Ongi etorri Legegunea atarira

Pleguak. Preskripzio teknikoak; doktrina orokorra; teknologia jakin bat eskatzen duen preskripzioa; prestazioaren funtzionamendu aurreikusgarria, egonkorra eta homogeneoa bermatzeko eskakizun justifikatua; ez dago arbitrariotasunik; erabakia koherentea da jada ezarritako sistemarekin eta aurretiazko kontsultekin. Baldintza-agirietako eduki jakin batzuen arrazoiak: kontratuaren objektuaren justifikazioa; kontratuaren iraupenaren motibazioa bost urtetik gorakoa izatea; iraupena ez da justifikatzen inbertsioen amortizazioagatik, baizik eta aldizka ordaindutako prestazio jarraituengatik; eskatutako kaudimenaren motibazioa, justifikaziorik eza alegatzen da, baina ez da alegatzen funtsezko arrazoirik, ez eta errekurtsogilearentzako kaltea zein den ere; irregulartasun formala; adjudikazio-irizpideen motibazioa; motibazioa nahikoa ez izateak ez du defentsa-gabeziarik eragin, ez du irizpideak aplikatzea eragozten, ez dago aurkaratzeko arrazoirik, eta ez da kaltea edo irregulartasun formala egiaztatu. Sortatan banatzea: doktrina orokorra, kontratua sortatan ez zatitzeko erabakiaren arrazoia laburra da, baina nahikoa; errekurtsogileak ez du alegatu zein den kaltea, eta ez du argudiatzen zergatik egiten dion mesede operadore ekonomiko jakin bati. Adjudikazio-irizpideak: berme-epea luzatzea saritzen duen irizpidea, gehikuntzarako mugarik ezarri gabe, lehia eraginkorra. Kontratua suntsiarazteko funtsezkotzat jotako klausula, klausula ez da zehazki eta argi definitzen, gardentasun-printzipioa, kontratuaren objektu zehaztugabea, eta kontratua ezin da alderdietako baten nahierara geratu. Eskaintza anormala: anormaltasun-atalasea, prezioa zati batean unitateko prezioka eta zati batean oroharreko prezioan finkatzen denean, anormaltasun-parametroak ez du kontuan hartzen eskaintzaren osotasuna, baldintza-agirietako apartatuen inkoherentzia obligazioaren egiturari dagokionez, parametroa aplikatzeak aurreikusi gabeko eragiketen bidez prezio global bat «berreraikitzea» ekarriko luke, gardentasun-printzipioa. Aurreko adjudikaziodunaren abantaila: doktrina orokorra, tratu-berdintasunaren eta gardentasunaren printzipioak, botere adjudikatzaileak emandako informazioa ez da nahikoa eskaintza lehiakor bat egiteko, eta aurkaratutako irizpidea orokorra da eta ez du botere adjudikatzailea lotzen. Ustezko inkongruentziak baldintza-agirien eta lizitazio-iragarkiaren eta aurkaratutako estipulazioaren artean, aurka egiteko arrazoiak azaldu gabe. Ebazpenaren ondorioak: adjudikazio-irizpide bat baliogabetzeak adjudikazio-prozedura ezereztea dakar.