Ongi etorri Legegunea atarira

Pleguak. Legitimazio aktiboa: sindikatu batek du baldintza-agiriak aurkaratzeko, kontratatutako zerbitzua kanpora ateratzeak kalte egin liezaiokeelako langileen kolektibo baten egonkortasunari edo lanbide-sustapenari; ez dator bat, ordea, legitimazio honekin: kontratua gauzatzean langileen gizarte- edo lan-betebeharrak urratzeko aukera (halakorik ez dago); sindikatu batek ez du legitimazio aktiborik pleguak aurkaratzeko, argudiatuz ez direla zuzenak prezioa zehazteko modua edo kontratua gauzatzeko faseen konfigurazioa, ez eta lotura generikoa, urrunekoa eta hipotetikoa langileen interesekin; errekurtso berezian ez dago "ekintza publikoa" egiterik. Baliabide propioen urritasunagatik zerbitzu-kontratua arrazoitzea. Kontratuaren xede den osagai teknologikoa aldakorra da, eta kualifikazio ere aldakorrak behar ditu. Bertako langileak kanpora atera ezin diren zereginetan aritzen dira, kanporatzea justifikatu ondoren. Botere adjudikatzailearen erabaki diskrezionala da, ez dago jasota gehiegikeriaz jokatu denik diskrezionalitatearen egikaritzan. Botere esleitzailea ez dago behartuta errekurtsogileak eskatzen duen moduan dituen giza baliabideak antolatzera. Lanbide-kategoria bat izate hutsak ez du berez esan nahi kategoria horretan integratutako langileek gaitasun teknikoa dutenik oro har eslei dakizkiekeen zereginetarako. Ez du garrantzirik aurreko kontratuak, helburu berarekin, ezagutzak lekualdatzea aurreikustea.