- 543/2014 EBAZPENA, maiatzaren 6koa, Osakidetza-Euskal osasun zerbitzuko zuzendari nagusiarena, Osakidetza-Euskal osasun zerbitzuan estatutupeko pertsonal gisa sartzen diren karrerako funtzionario sanitarioen behin betiko zerrenda onartu eta argitaratzeari buruzkoa. - Legegunea: Euskal Herriko araudia - Eusko Jaurlaritza - Euskadi.eus
Arautegia
Inprimatu543/2014 EBAZPENA, maiatzaren 6koa, Osakidetza-Euskal osasun zerbitzuko zuzendari nagusiarena, Osakidetza-Euskal osasun zerbitzuan estatutupeko pertsonal gisa sartzen diren karrerako funtzionario sanitarioen behin betiko zerrenda onartu eta argitaratzeari buruzkoa.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 94
- Hurrenkera-zk.: 2201
- Xedapen-zk.: 543
- Xedapen-data: 2014/05/06
- Argitaratze-data: 2014/05/21
Gaikako eremua
- Gaia: Gizarte gaiak eta emplegua; Administrazioaren antolamendua; Osasun eta kontsumoa
- Azpigaia: Lana eta enplegua; Funtzio publikoa
Testu legala
Osakidetza-Euskal osasun zerbitzuko zuzendari nagusiaren abenduaren 26ko 1622/2013 Ebazpenaren bitartez, Osakidetza-Euskal osasun zerbitzuko osasun erakunde publikoetako karrerako pertsonal funtzionario sanitarioa integratu zen.
Osakidetza-Euskal osasun zerbitzuko Giza Baliabideetako zuzendariaren martxoaren 21eko 109/2014 Ebazpenaren bitartez, berriz, Osakidetzako web orrian argitaratu zen estatutupeko pertsonal gisa integratzeko prozesuan parte hartuko zuten karrerako funtzionario sanitarioen behin-behineko zerrenda. Ebazpen horretan xedatutakoaren arabera, bada, interesdunek 10 egun balioduneko epea zuten egoki iritzitako alegazioak aurkezteko eta integrazio hori gauzatzeko behar zen dokumentazioa aurkezteko.
Epe horretan ez da alegaziorik aurkeztu. Hortaz, eta 1622/2013 Ebazpenean ezarritakoarekin bat, zerrenda behin betikoz onartuko da.
Horiek guztiak horrela, hau
Lehenengoa. Estatutupeko pertsonal gisa integratzeko prozesuan parte hartu duten karrerako funtzionario sanitarioen behin betiko zerrenda onartzea eta Osakidetza-Euskal osasun zerbitzuko web orrian eta Euskal Herriko Agintaritzaren Aldizkarian argitara dadin agintzea. Hain zuzen, Ebazpen honetako I. eranskinean ageri da zerrenda. Integrazioak 2014ko urtarrilaren 1etik aurrera izango ditu ondorioak.
Bigarrena. Ebazpen honek administrazio-bidea agortzen du. Interesdunek aukera dute Zuzendaritza Nagusiaren aurrean berraztertzeko errekurtsoa jartzeko haren aurka edo administrazioarekiko auzien jurisdikzioaren aurrean zuzenean aurkaratzeko.
Vitoria-Gasteiz, 2014eko maiatzaren 6a.
Osakidetza-Euskal osasun zerbitzuko zuzendari nagusia,
JON JOSEBA ETXEBERRIA CRUZ.
(Ikus .PDF)