- AGINDUA, 2003ko azaroaren 6koa, Osasun Sailburuarena; honen bidez, izaera pertsonala duten datuak erabilita, «aurretiazko borondateen erregistroa» deritzon fitxategi automatizatua sortzen da, eta Osasun Sailak kudeatzen dituen gainerako erregistroei gehitzen zaie. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2003ko azaroaren 6koa, Osasun Sailburuarena; honen bidez, izaera pertsonala duten datuak erabilita, «aurretiazko borondateen erregistroa» deritzon fitxategi automatizatua sortzen da, eta Osasun Sailak kudeatzen dituen gainerako erregistroei gehitzen zaie.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Osasun Saila
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 250
- Hurrenkera-zk.: 6991
- Xedapen-zk.: ---
- Xedapen-data: 2003/11/06
- Argitaratze-data: 2003/12/23
Gaikako eremua
- Gaia: Administrazioaren antolamendua; Osasun eta kontsumoa; Ogasun eta Ekonomía; Ekonomi Jarduerak
- Azpigaia: Gobernua eta herri administrazioa; Sailak; Ogasun; Informazio etak komunikazioak
Testu legala
Izaera Pertsonaleko Datuen Babesari buruz abenduaren 13an emandako 15/1999 Lege Organikoak 20. artikuluan ezartzen duenez, Administrazio Publikoetako fitxategi automatizatuak sortu, aldatu zein ezabatu nahi denean, Estatuko Buletin Ofizialean edo dagokion Egunkari Ofizialean argitaraturiko xedapen orokor bat erabili behar da.
Bestalde, martxoaren 26ko 428/1993 24.1.e) artikuluak, Datuen Babeseko Agentziaren Estatutua onartzen duenak, xedatzen du Datuen Babeseko Erregistro Orokorrean inskribatu behar direla datu pertsonalak dauzkaten eta Autonomia Erkidegoetako Administrazioen, edota berauen menpeko erakunde eta organismoen jabetzakoak diren fitxategi automatizatuak.
Era berean, 5/1992 Lege Organikoko zenbait alderdi garatzearren ekainaren 20an emandako 1332/1994 Errege Dekretuaren 5. artikuluak adierazten duenez, izaera pertsonaleko datuak dauzkan titularitate publikoko fitxategi ororen berri emango dio Datuen Babeseko Agentziari, horren erantzukizuna nork duen, Administrazioko organo eskudun horrexek, gero hark aipatutako Erregistro Orokorrean inskriba dezan; horretarako, fitxategia sortzeko xedapenaren kopia bat eramango da bertara, Agentziak horretarako egingo duen eredu normalizatua erabilita. Xedapen bereko 8. artikuluan ezartzen da fitxategi horiek aldatzeko edo ezabatzeko orduan, nola jokatu behar den.
Osasun Sailburuak 2000ko irailaren 22an emandako Agindua argitaratuta, arauturik geratu ziren Osasun Sailak kudeaturiko izaera pertsonaleko datuak dauzkaten fitxategi automatizatuak.
Fitxategi automatizatu berri hau sortu beharra dagoela ikusita, bidezko da honako xedapen hau agintzea, eta, bere edukia 15/1999 Lege Organikoan ezarritakoari egokitzea, betiere, honako hauek aintzakotzat izanik: batetik, osasunaren arloko aurretiazko borondateei buruz abenduaren 12an emandako 7/2002 Legea, eta, bestetik, Aurretiazko Borondateen Euskal Erregistroa sortu eta arautzeko azaroaren 4an emandako 270/2003 Dekretua.
Horren arabera, eta aipaturiko Lege Organikoan ezartzen denarekin bat etorriz, legezko xedapenek ematen didaten eskumenarekin, honakoa
Agindu honen Eranskinean adierazten denari jarraiki, Aurretiazko Borondateen Euskal Erregistroa deritzon izaera pertsonaleko datuen fitxategi automatizatua sortzen da, eta, era berean, Osasun Sailburuaren 2000ko irailaren 28ko Aginduaren I Eranskinari atxikitzen zaio, agindu horren bidez arautzen baitira Osasun Sailak kudeaturiko izaera pertsonaleko datuen fitxategi automatizatuak.
Fitxategi automatizatuetan agertzen direnek, nork bere datuei dagokienez, datuak aurkatu, atzitu, zuzendu eta ezabatzeko eskubidea baliatu ahal izango dute, hala dagokionean, agindu honen Eranskinean zehaztutako Unitate edo Zerbitzuan.
¿ Agindu honen bidez sortutako fitxategia, orain arte hemen adierazitako helburuak betetzeko balio izateaz gain, estatistikan erabiltzeko ere izango da erabilgarri.
¿ Aipatutako fitxategian jasota dauden datuak Administrazio Publikoetako Estatistika Zerbitzuei laga ahal izango zaizkie.
¿ Osasun Saileko Osasun Sailburuordetzak egin ahal izango ditu lankidetza-hitzarmenak datuen tratamendurako, betiere, 15/1999 Lege Organikoak datuen titularren bermeei eta babesari buruz adierazten duena zehatz-mehatz beteta.
Osasun Sailaren izenean dihardutela, izaera pertsonaleko datuen tratamendu automatizatuko zerbitzuak betetzen dituztenek, Tratamenduaren arduradunaren jarraibideak errespetatuta bete beharko dituzte beren zereginak, eta hala jasota geratuko da helburu horretarako egiten den hitzarmenean; ezingo dituzte, beraz, beste helbururen baterako aplikatu edo erabili, edo beste pertsona batzuei komunikatu, ezta datuen kontserbaziorako bada ere, betiere, aipaturiko 15/1999 Lege Organikoko 12. artikuluan xedatzen denari jarraiki.
Agindu honetan jasotako fitxategi automatizatuaren berri emango dio Osasun Saileko Zerbitzuetako eta Erregimen Ekonomikoko Zuzendaritzak Datuen Babeseko Agentziari Erregistro Orokorrean inskriba dezan; eta, horretarako, xedapen honen kopia bat bertara helaraziko dio, Agentziak helburu horrekin eginiko eredu normalizatua erabiliz.
Agindu hau Euskal Herriko Agintaritza Aldizkarian argitaratu eta hurrengo egunetik aurrera egongo da.
Vitoria-Gasteiz, 2003ko azaroaren 6a.
Osasun Sailburua,
GABRIEL M.ª INCLÁN IRIBAR.
FITXATEGIA: Aurretiazko borondateen euskal Erregistroa
A.¿ FITXATEGIAREN ARDURADUNA
Eusko Jaurlaritzako Osasun Saila
Osasun Ikerketa eta Garapeneko Zuzendaritza.
Helbidea.
Donostia-San Sebastián, 1
01010 Vitoria-Gasteiz (Araba)
B.¿ DATUAK AURKATU, ATZITU, ZUZENDU ETA EZABATZEKO ESKUBIDEA
Datuak aurkatu, atzitu, zuzendu eta ezabatzeko eskubidea baliatu nahi izanez gero, zein Zerbitzu edo Unitatetara jo behar den:
Bulego edo sailaren izena.
Osasun Ikerketa eta Garapenaren Zuzendaritza.
Helbidea.
Donostia-San Sebastián, 1
01010 Vitoria-Gasteiz (Araba)
C.¿ FITXATEGIA SORTU, ALDATU EDO EZABATZEKO XEDAPEN OROKORRA
Argitalpenaren Egunkari Ofiziala.
Xedapen Orokorra
D.¿ SEGURTASUN NEURRIAK
Segurtasun-maila. Maila altua.
E.¿ IZAERA PERTSONALEKO DATUEN FITXATEGIKO OINARRIZKO EGITURA ETA DESKRIBAPENA
Datu identifikagarriak.
Izena eta deiturak eta beste adierazgarri pertsonal batzuk, kasuan-kasuan, egileari, lekukoei, notarioari eta ordezkariei dagozkienak.
Helbidea.
Telefonoa.
Interesatua identifikatzeko Dokumentu ofiziala.
Beste zenbait datu.
Izaera pertsonaleko datuak:
Jaioteguna eta jaioterria
Sexua
Adina
Egoera zibilari buruzko datuak
Familiari buruzko datuak
Ordezkariaren datu identifikagarriak
Osasunari buruzko datuak. Interesatuak berak berariaz ideologia, erlijio edo sinesmenei buruz adieraziriko datuak.
Historia klinikoaren zenbakia, norberaren osasun-txartelaren zenbakia eta osasun-kudeaketako beste datu batzuk.
Egilespena zein egunetan eta zein eratara egin den.
F.¿ FITXATEGIAREN HELBURUA ETA AURREIKUSTEN DIREN ERABILPENAK
Helburuaren eta aurreikusiriko erabilpenen deskribapen zehatza.
Pertsona batek aurretiaz jasota utzi nahi duen borondateari buruzko dokumentuak erregistratzea eta artxibatzea da helburua, betiere, honako hauek aintzakotzat hartuta: batetik, osasunaren arloko aurretiazko borondateei buruz abenduaren 12an emandako 7/2002 Legea, eta, bestetik, Aurretiazko Borondateen Euskal Erregistroa sortu eta arautzeko azaroaren 4an emandako 270/2003 Dekretua.
Norbanakoaren atentzio sanitarioa nork duen, mediku horrexek erabili ahal izango du artxiboa, betiere, norbanako hori bere borondatea zein den adierazteko gai ez denean; horrez gainera, norbanako horren borondatea bete dela egiaztatzeko ere erabiliko da artxiboa, baina administrazio-datuak erabilita soil-soilik.
G.¿ ZEIN PERTSONAK EDO TALDEK EMAN DITZAKETEN EDO EMAN BEHAR DITUZTEN IZAERA PERTSONALEKO DATUAK
Bere borondatea aurretiaz Erregistroan inskribatu nahi duen edozein pertsonak eman ditzake datuak; horri lotuta, egintza horretan parte hartzen duten ordezkariek eta lekukoek edo notarioek ere eman behar dituzte beren datuak.
H.¿ DATU-BILKETAKO PROZESUA ETA PROZEDURA
Datuen jatorria
Bere borondatea aurretiaz, jare eta libre dela, Erregistroan inskribatu nahi duen edozein pertsonak egindako deklarazioa.
Datuak biltzeko prozedura.
Erregistroko Bulegora zuzenduriko formularioa edo idazkia.
Interesatuak berak, edo, aurretiaz hark baimena emanda, haren ordezkariak emango dizkie datuak, betiere, abenduaren 12ko 7/2002 Legean xedatutakoaren arabera, aurretiazko borondatea egilesteko gaitasuna duten pertsonei.
Datuak jasotzeko euskarria.
Papera.
Euskarri magnetikoa, elektronikoa edo telematikoa.
I.¿ DATUEN LAGAPENA EDO JAKINARAZPENA
Aurreikusitako datu-lagapenak
Medikuek erabil ditzakete, gaixoaz erabakiren bat hartu beharrean daudela, aurretiazko borondateen dokumentua egiletsi duten pertsonen osasunaz erantzukizuna dutenean.
Medikuek eta osasun-arloko lantaldeek erabil ditzakete, gaixoaren borondatea bete dela egiaztatzeko erantzukizuna dutenean; era berean, osasun-zentroetako administrazioko langileek ere bai, baina izaera administratibo hutsa duten datuak erabil ahal izango dituzte soil-soilik.
Beste autonomia-erkidego batzuetako edo estatu-administrazioetako antzeko Erregistroek erabil ditzakete datuok.
Estatistika eta ikerkuntza-arloak helburu dituzten beste erakunde batzuek ere bai, betiere, 15/1999 Lege Organikoan ezarritakoari jarraituz.
Datuen lagapena babesteko araua
Abenduaren 12ko 7/2002 Legea, osasunaren arloko aurretiazko borondateei dagokiena.
Azaroaren 14ko 41/2002 Legea, hor arautzen baitira, batetik, pazientearen autonomia eta, bestetik, informazio eta dokumentazio klinikoaren arloan dituen eskubideak eta betebeharrak.
Europako Kontseiluaren Hitzarmena, 1997ko apirilaren 4an izenpetua, biologia- eta medikuntza-arloetan gizakiak izan behar dituen duintasuna eta eskubideak babesteko dena (Gizakiaren eskubideen eta biomedikuntzaren gaineko Hitzarmena).
Abenduaren 13ko 15/1999 Lege Organikoa, Izaera Pertsonaleko Datuen Babesari dagokiona.
Gaiarekin lotutako edukiak
Arauaren historia (3)
- Indargabetutakoa: AGINDUA, 2005eko ekainaren 1ekoa, Osasun sailburuarena, Osasun Saileko datu pertsonalen fitxategien erabilpena arautzen duena.
- Ikus: 270/2003 DEKRETUA, azaroaren 4koa, Aurretiazko Borondateen Euskal Erregistroa sortu eta arautzekoa.
- Garatzen du: AGINDUA, 2000ko irailaren 28koa, Osasun sailburuarena, Osasun Sailak kudeatzen dituen datu pertsonalen fitxategi automatizatuak arautzen dituena.