- EBAZPENA, 2014ko azaroaren 4koa, Natura Ingurunearen eta Ingurumen Plangintzaren zuzendariarena, zeinaren bidez jendaurrean jartzen baita ondoko izendapena: Salburuako hezegunea Kontserbazio Bereziko Eremu (KBE) eta Hegaztientzako Babes Bereziko Eremu (HBBE) izendatzea; eta, halaber, Ramsar hezegunearen mugak aldatzeko proposamena. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuEBAZPENA, 2014ko azaroaren 4koa, Natura Ingurunearen eta Ingurumen Plangintzaren zuzendariarena, zeinaren bidez jendaurrean jartzen baita ondoko izendapena: Salburuako hezegunea Kontserbazio Bereziko Eremu (KBE) eta Hegaztientzako Babes Bereziko Eremu (HBBE) izendatzea; eta, halaber, Ramsar hezegunearen mugak aldatzeko proposamena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Ingurumen eta Lurralde Politika Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 216
- Hurrenkera-zk.: 4825
- Xedapen-zk.: ---
- Xedapen-data: 2014/11/04
- Argitaratze-data: 2014/11/12
Gaikako eremua
- Gaia: Ingurune naturala eta etxebizitza
- Azpigaia: Ingurumena; Hirigintza eta etxebizita; Nekazaritza eta arrantza
Testu legala
Ingurumen eta Lurralde Politikako sailburuaren 2014ko ekainaren 17ko Aginduaren bitartez, hau erabaki da: Salburuako hezegunea Kontserbazio Bereziko Eremu (KBE) eta Hegaztientzako Babes Bereziko Eremu (HBBE) izendatzea behin-behinean onartzea.
Bestalde, 2014ko urriaren 29an, Natura Babesteko Batzorde Nazionalak 2007ko abenduaren 4ko bileran onartutako nazioarteko garrantziko hezeguneen zerrendan (Ramsar hitzarmena) Espainiako hezeguneak sartzeko protokoloari jarraituz, Hezeguneen Batzordeari eskatu zaio Salburuako hezegunearen mugak aldatzea (nazioarteko garrantziko hezeguneen zerrendaren 1263. zk.ko eremua).
Xedapen Orokorrak egiteko prozedurari buruzko abenduaren 22ko 8/2003 Legeko 8.1 artikuluarekin bat, apirilaren 15eko 1/2004 Legegintza Dekretuaz onartutako Natura Babesteari buruzko testu bategineko 22.2 artikuluarekin bat, eta Natura Ondareari eta Biodibertsitateari buruzko abenduaren 13ko 42/2007 Legearen 49.2 eta 52.2 artikuluekin bat; administrazioen eta ingurumena babesteko helburua duten irabazte-asmorik gabeko erakundeen entzunaldi-izapideak egin behar dira, eta jendaurrean jarri behar dira eremuaren izendapena eta Ramsar hezegunearen mugen aldaketa.
Horregatik guztiagatik, Ingurumen eta Lurralde Politika Sailaren egitura organikoa eta funtzionala ezartzeko apirilaren 9ko 196/2013 Dekretuko 6.e) artikuluan xedatutakoarekin bat, honako hau
Lehenengoa. Jendaurrean jartzea izendapen hau: Salburuako hezegunea Kontserbazio Bereziko Eremu (KBE) eta Hegaztientzako Babes Bereziko Eremu (HBBE) izendatzea; hain justu ere, EHAAn iragarki hau argitaratu eta biharamunetik, 2 hileko epean (2015eko urtarrilaren 13an bukatuko da); epe horretan, egoki iritzitako alegazioak aurkeztu ahal izango dituzte interesdunek.
Bigarrena. Jendaurrean jartzea, lehen atalean adierazitako epe berean, Ramsar hezegunearen mugak aldatzeko proposamena.
Hirugarrena. Goragoko paragrafoan xedatutakoaren ondorioetarako, aipatutako epe horretan dokumentazioa ikusgai izango da, aztertu ahal izateko, bai egoitza elektronikoan: www.euskadi.net/natura2000, bai EAEko Administrazio Orokorraren Ingurumen eta Lurralde Politika Saileko Natura Ingurunearen eta Ingurumen Plangintzaren Zuzendaritzan, herritarrak jendaurreko ordutegian, helbide honetan:
Natura Ingurunearen eta Ingurumen Plangintzaren Zuzendaritza
Ingurumen eta Lurralde Politika Saila
Eusko Jaurlaritza
Donostia kalea 1
01010 Vitoria-Gasteiz
Vitoria-Gasteiz, 2014ko azaroaren 4a.
Natura Ingurunearen eta Ingurumen Plangintzaren zuzendaria,
AMAIA BARREDO MARTÍN.