Ongi etorri Legegunea atarira

Baldintza-agiriak. Legitimazio aktiboa; Euskadiko Kontratazio Plataformaren bidez deialdia eskuratu duen enpresak ez du halako legitimaziorik Sektore Publikoaren Kontratazio Plataformako publizitaterik eza aurkaratzeko. Eskaintzak aurkezteko epea; iragarkian eta baldintza-agirietan ezarritako epeak ez du betetzen legezko gutxienekoa, azkeneko eguna ez delako osorik zenbatzen. Preskripzio teknikoak: ezin dute gutxi gorabeherakoak izan, haiei estu ez lotzeak beti izan behar baitu kanpoan uzteko arrazoi; errekurtsogileari dagokio preskripzio teknikoen izaera diskriminatzailea frogatzea, Sektore Publikoko Kontratuen Legeak ez du eskatzen preskripzio tekniko guztiak espedientean zehatz-mehatz justifikatzeko; Sektore Publikoko Kontratuen Legeak preskripzio teknikoak zehazteko hainbat modu onartzen ditu eta ez du haien artean lehentasunik ezartzen. Kontratua sortatan banatzea; sortatan banatzeko irizpideak finkatzeko diskrezionalitate teknikoa, ez da egiaztatu aukeratutako banaketa-irizpidea arbitrarioa edo diskriminatzailea denik, kontratu bakar batean hainbat prestazio batzea eta horren iruzurrezko izaera frogatuta ez egotea. Adjudikazio-irizpideak: ez dira agertu behar preskripzio teknikoen agirian; baldintza-agirien idazkuntza nahasgarria eta kontrajarria da, gardentasun-printzipioa; ez da nahitaezkoa balio-iritziaren mendean dauden adjudikazio-irizpideen deskribapenean haiek aplikatzeko erabiliko den balioespen-metodoa jasotzea; prezioa balioesteko formula ez da argia adjudikazio-irizpide gisa eta ezin da automatikoki aplikatu; hautatutako formula justifikatzeko premia. Lizitazioa ezereztea.