euskadi.eus

Arautegia

Inprimatu

Identifikazioa

Lurralde-eremua: Autonomiko
Arau-maila: Agindua
Organo arau-emailea: Ogasun eta Finantza Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 223
Hurrenkera-zk.: 5005
Xedapen-zk.: ---
Xedapen-data: 2015/11/12
Argitaratze-data: 2015/11/23

Gaikako eremua

Gaia: Ogasun eta Ekonom�a
Azpigaia: Ogasun; Ekonomia

Deskribapenak

Testu legala

Aurkibidea erakutsiAurkibidea ezkutatu

- EBATZI DUT :

Urtarrilaren 20ko 3/2015 Dekretuaren bidez, erabakitzen eta baimentzen da 2015eko ekitaldian zorpetze-eragiketak egitea, gehienez 1.290.673.997 eurokoak, betiere Euskal Autonomia Erkidegoko 2015. urteko Aurrekontu Orokorrak onartzen dituen abenduaren 23ko 5/2014 Legeak 10. artikuluko 1. paragrafoan Gobernu Kontseiluari emandako baimenaren arabera.

Dekretu horren xedapen gehigarriak xedatzen du ezen, Euskal Autonomia Erkidegoko Finantzei buruzko azaroaren 8ko 8/1996 Legean agindutakorekin bat etorriz, Ogasun eta Finantzetako sailburuari dagokiola, agindu baten bidez, xedapen horretan erabaki eta baimendutako zorpetze-eragiketak egiteko tresnak eta modalitateak zehaztea, bai eta dekretu horretan jaulkipenari buruz aipatu ez diren finantza-baldintzak eta ezaugarriak zehaztea ere, dekretuaren aurreikuspenen barruan betiere. Agindu hori Euskal Herriko Agintaritzaren Aldizkarian argitaratuko da, baldin eta zor publikoa balio gisa jaulkitzen bada.

2015eko apirilaren 13ko Zor Publikoko jaulkipenaren 2015-10-22ko Aginduaz jada emendatutakoaren zenbatekoa handitzea erabaki da, merkatuaren baldintzak aprobetxatzeko eta, geroari begira, kudeaketa-kostuak errazago ordaintzeko, lehendik zeuden zor-erreferentzietan zenbatekoak bilduz.

Hori guztia kontuan izanik, honako hau

EBATZI DUT :

1. artikulua 2015eko apirilaren 13ko Zor Publikoaren jaulkipenaren zenbatekoari ehun milioi (100.000.000) euro gehitzea. Jaulkipen hori Ekonomia eta Ogasuneko sailburuaren 2015eko martxoaren 25eko Aginduaren bidez baimendu zen. Agindu horren bitartez, Euskadiko Zor Publikoaren 225.000.000 euroko jaulkipena egin zen eta haren zenbait ezaugarri finkatu ziren; jaulkipen hori gehitu egin zen. Ogasun eta Finantzetako sailburuaren 2015eko urriaren 22ko Aginduaz, ehun miliotan gehitu zen 2015eko apirilaren 13ko zor publikoaren jaulkipena.

2. artikulua Gehiketak honako ezaugarri hauek izango ditu:

Zenbateko nominala: 100.000.000 euro.
Jaulkipen-prozedura: Kokapen pribatua.
Ordainketa-data: 2015eko azaroaren 24a.
Ordainketa-prezioa: Balio nominalaren % 99,03744262.
Interesak, data eta amortizazioaren prezioa: ezarrita daude Ekonomia eta Ogasuneko sailburuaren 2015eko martxoaren 25eko Aginduan (agindu horren bidez, berrehun eta hogeita bost milioi euroko Euskadiko Zor Publiko bat jaulkitzen zen, eta eragiketa horren zenbait ezaugarri zehazten ziren.
Gehitze horri dagozkion bonoek martxoaren 25eko aipatu Aginduari jarraikiz jaulkitako bonoen eskubide berberak izango dituzte.
Balioen adierazpidea: kontuan eginiko oharrak.

3. artikulua Harpidetza.

Ogasun eta Finantza Sailak bideratuko du jaulkipeneko balioen harpidetza, jaulkipena egiteko mandatua duen erakundearen edo erakundeen bitartez; erakunde horiek gaituak izan beharko dute, hain justu ere balioen merkatuaren indarrean dagoen araudiarekin bat etorriz.

4. artikulua Gaikuntza.

Ogasuneko eta Finantza Politikako sailburuordeari eta Finantza Politikako eta Erakundeen Baliabideetako zuzendaria baimena ematen zaie: zorpetze-eragiketa hau egiteko behar diren kontratuak eta gainerako dokumentu erantsi eta osagarriak sina ditzan.

5. artikulua Harpidetza, jaulkipenaren interesak eta amortizazioa Bilboko Burtsako Elkarte Kudeatzailearen Konturako Idatzoharren Zerbitzuaren bidez ordainduko dira, Euskal Autonomia Erkidegoko Diruzaintza Nagusiari buruzko irailaren 30eko 211/1997 Dekretuaren 37. artikuluan agindutakoari jarraituz.

Vitoria-Gasteiz, 2015eko azaroaren 12a.

Ogasun eta Finantzetako sailburua,

RICARDO GATZAGAETXEBARRIA BASTIDA.

Gaiarekin lotutako edukiak

Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.