Ongi etorri Legegunea atarira

"Espedientea ondoriorik gabe uzteko" erabakia. Aurkaratu daitekeen egintza: adjudikazio-prozeduran atzera egitea aurkaratu daitekeen egintza bat da. Adjudikazio-prozeduran atzera egitea: espedientearen edukitik ondorioztatzen da adjudikazio-prozeduran atzera egitea dela; doktrina orokorra, alegatutako lege-arau-hauste bakarra da espedientean lizitazioaren oinarrizko aurrekontua (LOA) ez justifikatzea, alegatutako arau-haustea hutsala da, ez da eztabaidatzen LOAren zenbatekoa egokia edo nahikoa den, ez du zentzurik prozedura berri bat hastea LOAren justifikazioa sartzeko bakarrik. Pleguen aurka jarritako errekurtsoa eta prozedura bukatutzat jotzea, orain deuseztatuta dagoen atzera egitearen ondorioz; errekurtsoa berriz kontuan hartzeko aukera; baztertu ez den lizitatzaile bakarrak errekurtso-prozedura «berrabiaraztea» eskatzeko legitimazio aktiborik ez izatea; lehen errekurtsogilearen eskaera (eta errekurtsoan alegaziogilea dena) ezin da sartu ebazpenaren xedapen-zatian, eta gai horri buruz KEAOk iritzia eman behar du. Ezin da berreskuratu jada amaituta dagoen errekurtso-prozedura bat, ezin da edukiari buruzko erabakirik hartu eta ez dago «gauza judizial administratiborik». Pleguen aurkako balizko errekurtso berri bati preklusio-epe bat jartzea errekurtso bereziaren ondorio erabilgarriaren aurkakoa izango litzateke; pleguen aurkako beste errekurtso bat jar daiteke, eta errekurtsoa jartzeko epea errekurtsogileak atzera egitearen baliogabetzearen berri duenetik hasten da. Ezin da froga-eskaera onartu, errekurtsoaren gaia funtsean juridikoa delako eta espedientean hura ebazteko behar diren datuak jasota daudelako.